SSFblaðið - 01.10.2013, Síða 15
15
gert er ráð fyrir því í nýfrAmlögðu fjárlAgAfrumvArpi Að
fjársýsluskAtturinn verði lækkAður í 4,50%, úr 6,75%.
Fjársýsluskattur var lagður á fjármálafyrirtæki árið 2011, oft kallaður
bankaskatturinn. Með tilkomu hans var lagður skattur sem nemur í
dag 6,75% á heildarlaunagreiðslur til starfsmanna fjármálafyrirtækja.
SSF hefur ítrekað lýst því yfir, m.a.
í umsögnum að fjárlagafrumvörpum
undanfarinna ára, að skattlagningin
mismuni einni starfstétt umfram
aðra og sé í reynd launaskattur. Þá
vöruðu samtökin við því árið 2011
að fjársýsluskatturinn kæmi til með
að ýta undir fækkun starfa.
Aðalfundur SSF 2013 ályktaði
harðlega gegn skattinum og sagði hann
hafa skelfilegar afleiðingar í för með
sér fyrir starfsfólk fjármálafyrirtækja
og þess krafist að skatturinn yrði
afnuminn af launum félagsmanna.
jákvætt skref
Friðbert Traustason fagnar því að gert sé ráð fyrir að fjársýsluskatturinn
lækki í fjárlagafrumvarpinu en tekur það fram að baráttunni sé ekki
lokið fyrr en að skattlagningunni verði hætt.
„SSF hefur barist gegn álagningu „fjársýsluskatts“ alveg frá því
við heyrðum áform um álagningu hans árið 2010. Þessi
skattur er ekkert annað en viðbótar „launaskattur“ ofan á
þann launaskatt, tryggingagjaldið, sem fyrirtæki almennt
þurfa að greiða. Þessi skattur er lagður á eina starfsstétt sem
er ekkert annað en mismunun á vinnumarkaði og leiðir
beint til fækkunar starfa í þessari mikilvægu starfsgrein,
fjármálaþjónustu“ segir Friðbert. Hann segist ekki trúa
öðru en að „núverandi stjórnvöld sem telja sig hafa betri
þekkingu á atvinnurekstri en þau sem á undan voru, afleggi
þennan illa ígrundaða skatt.“ Hann segir að SSF hafi
barist ötullega gegn skattinum á undanförnum árum og
mótmælt skattlagningunni harðlega og sú barátta hefur
„náð eyrum stjórnmálamanna og ekki síður starfsmanna
ráðuneytisins og skilað því að þessi skattur verður nú lækkaður og
vonandi afnuminn á kjörtímabilinu“ segir Friðbert.
FJÁRSÝSLUSKATTURINN
LÆKKAÐUR Í 4,5%
„Þessi skattur er ekkert
annað en viðbótar
„launaskattur“ ofan
á þann launaskatt,
tryggingagjaldið, sem
fyrirtæki almennt
þurfa að greiða“
vissir þú Að...
...einn 10.000 króna seðill kostar 29 krónur í prentun. Peningaseðlarnir eru keyptir af breska fyrirtækinu De La Rue en fyrirtækið
hefur prentað íslenska peningaseðla í 83 ár. Heimild: Viðskiptablaðið