SSFblaðið - 01.10.2013, Blaðsíða 19
19
„við erum að bregðast við Þessum nýja veruleika og reyna að móta
hann um leið“ segir kristján kristjánsson, upplýsingAfulltrúi
lAndsbAnkAns.
stArfsfólk hættir Afgreiðslu reiðufjár
Í lok nóvember mun Landsbankinn opna nýtt útibú í Vesturbænum
í Reykjavík sem verður með gjörbreyttu sniði. Lögð verður ríkari
áhersla á ráðgjöf og almenna þjónustu en í nýja útibúinu verða
engar gjaldkerastúkur og starfsfólk mun ekki afgreiða reiðufé.
„Viðskiptavinir geta þó sinnt öllum sínum venjulegu erindum eftir
sem áður, borgað reikninga, millifært, tekið út reiðufé eða lagt inn
á reikninga, en í stað þess að gera það hjá gjaldkera, munu þeir gera
það í nýrri kynslóð hraðbanka og í tölvum sem verða aðgengilegar í
útibúinu“ segir Kristján.
Hann segir útibúið koma til með að verða mjög
frábrugðið öðrum útibúum en augljósustu breytinga
rmunu verða þær að það verða engar gjaldkerastúkur
og starfsmenn munu ekki eiga fast skrifborð. Í stað
þess að starfsfólkið verði í gjaldkerastúkum eða bak
við skrifborð þá verður það „frammi í útibúinu til
að aðstoða þá sem þess þurfa við að nýta hraðbanka og
tölvur auk þess að sinna almennri þjónustu og ráðgjöf.“
ítArlegri fjármálAráðgjöf
Í Vesturbænum verður lögð áhersla á að veita
einstaklingum alla hefðbundna þjónustu „og
heldur meira í raun, því við teljum að með þessum
breytingum muni gæði þjónustu aukast. Nýtt útibú
mun gera viðskiptavinum auðveldara að sækja
ráðgjöf og okkar markmið er að aðgengi að starfsfólki
verði þægilegra og að biðtími styttist. Það gerum við með því að auka
sjálfvirkni og fækka handtökum við einfalda afgreiðslu. Á sama tíma
viljum við byggja upp öflugri og sérhæfðari þekkingu og veita starfsfólki
aukið svigrúm til að sinna dýpri og ítarlegri fjármálaráðgjöf en verið
hefur. Hluti af því er að fjölga vottuðum fjármálaráðgjöfum í útibúinu.
Samanlagt myndar þetta umtalsverða breytingu til batnaðar á þjónustu.“
Hann segir að Landsbankinn hafi sótt ráðgjöf og fyrirmyndir
erlendis frá við innleiðingu nýja útibússins. Kristján segir að t.a.m.
hafi Nordea farið þá leið að hætta að afgreiða reiðufé í sumum af
sínum útibúum og gert víðtækar breytingar og hann segir að sumar
þeirra leiða sé verið að skoða, en aðrar ekki. „Það er mikilvægt að
breytingar af þessum toga henti íslensku samfélagi“ segir Kristján.
heimsóknir í fArsímAbAnkAnn sjöfAldAst
Kristján segir að reynsla nýja útibússins verði metin
áður en ákvarðanir um fleiri slík útibú verða teknar.
Hann segir þó ljóst að það eru að verða „miklar
breytingar á tækni- og samskiptasviðinu sem varða öll
fyrirtæki – þar með talið banka – og ekki er hægt að horfa
framhjá. Yfir 80% allra snertinga viðskiptavina við útibú
eru rafræn. Mánaðarlegar heimsóknir í farsímabanka
Landsbankans, l.is hafa sjöfaldast síðustu 9 mánuði og
síðuflettingar sexfaldast. Þær voru orðnar yfir milljón í
september. Yfir 90% viðskiptavina í Vesturbæjarútibúinu
eru virkir netbankanotendur. Svona má áfram telja.
Þetta hefur allt áhrif á bankastarfsemi, á þjónustuna
og dreifileiðirnar. Við erum að bregðast við þessum nýja
veruleika og reyna að móta hann um leið“ segir Kristján.
GJÖRBREYTT ÞJÓNUSTA
Í NÝJU ÚTIBÚI
félAgsmenn Athugið!
Frá og með 7. október 2013 eru umsóknir um
almennan styrk í Styrktarsjóð SSF rafrænar. Sótt
er um á heimasíðu SSF, www.ssf.is
Um er að ræða sama kerfi og notað hefur verið
til að taka á móti umsóknum í Menntunarsjóð SSF.
Þar hefur reynst vel að taka rafrænt við umsóknum
og trúum við því að þessi breyting verði til hins
betra fyrir félagsmenn. Skanna þarf frumrit
kvittana og hengja við umsóknir. Í öllum tilfellum
er sendur staðfestingarpóstur þegar umsókn er
móttekin, ef slíkur póstur berst ekki hefur mistekist
að senda inn umsókn.
Skrifstofa SSF