SSFblaðið - 01.10.2013, Blaðsíða 8
8
friðbert trAustAson, formAður ssf, segir mikilvægt Að
stjórnvöld drAgi úr álögum á fyrirtæki og lAunAfólk, drAgi
úr verðbólgu og Afnemi gjAldeyrishöft. Viðræðuáætlun um
endurnýjum kjarasamninga hefur verið samþykkt en kjarasamningar
SSF renna út í lok nóvember. Ekki er hægt að semja nema til
skamms tíma segir Friðbert þar sem ríkisstjórnin hefur enn ekki
sýnt fullmótaða áætlun til lengri tíma.
Friðbert er ómyrkur í máli varðandi allt tal um frekari hagræðingu
innan bankakerfisins og frekari sameiningar banka.
viðræðuáætlun um endurnýjun kjArAsAmningA
Kjarasamningar SSF eru lausir til endurnýjunar í lok nóvember.
Í byrjun þessa mánaðar skrifuðu forsvarsmenn SSF og Samtök
atvinnulífsins (SA) undir viðræðuáætlun um endurnýjun
kjarasamninga. SA fer með samningsumboð fyrir flest fyrirtæki
þar sem félagsmenn SSF starfa. „Í viðræðuáætluninni er gert ráð fyrir
því að afgreiða aðra liði en kaupliðinn í október, en formlegar viðræður
um kaupliði samnings hefjist í nóvember“ segir Friðbert aðspurður
um það hvort viðræður séu hafnar.
skAmmtímAsAmningur einA færA leiðin
„Það er alveg ljóst nú þegar að samið verður til 10-12 mánaða að
þessu sinni“ segir Friðbert. Hann segir að kjarasamningar milli
atvinnurekenda og verkalýðsfélaga verði aldrei gerðir nema með
aðkomu ríkisstjórnar og sveitarfélaga. „Það er því tilgangslaust að
semja um launahækkanir ef ríki og sveitarfélög taka alla slíka hækkun
strax með hækkuðum álögum á launamenn, í formi skattahækkana,
hækkun gjalda, orkuskatta, sjúklingaskatta o.s.frv. Núverandi ríkisstjórn
hefur enn ekki sýnt á spilin og því eru skammtímasamningar eina
leiðin að þessu sinni.“
mikilvægt Að stjórnvöld drAgi úr álögum
„Áherslan er og verður alltaf bætt launakjör fyrir alla hópa innan SSF,
launajafnrétti, jafnrétti til starfa og virk fjölskyldustefna þar sem frítími
starfsmanna er virtur“ segir Friðbert aðspurður um megináherslur
SSF við endurnýjun kjarasamnings.
Að hans mati er hagvöxtur enn of lítill til að standa undir miklum
launahækkunum í prósentum talið og því er „enn mikilvægara
að stjórnvöld dragi úr álögum bæði á fyrirtæki og launamenn með
skattalækkunum og hugsanlega hækkun persónuafsláttar“. Hann telur
það vera sameiginlegt markmið allra að draga úr verðbólgu og aflétta
gjaldeyrishömlum sem allra fyrst til að fjármálakerfið og fjárfestar fái
stöðugra umhverfi og atvinnulífið meiri möguleika til að greiða hærri
laun. „Ísland er láglaunaland í dag í samanburði við hin Norðurlöndin
og norðurhluta Evrópu. Því verður að breyta til betri vegar“.
umræðAn um stærð íslenskA bAnkAkerfisins á
villigötum
Undanfarin misseri og ár hefur það verið tíðrætt að bankakerfið á
Íslandi sé of stórt og hafa ýmsir fullyrt að það hafi jafnvel ekkert
minnkað frá hruni. Friðbert telur að þessi umræða um stærð
bankakerfisins og fjölda starfsmanna fjármálafyrirtækja sé „því
„ÍSLAND ER LÁGLAUNALAND“
segir friðbert traustason, formaður ssf.
„Það er því tilgangslaust að semja um launahækkanir
ef ríki og sveitarfélög taka alla slíka hækkun strax með
hækkuðum álögum á launamenn, í formi skattahækkana,
hækkun gjalda, orkuskatta, sjúklingaskatta o.s.frv.“