SSFblaðið - 01.06.2013, Blaðsíða 23

23
jóhaNN arNarsoN meðstjórNaNdi
Jóhann hóf störf hjá Byggðastofnun árið 2008 en þar starfar hann sem lánasérfræðingur á fyrirtækjasviði
ásamt því að sitja í stjórnum fyrirtækja fyrir hönd stofnunarinnar. Fyrir utan tímabundna sumarvinnu í
Íslandsbanka þá hefur hann ekki áður starfað í fjármálafyrirtæki en hefur gegnt ýmis konar störfum í mismunandi
atvinnugreinum m.a. sem markaðsstjóri Gúmmívinnslunnar hf. á Akureyri. Jóhann er með mastersgráðu frá Aarhus
school of business í Danmörku en þar lagði hann stund á nám í fjármálum og alþjóðaviðskiptum.
Jóhann er kvæntur og á þrjár dætur og er fjölskyldan búsett á Akureyri.
Hann er mikill áhugamaður um íslenska hestinn og stundar fjölskyldan þar sína eigin ræktun ásamt því að fara
árlega í styttri hestaferðir. Einnig er hann mikill áhugamaður um hvers konar íþróttir og ferðalög sem kemur sér
afar vel þar sem núverandi vinna hans krefst talsverðra ferðalaga.
kristjáN björN sNorrasoN meðstjórNaNdi
Kristján Björn Snorrason er markaðsstjóri hjá Sparisjóðnum Afli, Skagafirði-Siglufirði.
Hann er fæddur á Óslandi í Óslandshlíð í Skagafirði 1955 og uppvaxtarárin voru á Hofsósi. Kristján lauk
Samvinnuskólaprófi frá Bifröst 1981
Hann hóf störf hjá Búnaðarbanka Íslands árið 1981 og var deildarstjóri innlána og tékkareikningsdeildar í aðal-
bankanum 1984 -1991, en tók þá við starfi útibússtjóra í Borgarnesi.
Þar starfaði hann í rúm 12 ár, eða til ársins 2004. Árið 2005 var Kristján ráðinn sparisjóðsstjóri Sparisjóðs
Skagafjarðar og gegndi því starfi til ársins 2009 þegar Sparisjóðir Siglufjarðar og Skagafjarðar voru sameinaðir
undir hatti Sparisjóðsins Afls.
Kristján var þá ráðinn markaðsstjóri Sparisjóðsins Afls með aðsetur í Reykjavík.
Kristján hefur verið virkur í félagsmálum. Hann var framkvæmdastjóri UMSS 1975-1978, í samvinnunefnd
banka og sparisjóða 1985- 1989, forseti Bridds-sambands Íslands 2003-2005 og í stjórnum deilda ungmennafélaga
t.a.m. körfuknattleiksdeildar Skallagríms.
Kristján er giftur Þóru Þrastardóttur. Hann á þrjú börn úr fyrra hjónabandi með Öldu S. Guðnadóttur. Börn
Þóru eru einnig þrjú og barnabörnin eru orðin tvö hjá Kristjáni og tvö hjá Þóru.
Kristján er mikill tónlistarunnandi. Hann er stofnandi og liðsmaður hljómsveitarinnar Upplyftingar frá 1975
og því er Traustur vinur hans uppáhaldslag. Kristján stefnir langt með hljómsveit sína og nýverið var nafn Upp-
lyftingar þýtt fyrir alþjóðamarkað, en bein þýðing á nafni hljómsveitarinnar er Viagra.
Önnur áhugamál Kristjáns eru bridds, reiðskólahestar og gæðingar, allar íþróttir, stjórnmál og mannlíf yfir-
leitt. Hann hefur einnig gaman af því að semja og hlýða á góðar vísur og ljóð.
 Eftir að einhver hafði hrasað í oflof og sagt, „snillingur ertu Kristján“, svaraði hann af alkunnu skagfirsku lítillæti:
Um það hef ég grænan grun,
því greind mína ég þekki.
Að snillingur á sjónarmun,
sé ég bara ekki!
oddur sigurðssoN meðstjórNaNdi
Oddur starfar sem þjónustustjóri í Tækniþjónustu Íslandsbanka. Auk þess að starfa sem þjónustustjóri þá
er kennsla og félagsmál hluti af hans störfum.
Oddur er rafeindavirkjameistari að mennt og hefur auk þess kennsluréttindi frá Háskólanum á Akureyri. Oddur
hefur starfað hjá Íslandsbanka og forverum hans í um 16 ár fyrst sem verktaki og síðan starfsmaður. Áður vann
hann sem kennari hjá Rafiðnaðarskólanum, tæknimaður hjá Ratsjárstofnun og þar á undan rak hann verkstæði á
Eskifirði sem tengdist rafeindatækjum heimila og skipa.
Oddur er giftur Helgu Unnarsdóttur, leirlistamanni, og eiga þau tvo drengi.
Oddi finnst fátt komast að annað en vinnan og félagsmál en hann hefur gaman að golfi auk þess að fara í góða
göngutúra sér til heilsubóta.
vissir þú að...
...upp úr 1880 var farið að ræða á Alþingi um stofnun innlends banka, en málið strandaði í fyrstu á ágreiningi um það hvort
hér skyldi stofna seðlabanka eða fasteignalánabanka. Það var svo árið 1885 sem frumvarp um stofnun Landsbanka Íslands
náði fram að ganga og hófst starfsemi hans á miðju næsta ári.
Heimild: Seðlabanki Íslands