Alþýðuhelgin - 29.10.1949, Blaðsíða 16
304
ALÞÝÐUHELGIN
SMÆLKI
BJÖRGUN.
Annan dag maímánaðar 1822 sáu
menn, er voru við selveiðar á báti
úr Borgarfirði eystra, af sjónum sex
menn í fjöru á eyðisvæði við Glett-
inganes sunnanvert vií?' fjörðinn.
Kom þeim þegar í hug, að það
myndu skipbrotsmenn, eins og líka
reyndist. Var þar Thomas Thompson
skipherra, stýrimaður og fjórir há-
setar af briggskipinu „The Wear“
frá Lundúnum. Skipið var um 108
lestir og átti skipherrann þriðjung
þess. Höfðu þeir lagt út 12. marz og
ætluðu að sækja ís. Komust þeir inn
í hann hinn 27., en 28. liðaðist skipið
sundur og sökk. Skipverjar voru alls
11. Drukknuðu nú tveir hásetar, en
skipherra, stýrimaður og fjórir há-
setar fóru í kaf á meðan þeir voru
að leitast við að losa bátana, en gátu
ekki. Voru þeir síðan 12 daga á ísn-
um, unz þeir höfðu búið sér til bát
úr stórgerðu lérefti og fjölum, og
ætluðu sér með fyrstu að smjúga á
honum milli jakanna til íslands, en
treystu eigi bát sínpm til þess er á
herti. Sneru þeir aftur að tveim
dögum liðnum og komust eftir fjóra
daga þar frá í auðan sjó austanvert
við ísinn. Þar dvöldu þeir einn dag
til þess að rota sel sér til bjargar. 20.
apríl var vindur N.N.V. Sigldu þeir
þá og ætluðu að halda bátnum til
Færeyja, en vindur gekk skjótt til
austurs, svo þeir stýrðu suðureftir í
tvo daga, og vonuðu að vindur
mundi ganga til, en neyddust svo til
að halda undan til íslands. Eftir
fjögra daga siglingu reiknaðist
þeim, að þeir myndu vera komnir
nálægt Reyðarfirði. Rak þá á suð-
vestan storm, og sáu þeir ekki land
fyrr en að kvöldi hins 29. Dóu þá
þrír hásetar, er eigi höfðu smakkað
vatn í sex daga. Þann 30. lentu þeir
á áðurnefndu nesi sunnan við fjörð-
inn og biðu þar þangað til selveiða-
mennirnir tóku þá fársjúka og stór-
skemmda á fótum og fluttu inn í
Borgarfjörð. Var þeim þar komið
fyrir á þrem helztu bæjunum og
hjúkrað sem bezt. Hrakningasaga
þessi er tekin eftir bréfi skipherr-
ans til Páls sýslumanns Melsteðs,
dagsettu 11. maí það ár.
(Annáll 19. aldar.)
* *
BJÖRN í LUNDI.
Björn bóndi í Lundi hafði hvefsað
Jón skáld Thoroddsen í orðum. Jón
kvað:
Sagði guð við söfnuðinn,
sem í heimi undi:
„Allt er gott nema andskotinn
og hann Björn í Lundi.“
Ritstjóri: Stefán Pjetursson.
Alþýðuprentsmiðjan.