Stormur - 15.09.1943, Blaðsíða 3
STORMUR
3
fyrir, án þess að spyrja félagsmenn ráða. í fyrstu fór allt
skaplega, því æstum flokksmönnum var haldið í skefjum.
En áleitni Alþýðuflokksins hefir stöðugt aukist þar, og verk
og framkvæmdir verið eingöngu falin þeirra forustu.
★
Fyrstu íbúðirnar í Rauðarárholtinu voru nokkurnveginn
skaplega dýrar. Annar flokkurinn fór rúmlega 50% fram úr
áætlun og hafði þó allt efni verið keypt áður en verðhækkun
varð mikil. En þriðji flokkurinn keyrir svo um þverbak, að
þar kostar þriggja herbergja íbúð milli 60 og 70 þúsund kr.,
að því er ætlað er, og það án girðingar og lagfæringar lóðar.
TJtborgun er áætluð minst 15 þúsund og hátt mánaðargjald í
42 ár. Efnilegir verkamannabústaðir'það, og víst ekki von á
frekari framkvæmdum í bráð.
★
Og réttlætið sýnir sig í því að okkur tveim var neitaö um
íbúð, sem við þó áttum löglegan rétt til og höfðum óátalið
greitt tilskilið framlag 1L Annar okkar hafði misskilið lýð-
ræði Alþýðuflokksins, en ég undirritaður fylgi Sjálfstæðis-
flokknum. Eg ætlaði þó íbúðina handa börnum mínum, því
íbúð sú, sem eg hefi er ónóg handa 13 manns, sem eru í
heimili mínu.
★
En hinsvegar er ungum einhleypum piltum óátalið leyft
að kaupa íbúðir og leigja þær út, líklega vegna þess að þeir
eru synir góðra Alþýðuflokksmanna. Og ýmislegt annað
meint misrétti er talið eiga sér stað. Svona er nú komið lof-
orðunum um jafnrétti, frelsi og bræðralag.
En hvernig er það með aðstoðina um hollar íbúðir, sem átti
að veita barnamönnunum, kjallaraholumönnunum og íbúun-
um af hanabjálkaloftunum? Hefir Alþýðuflokkurinn og
kommúnistar gleymt þeim? Því varla verður búist við að
svoleiðis fólk geti snarað út 15 þúsundum fyrir utan hátt
mánaðargjald. Nei, handa slíku fólki vill Alþýðuflokkurinn
og kommúnistar láta reisa fátækrahverfi, eins og álpaðist út
úr góðum Alþýðuflokksmanni á fundi í byggingarfélaginu.
★
Verkamannabústaðina átti að reisa við hæfu og getu
þeirra, sem aðstoðar þurftu. Það verður aldrei meðan þessi
þöi'fu byggingarmál eru bitbein pólitískra flokka. En þessi
mál verða að komast í rétt horf, því á því veltur velferð
fjöldans, sem bágast á.
Hannes Jónsson, Ásvallagötu 65.
Skrifstofur vorar eru fluttar
í Hafnarhvol
KOLASALAN H.F.
LÝSI H. F.
H.F. FYLKIR,
H.F. ASKUR.
‘ Framleiðum alls konar
steinsteypuvörur
II I . PtPUVERKSMIÐJAN
Reykjavík — Símar 2551 — 2751 — 2851.
EUilaun og
örorkubætur
Umsóknum um ellilaun og örorkubætur fyrir árið
1944 skal skilað fyrir lok septembermánaðar.
Umsóknareyðiblöð fást á skrifstofu borgarstjóra,
Pósthússtræti 7, herbergi 19, 2. hæð, alla virka daga kl.
10—12 og 2—6 nema laugardaga eingöngu kl. 10—12.
Umsækjendur geta fengið aðstoð við að fylla út
eyðublöðin á sama stað og tíma frá 1. september. Þeir
eru sérstaklega beðnir að vera við því búnir að gefa
upplýsingar um eignir sínar og tekjur frá 1. okt. 1942
og um framfærsluskylda venslamenn sína (böm, kjör- x
börn, foreldra, kjörforeldra, maka).
Þeir sem sækja u mororkubætur fyrir árið 1944 og
hafa ekki notið þeirra árið 1943, verða að fá örorku-
vottorð hjá trúnaðarlækni Tryggingarstofnunar ríkis-
ins. Þeir öryrkjar, sem notið hafa örorkubóta á þessu
ári, þurfa ekki að fá nýtt örorkuvottorð nema þeir fái
sérstaka tilkynningu um það.
Trúnaðarlæknirinn verður fyrst um sinn til viðtals á
lækningastofu sinni, Vesturgötu 3, alla virka daga
nema laugardaga.
Ef umsækjendur senda ekki umsóknir sínar á rétt-
um tíma, mega þeir búast við því, að þær verði ekki
teknar til greina.
BORGARSTJÓRINN f REYKJAVÍK.
Leggið leið yðar
um
Hafnarstræti
í
EDINBORG
Aðalsláturtéðin
er htgrgmð
Hér eftir seljum við daglega KJÖT í heilum kroppum,
SLÁTUR, sérstök SVIÐ, LIFUR, HJÖRTU og MÖR.
Reynt verður að senda slátur heim til kaupenda ef tekin
eru ÞRJU eða fleiri í senn. Slátrin seljast fyrir sama verð
og síðasta ár, — en mör hefur lækkað um tvær krónur hvert
kgr. Er það mikil óbein lækkun á sláturverðinu.
Kjötið er selt fyrir hið lögákveðna heildsöluverð til neyt-
enda og hefir það lækkað um 50 aura hvert kgr. fyrir atbeina
ríkisst j ómarinnar.
Viðskiftavinir! Munið, að því fyr sem þér sendið pantanir
yðar, því auðveldara verður að fullnægja þeim.
Sláturíélag SuSurlands
HEILDSALAN.
Símar 1249 og 2349.