SSFblaðið - 01.10.2013, Blaðsíða 21
21
Í nokkrum tölublöðum Bankablaðsins á árunum 1936 – 1941, með hléum, má sjá ritdeilur manna um ráðningar gjaldkera við hin ýmsu útibú. Af umfjöllununum að dæma
voru um afdráttarlausar ádeilur að ræða þar sem Samtök blaðamanna gagnrýndu ákveðnar ráðningar og samtökunum var svo svarað fullum hálsi í tölublöðum þar á eftir.
Á meðfylgjandi síðu má sjá bréf sem
Sigurður Guðmundsson skrifar blaðinu
til svara þeirri gagnrýni sem kom fram í
Bankablaðinu fyrr árið 1935. Þar höfðu
Samtök blaðamanna gagnrýnt ráðningu
Sigurðar sem gjaldkera við útibú
Útvegsbankans á Ísafirði. Gagnrýndu
samtökin að bakari hefði verið ráðinn sem
gjaldkeri án reynslu úr gjaldkerastörfum.
Sigurður svarar hér gagnrýni samtakanna
með bréfi til blaðsins sem er svarað í sama
blaði af samtökunum fullum hálsi.
Á seinni síðunni er afrit af síðu
Bankablaðsins frá júlí 1940 en þar er
gagnrýnd ráðning í stöðu útibússtjóra
Landsbankans á Eskifirði. Vilja samtökin
meina að ráðningin hafi ekki verið á
faglegum forsendum. Segir í blaðinu
að „þaulreyndir og prýðilegustu menn
úr starfsliði Landsbankans“ hefðu sótt
um stöðuna. „Engin þeirra gat komið
til greina, að dómi bankaráðs, að
hreppa stöðuna, heldur varð fyrir vali
kaupfélagsstjóri austur á fjörðum“.
Fjölmörg viðtöl eru að finna í Bankablöðum við áhrifafólk í fjármálalífi
Íslendinga. Meðfylgjandi eru sýnishorn úr gömlum tölublöðum
Bankablaðsins, þar eru viðmælendur Bjarni Ármannsson, þá nýráðinn
forstjóri Fjárfestingabanka atvinnulífsins, Már Guðmundsson, þáverandi
aðalhagfræðingur Seðlabanka Íslands, um áhrif evrunnar en viðtalið er
tekið skömmu áður en gjaldmiðillinn evran er gefin út en hún kom út 1.
janúar 1999. Þá er viðtal við Finn Ingólfsson, þáverandi iðnaðar – og
viðskiptaráðherra, um hlutafélagavæðingu Landsbankans og Búnaðarbankans
sem þá var unnið að.
Fyrsta tölublað Bankablaðsins 1996. Sagt var frá því að „kaflaskil hafa orðið í íslenskri afbrotasögu
og einnig bankasögu.“ Í blaðinu er fjallað um fyrsta íslenska bankaránið en rán var framið í útibúi
Búnaðarbankans í Vesturbæjarútibúi þann 18. desember 1995. Þrír glímuklæddir menn ruddust inn
í útibúið, vopnaðir hnífum og haglabyssu, og hrópuðu „vopnað rán“. Þeir brutu upp gjaldkerakassa
og er talið að þeir hafi hlupið á brott með á aðra milljón króna. Málið hefur aldrei verið upplýst.
Sagt var frá því í Tímanum daginn eftir ránið að það hefði verið vel skipulagt. Starfsfólk útibúsins
varð skelkað og þáði áfallahjálp síðar um daginn. Í þessu tölublaði Bankablaðsins er rætt við Jóhönnu
Sigurjónsdóttur um ránið en hún var útibússtjóri í Vesturbæjarútibúi þegar ránið var framið.