SSFblaðið - 01.12.2013, Blaðsíða 15
15
Síðustu helgina í júní gekk um 30 manna hópur Laugaveginn frá Landmannalaugum að Þórsmörk. Ferðin heppnaðist einstaklega
vel og hefur verið ákveðið að bjóða aftur uppá svipaða ferð á næsta ári þar sem færri komust að en vildu. Í haust voru líka gengnar tvær
gamlar þjóðleiðir, Síldarmannagötur frá Hvalfirði að Skorradal í september og Selvogsgatan í október.
matarklúbbur sí
Matarklúbburinn er með fjölmennari klúbbum Starfsmannafélags Íslandsbanka og stendur fyrir ýmsum
námskeiðum í matargerð á borð við grillnámskeið á vormánuðum, sushi námskeiðum sem alltaf eru
vinsæl, jólakonfektnámskeið og ekki má gleyma árlegu sælkera matarboði þar sem færri komast að en vilja.
handavinnuklúbbur sí
Handavinnuklúbburinn er elsti starfandi klúbbur bankans. Klúbburinn byrjaði upphaflega sem
bútasaumsklúbbur en hefur þróast út í allskonar handavinnu. Klúbbsfélagar mæta einu sinni í mánuði
eftir vinnu og sitja við fram yfir kvöldmat. Eftirlaunaþegar hafa haft kost á að mæta og hefur klúbburinn
notið góðs af reynslu þeirra í handavinnu.
sjósundsklúbbur sí
Ofurhugar mæta einu sinni til tvisvar í mánuði í Nauthólsvík og
stinga sér til sunds, hvernig sem viðrar. Klúbburinn hefur verið ötull
við að kynna starfsmönnum kosti sjósunds og hvetja til þátttöku.
vEiðiklúbbur sí
Markmiðið með klúbbnum er að efla veiðisportið innan bankans,
tengja saman alla þá fjölmörgu starfsmenn sem hafa áhuga á veiði
og síðast en ekki síst að bjóða góð tilboð sem nýtast veiðimönnum
og fjölskyldum þeirra. Allir starfsmenn sem greiða félagsgjöld í SÍ
eru velkomnir í klúbbinn og er félagsgjald ekkert.
huglEiðsluklúbbur sí
Hugleiðsluhópur Íslandsbanka hittist hálfsmánaðarlega. Hópurinn hefur fengið myndlistarmanninn Tolla til liðs við sig sem leiðbeinanda
en hann hefur á liðnum árum kynnt hugleiðsluaðferðir og íhugun fyrir smærri og stærri hópum.
annað félagsstarf
Félagsstarf SÍ er fjölskylduvænt og niðurgreitt af félaginu. Með því að hafa öflugt félagslíf er aukið á samheldni, vellíðan og vinnugleði.
Þeir viðburðir sem félagið stendur fyrir í samvinnu við Íslandsbanka er m. a. árshátíðin sem er stærsti viðburður innan bankans.
Síðustu ár hefur Stefnumótunarfundur verið haldinn sama dag og árshátíð og hefur það gefist vel. Aðrir viðburðir eru Fjölskyldudagur,
Fjölskyldubingó í Vinabæ um jól og páska, Jólaball á Broadway fyrir alla fjölskylduna, Keilumót, Skautadagur og fleira. Félagsstarf
eftirlaunaþega SÍ er einnig starfrækt á ári hverju, eftirlaunaþegar hafa aðgengi að orlofshúsum og farið er í dagsferð einu sinni á ári í
samstarfi við Mannauðssvið.
Starfsmenn eiga ekki allir möguleika á því að mæta á viðburði SÍ vegna fjarlægðar frá höfuðborginni en þá hafa skemmtinefndir útibúa á
landsbyggðinni verið duglegar við að taka sig saman og halda svipaða viðburði í sínu útibúi
og fengið viðburðinn niðurgreiddan af SÍ eins og þeir sem búa á höfuðborgarsvæðinu. Þar
má meðal annars nefna bingó, skautadag og jólaball.
SÍ hefur yfir að ráða 20 sumarhúsum og íbúðum á víð og dreif um landið. 14 eru á
Suðurlandi, 4 á Norðurlandi, 1 á Austurlandi og 1 á Vestfjörðum. Hafa starfsmenn nýtt
sér þessi hús vel.
Handavinnuklúbburinn að störfum
Ofurhugar sjósundsklúbbsins að búa sig undir sund í Nauthólsvík