SSFblaðið - 01.06.2013, Blaðsíða 19
19
í aðdragaNda kjaraviðræðNa
á þiNgi ssf var eiNs og veNja er farið yfir starf félagsiNs á síðustu
þremur árum og gerð greiN fyrir skýrslu stjórNar. Þingið í ár
endurspeglaði þá staðreynd að kjarasamningar félagsmanna eru
lausir frá og með 1. desember 2013. Mikill tími þingsins fór í að
ræða stöðu núverandi kjarasamninga og umræður um áherslur við
gerð nýrra kjarasamninga.
vill setjast strax að samNiNgaborði
Friðbert Traustason, formaður stjórnar SSF, gaf strax tóninn við
upphaf þings. Hann sagði að samhliða framlengingu kjarasamnings
árið 2010 hafi öll stéttarfélög, ásamt atvinnurekendum og ríkisstjórn
Íslands skrifað undir svokallaðan stöðugleikasáttmála, en í honum
voru ýmis ákvæði og atriði sem þessir þrír aðilar skuldbundu sig
til að vinna að til að efla atvinnulíf og bæta lífskjör á Íslandi. „Því
miður varð ekki mikið um efndir af hendi yfirvalda, kaupmáttur jókst
lítið eitt hjá þeim sem lægri launin höfðu (krónutöluhækkun launa),
gengið var áfram afar veikt og verðbólgan há. Þessu til viðbótar hefur
hið opinbera, ríki og bæjarfélög, hækkað allar álögur, skatta og gjöld,
sem íþyngt hefur bæði fyrirtækjum og einstaklingum“ sagði Friðbert
þegar hann ávarpaði þingið.
Friðbert Traustason, formaður stjórnar SSF.
Hann sagði mikilvægt að setjast strax niður að samningaborði og
ræða „öll stærri félagstengd málefni kjarasamninga, þó svo umræðan
um launalið samninganna bíði fram á sumar“. Friðbert segir að
stefnan sé að vera tilbúin með nýjan kjarasamning þegar núverandi
samningur rennur út þann 30. nóvember 2013.
ályktaNir kjaraNefNdar
Þing SSF 2013 beindi fjölmörgum ályktunum til samninganefndar
SSF þar sem áherslur félagsmanna er áréttaðar fyrir komandi
kjaraviðræður.
var því meðal aNNars beiNt til samNiNgaNefNdar að...
...krefjast þess að framlag vinnuveitenda í lífeyrissjóð verði hækkað
úr 10% í 12% skv. núgildandi lögum. Þetta hafi ekki áhrif til
breytinga á öðrum lífeyrisgreiðslum.
...semja um að ákveðið sé hámarksþak á fæðingarorlofsgreiðslur
í samráði við vinnuveitendur. (Félagsmenn margir hverjir hafa
ekki efni á að fara í f.orlof vegna mikillar tekjuskerðingar).
...semja um nýja launatöflu sem endurspegli raunveruleg laun
og að fastlaunasamningar rúmist sem kostur er innan hennar.
...semja um að fjármálafyrirtæki hafi lokað á gamlársdag. (Tölur
sýna að minni aðsókn er í útibú á gamlársdag. Kauphallir um
alla Evrópu eru lokaðar og víðast hvar á Norðurlöndum er
lokað á gamlársdag).
Þá var lögð mikil áhersla á að samninganefndin krefðist þess að
ríkisstjórnin afnemi fjársýsluskatt á laun starfsmanna enda mismuni
hann einni starfsstétt umfram aðrar.
afleiðiNgar „baNkaskattsiNs“
Fjársýsluskattur var lagður á fjármálafyrirtæki árið 2011, oft kallaður
bankaskatturinn. Með tilkomu hans var lagður 5,45% skattur á
heildarlaunagreiðslur til starfsmanna fjármálafyrirtækja. Samtökin
hafa ítrekað lýst því yfir, m.a. í umsögn um fjárlagafrumvarpið,
að skattlagningin mismuni einni starfstétt umfram aðra og sé í
reynd launaskattur. Þá vöruðu samtökin við því árið 2011 að
fjársýsluskatturinn kæmi til með að ýta undir fækkun starfa og nú
hafa 100 starfsmenn í útibúunum, við bakvinnslu og í þjónustuverum
bankanna og annarra fjármálafyrirtækja, misst vinnuna, þar af 90
konur, frá því álagningin hófst þann 1. janúar 2012.
framhald á Næstu síðu
Dagana 14. – 15. mars 2013 var 45. þing SSF
haldið á Hótel Selfossi. Þingið sóttu 65 þing-
fulltrúar sem skipaðir eru af aðildarfélögum SSF
auk áheyrnarfulltrúa, gesta og starfsmanna eða
alls 90 manns. Mörg mál lágu fyrir þinginu og var
þingfulltrúum skipt niður í sjö nefndir til að fjalla
um þau. Þingstörf gengu vel fyrir sig og var það
einróma álit þeirra sem þingið sóttu að vinnubrögð
hefðu verið fagleg og allur undirbúningur fyrir
þingið til fyrirmyndar. Ný 11 manna stjórn var
kosin á þinginu, ásamt stjórnum Menntunar-,
Styrktar- og Vinnudeilusjóðs.
ari skúlasoN, starfsmaður laNdsbaNkaNs
„Þingið var merkileg reynsla fyrir mig. Ég hef tekið þátt í mörgum
svona samkomum áður, en yfirleitt sem starfsmaður og umfjöll-
unin verið um málefni sem snertu mig sjálfan lítið. Á þessu
þingi var fjallað um mín mál og mínar vinnuaðstæður og ég
fékk tækifæri til þess að tjá mig um það. Þarna var greinilega
samstilltur og framsýnn hópur sem hefur mikla þekkingu á því
sem taka þarf á.“
ari er gjaldkeri í stjórN fslí og sat í
kjaraNefNd á þiNgi ssf