Félagsbréf - 01.01.1956, Blaðsíða 31

FÉLAGSBRÉF
29
En auk félagsbókanna verða á
næstunni g-efnar út allmargar auka-
bækur. Verða þær seldar þeim fé-
lagsmönnum, er þess óska, á kostn-
aðarverði á sama hátt og mynda-
bókin ÍSLAND. Ein þessara bóka
kemur nú út, smásagnasafn Þóris
Bergssonar, sem út er gefið í tilefni
af sjötugsafmæli höfundar á síðast
liðnu ári. Endanleg ákvörðun hefur
enn ekki verið tekin um aðrar auka-
bækur, en fullyrða má, að félagar
verða ekki fyrir vonbrigðum af á-
kvörðunum, sem teknar verða í þeim
efnum.
Ekki er það eingöngu fjölgun fé-
laga að þakka, hve hagur Bókafé-
lagsins er nú góður. Styrktarmenn
félagsins, sem við nefnum Stuðla,
hafa þar lagt hönd á plóginn. Þeir
hafa nú lofað fjárframlögum, sem
nema hvorki meira né minna en einni
milljón króna. Er stuðningur þeirra
ómetanlegur fyrir félagið, því að án
hans hefðu f járhagserfiðleikar haml-
að allri starfseminni.
Stuðlar keyptu hluta fasteignar-
innar Tjarnargötu 16, þar sem Bóka-
félagið hefur tryggt aðsetur á kom-
andi árum. Er húsið í hjarta höfuð-
borgarinnar og varla verður á betri
aðbúnað kosið.
Þannig eni yfirstignir byrjunar-
örðugleikarnir og gera má ráð fyrir,
að öll störf gangi betur og liðugar
en verið hefur á þessu fyrsta starfs-
ári, sem lýkur með útgáfu þeirra
bóla, er nú berast félagsmönnum.
Endurprentun fyrstu félagsbók-
anna og band nær átján þúsund ein-
taka tók að sjálfsögðu alllangan
tíma, svo að afgreiðslu bókanna
seinkaði nokkuð fyrir jólin. Á sama
hátt hefur orðið dráttur á útkomu
síðari hluta bókanna fyrir árið 1956.
Stafar hann bæði af aukningu upp-
laganna og svo af því, að frágangur
allur hefur verið vandaður fram yfir
það, sem talið var fært, áður en félag-
inu óx fiskur um hrygg.
Þessi töf á útgáfunni hefur valdið
starfsmönnum félagsins óþægindum,
og félögunum nokkrum leiðindum,
sem vonandi hverfa, er þeir fá þær
góðu bækur, sem fylgja þessu hefti.
Væntanlega kemur ekki til þess oftar,
að bækur félagsins berist síðar en
heitið er, enda starfsemin nú komin
í fastar skorður. Þess er svo einnig
að gæta, að bækurnar, sem þessu
hefti fylgja, eru síðari hluti bókanna
fyrir yfirstandandi ár, svo að naum-
ast er þörf að biðja sérstakrar af-
sökunar á því, þótt þær komi ekki út
fyrr en á miðju ári.
Engu vil ég spá um framtíð Al-
menna bókafélagsins og áhrif þau,
er störf þess munu hafa á íslenzkt
menningarlíf, en fyrsta starfsár þess
spáir hins vegar góðu um árangurinn
á ókomnum árum.
E. K. J.