Stormur - 30.06.1942, Blaðsíða 2
S rORMUR
2S
í Snæfellsnessýslu voru greidd 1505 atkv. Hlaut Thor
Thors 752 atkv. Þórir Steinþórsson (F) 433, Kristján Guð-
mundsson (A) 222 og Eiríkur Albertsson sem bauð sig fram
fyrir Bændaflokkinn, sem nú hefir gefið upp vörnina, eftir
heldur giftusnautt líf, fekk 65 atkv.
Gunnar Thoroddsen er þar nú í framboði fyrir Sjálf-
stæðisflokkinn. Er hann glæsilegur maður og ágætlega til
þingmennsku fallinn. Framsóknarmenn tefla þar fram vits-
munamanninum frá Laugavatni, Bjarna Bjarnasyni, og er
sagt að hann leggi á sig mikið erfiði þar vesta, en hætt er
samt við því ,að hann þurfi lengri tíma en völ er á, til þess
að sannfæra Snæfellinga um gáfur sínar og því megi æska
landsins njóta þessa „sterkasta skólamanns“ næsta vetur.
Ólafur Friðriksson skáld, er í framboði fyrir Alþýðuflokkinn.
í Dalasýslu voru greidd 769 atkv. Hlaut Þorsteinn Briem
bændaflokksmaður 402 atkv. en Hilmar Stefánsson (F) 321.
Voru það Sjálfstæðismenn sem léðu Briem fylgi sitt. Nú fer
þar fram Þorsteinn sýslmaður af hálfu Sjálfstæðismanna.
Nýtur hann mikils trausts og vinsælda hjá Dalamönnum. —
Framsóknarmönnum þótti Hilmar of vandaður til þess að
hafa hann þar áfram í framboði, en fengu í hans stað mann-
tusku úr Búnaðarfélaginu, sem kvað heita Pálmi Einarsson.
Væri Dalamönnum mjög brugðið ef þeir kysu *þann lið-
hlaupa.
1 Barðastrandasýslu voru greidd 1034 atkv. Bergur Jóns-
son (F) hlaut 565 en Gísli Jónsson (S) 406. Sigurður Ein-
arsson var þá í framboði fyrir Alþýðuflokkinn og hlaut 90
atkv. og Hallgrímur Hallgrímsson fyrir Kommúnista; fékk
hann 62 atkv. — Gísli er enn þá í framboði, en Framsóknar-
menn tefla þar fram Steingrími Steinþórssyni. Er talið af
kunnugum, að Steingrími geti orðið hætt fyrir Gísla. — Eru
báðir mennirnir fylgnir sér og ófyrirleitnir, ef því er að
skifta.
í Norður-ísafjarðarsýslu voru greidd 1486 atkv. Vilm.
Jónsson (A) hlaut 789 atkv. Sigurjón Jónsson (S) 694. Nú
bjóða Sjálfstæðismenn þar fram Sigurður Bjarnason frá
Vigur, ungan mann og áhugamikinn, en Alþýðuflokkurinn
Barða Guðmundsson, ástvin Hriflu-Jónasar.
1 Vestur-ísafjarðarsýslu voru greidd 1180 atkv. Ásgeir
Ásgeirsson (A) hlaut 497, Gunnar Thoroddsen (S) 411 og
Jón Eyþórsson (F) 255. Ásgeir er enn í kjöri, og jafnfríður
sem fyrr og snyrtilegur, Sjálfstæðismenn bjóða þar fram
ungan mann og gáfaðan, Bárð Jakobsson, en Halldór
Kristjánsson frá Kirkjubóli er frambjóðandi Framsóknar-
manna. Er hann sagður karskur maður.
Á Isafirði voru greidd 1385 atkv. Finnur Jónsson (A)
hlaut 754 atkv. Bjarni Benediktsson (S) 576. Finnur er þar
enn 1 kjöri, en Björn Björnsson, hagfræðingur fyrir Sjálf-
stæðismenn. Sigurður Thoroddsen yngri er þar í kjöri af
hálfu Kommúnista. Er Sigurður hinn glæsilegasti maður.
í Strandasýslu voru greidd 962 atkv. Hermann Jónasson
hlaut 632 atkv., en Pálmi Einarsson (B) 311. Hermann vildi
ekki að vera á lista Jóh. Kr. Jóhannessonar, og er þar enn í
framboði, en Pétur Guðmundsson í Ófeigsfirði fyrir Sjálf-
stæðismenn. Er Pétur prýðilega gefinn maður og á flekk-
lausari fortíð en „kollubaninn".
í Vestur-Húnavatnssýslu voru greidd 828 atkv. Hlaut
Skúli Guðmundsson (F) 436 en Hannes Jónsson (B) 364.
Skúli er þar enn í kjöri en Guðbr. ísberg sýslum. fyrir Sjálf-
stæðismenn. — Skúli er greindur maður en ófyrirleitin. —
Guðbr. ísberg þótti með nýtustu þingmönnum á meðan hann
sat á þingi.
I Austur-Húnavatnssýslu voru greidd 1112 atkv. Jón
Pálmason (S) hlaut 428, en Hannes Pálsson (F) 318. Jón
Jónsson (B) 261 atkv. og Jón Sigurðsson (A) 94. Þeir Jón
og Hannes fara þar enn fram og Friðfinnur einhver Ólafsson
fyrir Alþýðuflokkinn. Talið er mjög tvísýnt, hvernig um
kosningu þessa fer, og veltur hún á því, hvað hinir fyrv.
bændaflokksmenn gera. Er vitað um nokkura, sem ýmist hafa
gengið í Framsóknar- eða Sjálfstæðisflokkinn, en óvíst er
um allan þorra þeirra.
í Skagafjarðarsýslu voru greidd 2083 atkv. Það er tví-
'menniskjördæmi og hlutu Framsóknarmenn kosningu, Pálmi
Hannesson 1072 atkv og Steingr. Steinþórsson 1066. Magn-
ús Guðmundsson (S) hlaut 963 og Jón Sigurðsson (S) 872.
Nú bjóða Sjálfstæðismenn fram Pétur Hannesson, bróður
Pálma Hannessonar og Jóhann Hafstein. Eru þeir báðir hæfi-
leikamenn og Pétur sagður hinn vinsælasti maður. Pálmi fer
þar enn fram og með honum Sigurður Þórðarson kaupfé-
lagsstjóri frá Nautabúi. Er hann vel gefinn maður, en sagð-
ur í meðallagi vinsæll Hefði Pálma verið sæmra að gæta
embættis síns, sem hann hefir lengi vanrækt, en vera má,
að Pétri bróður hans takist að bjarga heiðri hans.
I Eyjafjarðarsýslu voru greidd 4016 atkv. Kosningu hlutu
Bernh. Stefánsson (F) 1654 atkv. og Einar Árnason (F)
1593. Garðar Þorsteinsson (S) hlaut 1356, Stefán Stefánsson
(B) 1292. Bjóða þessir sömu menn sig þar fram enn, en nú
hefir Stefán frá Fagraskógi gengið í Sjálfstæðisflokkinn.
Þegar Garðar Þorsteinsson bauð sig þar fyrst fram hlaut
hann aðeins á fimta hundrað atkv., og sýnir þetta best hvers
trausts hann nýtur þar nyrðra. Stefán hefir reynst nýtur
þingmaður og drengur góður.
Á Akureyri voru greidd 2369 atkv. Sigurður Hlíðar (S)
hlaut 913 atkv. Steingrímur Aðalsteinsson (K) 635, Árni
Jóhannsson (F) 528 og Jón Baldvinsson (A) 258.
Sigurður fer þar enn fram, en nú tefla Framsóknarmenn
þar fram manninum með eyrun, Vilhj. Þór bankastjóra. Er
hann einn af hinum ráðvöndu og óeigingjörnu Framsóknar-
mönnum. Steingrímur er enn í kjöri fyrir Kommúnista, en
Jón Sigurðsson fyrir Alþýðuflokkinn. Við bæjarstjórnarkosn-
ingarnar í vetur hlaut Framsóknarflokkurinn langsamlega
flest atkvæðin, sem stafaði af því að Sjálfstæðismenn voru
klofnir og Jón Sveinsson bar fram sérstakan lista, sem hafði
mikið fylgi. Mjög óvíst er því um hvernig kosningar fara
þarna nú, og veltur á því hvað fylgismenn Jóns Sveinssonar
gera.
í Suður-Þingeyjarsýslu voru greidd 1892 atkv. Jónas
Jónsson (F) hlaut 1054. Kári Sigurjónsson (S) 288. Jónas er
þar enn í kjöri og fellur ekki að þessu sinni, en ýmsir spá því,
að þunnskipaðra verði umhverfis hann nú en fyrr. Júlíus
Hafstein sýslumaður er þar í kjöri fyrir Sjálfstæðismenn.
í Norður-Þingeyjarsýslu voru greidd 892 atkv. Hlaut
Gísli Guðmundsson (F) 839 atkv. en Jóhann Hafstein (S)
183. Gísli fer þar enn fram, og er sennilegt, að þingeyingum
þyki enn sem fyrr hrossaketið mata best. Fyrir Sjálfstæðis-
flokkinn býður sig fram Benedikt Gíslason bóndi í Hofteigi,
sem var frambjóðandi Bændaflokksins 1937 og hlaut þá 85
atkv.