Stormur - 23.12.1942, Qupperneq 1
STORMIH?
Ritstjóri: Magnús Magnússon
XVIII. árg. Reykjavík, 23. desember 1942 30. tölublað.
ÚR ANNÁLUM.
1698.
Átti hross á Arnarhóli á Seltjamarnesi folald með ,5
fótum og 5 höfðum, tveimur framfótum og þrem aftur-
fótum.
1700.
Á tveimur fyrirfarandi árum dó í Trékyllisvík meir en
stórt hundrað fólks, bæði af hallæri, einninn í sótt þeirri,
sem þeir kölluðu hneppisótt, því að öll liðamót líkamans
hneptust saman, hvar með að fylg'di blóðspýja eður blóð-
gusa á móti andlátinu. Sumir urðu líka bráðkvaddir.
# 1701.
Giftur maður á Suðurnesjum gekk til hvílu um kveldið
og kona hans. Kvartaði hann um fótakulda. Hún fór ofan
til fóta, fætur hans að verma, en strax sem þangað komin
var önduðust þau bæði.
Þjófnaður og rán víðast. I Árnessýslu á þessum vetri
voru markaðir og hýddir nær 20 þjófar.
Þá var Alþingi sett á Seljamannamessu þann 8. júlí.
Þar voru þá hengdir 2 þjófar að vestan. MjÖg fáment var
þó Alþing harðinda vegna, talin 50 tjöld, en fyrirfarandi
ár voru talin á Alþingi 300 tjöld.
Norðfjörður í Austfjörðum var eyddur af hallæri.
1702.
Stuldir og rán um land gervalt. Hýddir þjófar og mark-
aðir 6 í Rangárvallasýslu. Lögðust út á Suðurnesjum 2
þjófar, stálu bæði fríðum og dauðum peningum. Var ann-
ar hengdur, en annar strauk. Hengdir 2 þjófar í Gull-
bringusýslu, einn í Þverárþingi, einn úr Austfjörðum á
Alþingi.
Fæddi ein kona á Vestfjörðum óskaplegan burð með
mannshöfði, hitt alt í steinbítsmynd. Lofaður sé guð fyrir
rétta sköpun.
1704—1705.
Fanst bóndinn Sæmundur frá Árbæ í Mosfellssveit dauð-
ur í Elliðaám í Skötufossi um haustið. Hann var deyddur
af sínum sambýlismanni, er Sigurður hét, með ráði og
eggjan konu Sæmundar, Steinunnar Guðmundsdóttur, Pét-
urssonar. Hún var bróðurdóttir Jóns Péturssonar lögréttu-
manns á Hliði. Þessi Sigurður og hún voru réttuð suður í
Kópavogi og þar dysjuð. Hans höfuð á stjaka sett hjá
þeirra dysjum.
1705.
Á Alþingi voru líflátnir 6 manneskjur, karlmenn og
konur, sem var: Kona úr Kjós, sem fargað hafði barni
sínu, er hún átti við giftum manni, en hann strauk. Úr
Staðarsveit maður og kona. Hún var systurdóttir hans. Úr
Strandasýslu maður og kona. Hún var bróðurdóttir hans.
Úr Þingeyjarþingi maður, er barn hafði átt við systur konu
sinnar. Hann meðgekk ekki sitt brot fyr en á Alþingi,
kostaði sig sjálfan að norðan til hesta, og voru aldrei járn
á hann lögð, gekk hughraustur til dauðans með söngvum
og guðhræðslu. Sögðu margir hann ei ólíkan verið hafa
Jómsvíkingum forðum, hverjir dauðann ekki óttuðust.
Konan, sem hann átti barnið við, réttuð heima í héraði
eftir Alþingi.
1707.
Við Ingjaldshólskirkju á nýársdag var skorinn og skemd-
u rmaður í kirkjugarðinum á meðan sacramenfið var út-
deilt, skorinn úr munnvikinu og alt að eyranu.
1708.
Maður fátækur ferðaðist úr Eyjafirði suður á fjöll og
vildi í Borgarfjörð. Hann viltist og lá úti á fjöllunum
matarlaus lengi, komst um síðir til bygða austur í Skaftár-
tungu, kalinn nokkuð á höndum og fótum, lá úti í 24 dægur.
1706.
Á fyrirfarandi sumri eða ári á Eyrarbakka giftist ekkja
nærri áttræð tvítugum manni. Vildi hún honum aftur skila
empotentiae causa, þá nærri árið höfðu saman verið.
Daníel Porsieinsson & Co. h.f
i
SKIPASMlÐI — DRÁTTARBRAUT
VIÐ BAKKASTÍG, REYKJAVÍK
SlMI 2879 og 4779
Framkvæmum allskonar skipasmíðar og aðgerið á skip-
um og bátum. — Höfum einnig 1. flokks dráttarbraut
með hliðarfærslutækjum fyrir allskonar fiskiskip. Einnig
ágæta aðstöðu og tæki til smíðanna. Höfum að jafnaði
10—20 manns í vinnu.
Teiknum skip og gerum áætlanir. Höfum sýnt ótvírætt
fram á, að smíði fiskibáta á íslandi er fyllilega sambæri-
' Ieg við það besta erlendis.