SSFblaðið - 01.06.2013, Blaðsíða 15
15
er við heildarlaun á hverja unna klst., sem er svipað og niðurstöður
mælingarinnar í október 2010. Meðalheildargreiðslur karla á klst.
voru tæpar 4.047 krónur, en meðalheildargreiðslur kvenna á klst.
tæpar 3.024 krónur.
Að teknu tilliti til aldurs, menntunar, starfsaldurs og starfsstéttar
minnkaði kynbundinn munur á heildarlaunum í 12,1% sem er
nokkuð undir meðaltali samkvæmt tölum ASÍ um kyndbundinn
launamun. Samkvæmt greiningu Capacent má segja með 95% vissu
að hægt sé að segja að á meðal fólks innan félaga SSF, á sama aldri,
með sömu menntun, sama starfsaldur og í sömu starfsgrein séu konur
með á bilinu 10,3% til 13,9% lægri heildarlaun á klst. en karlar.
Ef eingöngu var horft til dagvinnulauna að teknu tilliti til áhrifa
starfsaldurs, aldurs, menntunar og starfsstéttar kemur fram að
kynbundinn launamunur er um 11,6%.
Jafnframt var spurt um það hvort annað kynið nyti meiri
möguleika á vinnustaðnum til starfsframa. Samkvæmt niðurstöðum
könnunarinnar telja 25,5 % svarenda að karlar njóti nokkuð eða
miklu meiri möguleika til starfsframa. 67,3 % töldu að kynin nytu
jafnra möguleika. Þetta er nokkuð minni hlutföll en könnunin
árið 2010 gaf til kynna en þá töldu 33,8% svarenda karla búa yfir
nokkuð eða miklu meiri möguleikum til starfsframa.
Jafnrétti á vinnumarkaði er ein af grundvallarkröfum
verkalýðshreyfingarinnar, þ.e. að starfsfólki sé ekki mismunað á
grundvelli ómálefnalegra þátta eins og kynferðis, litarháttar og
annarra þátta sem varða ekki verðmæti vinnuframlags eða hæfni
starfsfólks. Niðurstöður rannsókna undanfarin ár hafa sýnt að
kynbundinn launamunur er til staðar á íslenskum vinnumarkaði.
Dregið hefur úr kynbundnum launamun en illa hefur gengið að
eyða honum þrátt fyrir ákvæði í jafnréttislögum um ólögmæti
mismununar á grundvelli kynferðis og ýmsar aðgerðir stjórnvalda,
félagasamtaka og aðila vinnumarkaðarins.
Til að reikna leiðréttan kynbundinn launamun er notuð línuleg
aðhvarfsgreining (linear regression analysis) þar sem leiðrétt er fyrir
áhrif fjögurra þátta á laun (aldur, starfsaldur, starfsstétt og menntun).
fjárhagur heimilaNNa mikið áhyggjuefNi
SSF telur niðurstöður könnunarinnar um fjárhag heimila félags-
manna mikið áhyggjuefni en þar kemur fram að 9% heimila safni
skuldum á meðan 15,2% heimila nái endum saman með naumindum
og þá nota 37,3 % heimilanna sparifé sitt til að ná endum saman.
32,6% félagsmanna ná að safna svolitlu sparifé og 6% talsverðu.
Þá var spurt hvort viðkomandi teldi að fjárhagsstaða heimilisins
kæmi til með að skána á næstu sex mánuðum. 20,4% svarenda
töldu svo vera
Úrtakið voru 4214 félagsmenn SSF, 3022 svör bárust og var svar-
hlutfall því um 72%. Lesa má heildarniðurstöður könnunarinnar
og fyrri kannanna í vefsíðu SSF, www.ssf.is, undir Bókasafn.
mikil áNægja með þjóNustu ssf
Í könnuninni var spurt að því hversu ánægðir félagsmenn væru með
þjónustu SSF í heildina. Af svörunum að dæma þá er mikil ánægja
með þjónustuna en nær allir sögðust annaðhvort vera ánægðir með
þjónustuna eða höfðu enga skoðun á henni. 35,7% sögðust mjög
ánægðir með þjónustuna, 36,9% frekar ánægðir og 25,3% sögðust
hvorki ánægðir né óánægðir með þjónustuna.
Ný heimasíða
Ný heimasíða SSF var tekin í notkun í apríl. Mikil vinna hefur
verið lögð í að gera síðuna sem aðgengilegasta fyrir félagsmenn.
Hægt er að nálgast ýmsar upplýsingar á heimasíðunni s.s. um
orlofsmál, upplýsingar um sjóði, launareiknivél, niðurstöður
kannana félagsins, hægt er að skoða útgáfumál félagsins,
upplýsingar um trúnaðarmenn og margt fleira.
Allar ábendingar og athugasemdir um það sem betur má fara
á síðunni eru vel þegnar á ssf@ssf.is.