Félagsbréf - 01.01.1956, Blaðsíða 30
Fyrsta ár Bókafélagsins
Þegar Almenna bókafélagið hóf
göngu sína á liðnu ári, hygg ég, að
ýmsir hafi talið, að um tilraun væri
að ræða og óvíst væri hver árangurinn
kynni að verða. Ogsannastsagnavoru
skoðanir okkar, sem í fyrirsvari erum
fyrir félagið, nokkuð skiptar um það,
hvers árangurs mætti vænta af starf-
seminni. Sumir töldu, að félagatalan
gæti orðið tvö til þrjú þúsund, aðrir
voru svo bjartsýnir að leggja til, að
prentuð væru fimm þúsund eintök
af félagsbókunum, ef félagatalan
kynni eitthvað að hækka, en engan
óraði fyrir því, sem nú er orðið veru-
leiki, að nær sex þúsund landsmenn
gerðust þátttakendur þegar á fyrsta
starfsári.
Einhverjir munu hafa verið þeirrar
skoðunar, að hið nýja bókafélag
mundi eiga erfitt uppdráttar, þar
sem fyrir væri í landinu öflugt félag
styrkt af almannavaldinu, en aðrir
töldu, að Almenna bókafélagið mundi
skerða hag Þjóðvinafélagsins.
Stofnendur Bókafélagsins virtu að
vettugi þessar skoðanir svartsýnis-
manna, og reynslan hefur nú sýnt, að
þær voru ekki á rökum reistar.
Þúsundirnar, sem þegar gengu í
Bókafélagið, eru gleggsta sönnun
þess, að nægilegt starfssvið er fyrir
félagið, og ekki hefur þess orðið vart,
að áhugi manna fyrir Þjóðvinafélag-
inu minnkaði vegna starfa Bókafé-
lagsins. Þvert á móti má fullyrða, að
útgáfa hins nýja félags okkar muni
bæta hag margra annarra útgáfu-
félaga og einstakra útgefenda,
er fram líða stundir, því að góðar
bækur eru nú einu sinni þeim töfrum
gæddar að freista þeirra, sem nokkr-
ar lesa, til að eignast og lesa fleiri.
Þá vilja sumir rekja hinn versn-
andi hag útgáfufélags kommúnista
til starfa Bókafélagsins. Líklega
verða þó önnur atvik að aldurtila því
fyrirtæki, enda er ólíklegt, að heil-
brigðir menn vilji lúta andlegri for-
ystu Kristins Andréssonar, eins og
hag hans og þeirra sálufélaga er
komið eftir reisu hans til Rússlands.
En að því leyti sem orsakanna er að
leita hjá Bókafélaginu, þá mun sag-
an ekki saka forystumenn þess, þó að
störf þeirra yrðu til að eyða kommún-
istiskum áhrifum á menningarlíf Is-
lendinga.
Eins og að líkum lætur, hafa hinar
miklu vinsældir, sem félagið hefur
þegar hlotið meðal almennings, orðið
forráðamönnum þess hvatning til
aukinna starfa.
Enda þótt óumdeilanlegt sé, að
félagið bauð á fyrsta starfsárinu
geysigóð kjör, er félagsmenn fengu
fimm góðar bækur fyrir aðeins 150
krónur, er hitt samt staðreynd, að ár-
ið 1957 fá félagsmenn enn verðmeiri
bækur fyrir óbreytt árgjald, og það
þrátt fyrir verðbólgu þá, sem hófst
fyrir réttu ári og síðan hefur stöð-
ugt vaxið.