Flóra: tímarit um íslenzka grasafræði - 01.04.1966, Qupperneq 92

Þá skal getið um nokkur mosamoldarsvæði, sem engar talningar
voru gerðar í. Eru þær einnig a£ Bárðdælaafrétti. Vestan undir Hitu-
laugarhrauni í um 480 m hæð eru allmiklar raklendar mosamoldir.
Á þær slær tilsýndar gulum blæ af gullbrá (Saxifraga Hirculus), sem
er ein algengasta tegundin þar ásamt hvítstör (C. bicolor). Annars eru
þar ílestar sömu tegundirnar og í XXXI. 5—7, grastegunda gætir þó
minna.
Þá eru einnig hinar svonefndu „flæður" á innanverðum Bárðdæla-
afrétti að verulegu leyti mosamoldir, þótt önnur gróðurhverfi séu þar
einnig. Nafnið „flæða“ mun sennilega til komið af því, að vatn flýtur
þar yfir í vorleysingum. Stóraflæða í um 680 m hæð er að miklu leyti
mosamold með mjög strjálum háplöntum. Aðaltegundir þar eru: gras-
víðir (S. herbacea), grávíðir (S. glauca), hálmgresi (C. neglecta), korn-
súra (P. viviparum), hvítstör (C. bicolor) og krummalyng (E. herma-
froditum). Um svæðið Hggja víða drög með vatnslænum, þar sent ein-
hneppa (Eriophorum Scheuchzeri) og hálmgresi (C. neglecta) eru
drottnandi tegundir. En sums staðar í þurrum drögunr eru aðalteg-
undirnar grasvíðir (S. glauca) og tryppanál (Jimcus arcticus). Líkt er
gróðri farið á Marteinsflæðu í meginatriðum og flestar sömu tegund-
irnar á báðum flæðunum. Á Marteinsflæðu, hæð um 730 m, eru aðal-
tegundir mosamoldarinnar giasvíðir (S. herbacea) og gullbrá (S.
Hirculus).
Þótt athuganir mínar á mosamold séu fáar og ekki nógu kerfis-
bundnar, hygg ég að hún sé gróðurlendi, er samsvarar mosaþembu
(Rhacomitrium heiði) þar sem sumarúrkoma er minni en vetrarsnjór
meiri og liggur lengur, og raki helzt í jarðvegi af þeim sökum. Hún
mun einnig oft finnast þar sem vatn leikur um í vorleysingum, og
einnig sem tiltekið gróðurstig í gróðurhverfaröð frá blásinni mold til
víðiheiðar.
Undanfarandi kafli um mosamold er skrifaður fyrir meira en áratug. Ég sé ekki
ástæðu til að breyta lionum í nokkru verulegu, þótt ýmislegt hafi komið fleira fram
um mosamoldina síðan. Það skal einungis tekið fram, að ég hygg nú, að mosamold-
in nálgist snjódældir og eigi ef til vill bezt heima í því gróðurlendi.
90 Flóra - tímarit um jslenzka grasafræði