Flóra: tímarit um íslenzka grasafræði - 01.04.1966, Qupperneq 104

STEINGERVINGAR í HLÍÐARFJALLI.
Á síðastliðnu sumri (1966) gekk ég á Hlíðarfjall og Vindheimajökul. Fór ég frá
vatnsbóli Akureyrar upp í hvilft jtá, sem á korti er nefnd Hlíðarskál. Tvær jökul-
fannir eru neðarlega í skálinni, aðskildar af urðarhrygg. Þegar ég fór upp eftir
hryggnum kom ég auga á flísar af surtarbrandi, bæði móflögur og trjábúta, sem lá
laust í skriðunni. Leifar þessar urðu því ineiri scm ofar dró, og rnest var af þeim
í urðarhrygg, sem gengur þvert yfir skálina í um það bil 950—1000 m.h. — Er
hryggur þessi myndaður af mikilli hjarnfönn, sem liggur efst í skálinni, ofan við
áðurnefndar tvær fannir. Ekki tókst mér að finna leifarnar í föstu bergi, enda er allt
umrótað af jöklinum. Móbergslag virðist vera í fjallinu unt þetta bil, og ef til vill
einnig líparitlag. Þá er mikil sandsteinsmyndun norðan við skálina, og nær hún upp
á topp fjallsins þar.
í móleifunum er mikið af förum eftir blöð og stöngla ýmissa mýraplantna, en
nánari rannsókn þarf til að ákvarða það. Yfirleitt er þó mórinn svipaður venjulegum
nútímamó (sverði). Viðarbútarnir eru allir mjög brotnir og illa farnir, og erfitt að
átta sig á hinum upprunalega sverleika jteirra, en enginn virtist mér vera stærri en
svo, að hann gæti ekki verið af birki eða víði.
Þá fann ég þarna á hryggnum fornan mýrarrauða, með blað- og stöngulförum.
Ennfremur mikið af ljósum leir, sent sennilega er barnamold.
All niikið er af heillegum kísilþörungaskeljum í leirnum og fylgilögum mósins.
Væri sú flóra eíalaust vænleg til könnunar.
Dr. Trausti Einarsson getur um surtarbrand á Jsessum stað í grein sinni um
Glerárdal í Ferðum (blaði Ferðafélags Akureyrar), en lýsir því ekki nánar.
H.Hg.
NÝTT FÉLAG GRASAFRÆÐINGA.
Á næstliðnu sumri, dagana 8.—12. júní 1965, var stofnaö í Lundi í Svíjtjóð,
félag norrænna kerfisfræðinga (Nordisk forening for taxonomisk botanik). Þátt-
takendur í stofnfundinum voru grasafræðingar frá öllum Norðurlöndunum, nema
Islandi.
Hugmyndin að jiessum félagsskap kom fyrst fram hjá sænskum grasafræðingum
í Lundi, vorið 1964, og í des. sama ár var sent umburðarbréf til ýmissa grasafræðinga
á Norðurlöndum, til að kanna áhuga Jteirra fyrir slíkri félagsstofnun. Mörg jákvæð
svör bárust við jiessari málaleitan, og var því boðað til áðurnefnds stofnfundar.
Því miður hal'a íslenkir grasafræðingar ekki enn getað gerzt virkir þátttakendur
í Jressum félagsskap, og raunar rná vænta Jress, að þátttaka Jreirra í honum verði
alltaf nokkrum örðugleikum bundin, sökurn fjarlægðar okkar.
Lög fyrir félagið voru samþykkt í eftirfarandi formi, á fundinum í júní síðastl.
1. gr. Hlutverk félagsins er að efla hreina og hagnýta kerfisfræði (kerfis-grasafræði),
ásamt skyldum eða tengdum greinum og gæta hagsmuna þeirra; að auð-
velda og styrkja samstarf norrænna kerfisfræðinga.
102 Flóra - tímarit um íslenzka grasafræði