Fréttablaðið - 09.10.2004, Blaðsíða 12
^v\v
FRÉTTABLAÐIÐ
9. október 2004 LAUCARDAGUR
Af hverju gengur
þessi hrotti laus?
Frakkland:
Sprengja
vid sendiráð
FRAKKLANP. AP Tíu manns særðust
þegar sprengja sprakk við sendi-
ráð Indónesíu í París í Frakk-
landi í gærmorgun.
„Ég vona að franska ríkis-
stjórnin geri allt sem hún getur
til að ná ódæðismönnunum,“
sagði Susilo Bambang
Yudhoyono sem mun taka við
forsetaembættinu í Indónesíu
síðar í mánuðinum.
Sprengjunni var komið fyrir í
pakka við fánastöng fyrir utan
sendiráðsbygginguna. Flestir
slösuðust þegar rúður brotnuðu
og glerbrot skutust í allar áttir.
Að sögn Dominique de Villep-
AÐSTÆÐUR SKOÐAÐAR
Grunur leikur á að íslamskir ötgamenn
beri ábyrgð á sprengingunni.
in, utanríkisráðherra Frakk-
lands, er rannsókn þegar hafin á
málinu. ■
Hjúkrunarfræðingur:
Hefur játað
17 morð
banparIkin. ap Þeim fjölgar smám
saman fórnarlömbunum sem
hjúkrunarfræðingurinn Charles
Cullen viðurkennir að hafa myrt.
Á fimmtudaginn játaði Cullen
fyrir rétti að hafa myrt 78 ára
gamlan mann á sjúkrahúsi í Penn-
sylvaníu. Maðurinn er sautjánda
fórnarlambið sem Cullen játar að
hafa myrt en talið er að hann hafi
drepið um fjörutíu sjúklinga á
sextán árum með því að gefa þeim
banvænan skammt af lyfjum.
Dómsuppkvaðning í máli Cul-
len verður í desember en hann á
yfir höfði sér 120 ára fangelsis-
dóm. ■
Geðsjúk börn í
köldum kjallara
Barna- og unglingageðdeildin á Dalbraut er starfrækt í röngu og óviðunandi
húsnæði. Að sögn starfsfólks er aðstaðan verst í kjallara hússins, sem er kaldur,
saggafullur, án loftræstingar og fullur af maurum og silfurskottum.
SÝNISHORN
Iðjuþjálfunin á BUGL er talandi dæmi um hvernig búið er að deildinni. Hún er á 15 fer-
metra gangi í kjallara en inn af honum eru tvö lltil viðtalsherbergi. Enginn gluggi, engin
loftræsting.
HEILBRICPISmAL Bráðnauðsynleg
iðjuþjálfun fyrir geðsjúk börn og
unglinga á 15 fermetrum í köldum
og saggafullum kjallara. Lista-
smiðja í gömlu kæliherbergi í
sama kjallara, svo og tómstunda-
herbergi. Loftræsting er engin, en
nóg af maurum og silfurskottum,
að sögn starfsfólks. Starfsaðstaða
fyrir sálfræðing fengin með því að
brjóta niður gamalt klósett. Við-
kvæm viðtöl þurfa að fara fram í
„skjálftahúsi" frá Hvolsvelli, sem
ekki er einu sinni hljóðeinangrað.
Þetta er hlut af þeirri starfsað-
stöðu sem Barna- og unglingageð-
deild Landspítala háskólasjúkra-
húss býr við. Annar hluti aðstöð-
unnar er lítið skárri. Ótrúlegt en
satt á því herrans ári 2004. Þarna
eru um 40 börn í meðferð á hverj-
um degi, en starfsmenn eru tæp-
lega 100.
Þegar Fréttablaðið heimsótti
BUGL í gær, var fyrst komið inn í
litla móttöku, þar sem allir þurfa
að ganga um sem eiga erindi í
húsið. Þar á meðal þeir sem eru að
koma með börnin sín á göngu-
deild. Þarna bíða allt að 15 - 20
manns sem eru að koma með börn
sín í meðferð.
„Fyrstu skrefin hingað inn eru
fólki mjög þung, þótt ekki bætist
við að þurfa að bíða í mannþröng
svo og svo lengi,“ sagði Urður
Njarðvík sálfræðingur.
Húsnæðið sem BUGL er starf-
rækt í, er síðan 1960, að sögn
Ólafs Ó. Guðmundssonar yfir-
læknis. Ekki hefur verið ausið í
viðhaldið, því ekki sést út um
marga gluggana, þar sem rúðurn-
ar eru gjörónýtar. Klastur upp í
sprungur er áberandi. En fyrst og
síðast þarf helmingi stærra hús-
næði undir þá starfsemi sem
BUGL er ætlað að rúma, að sögn
Ólafs. Þarna fer fram margþætt
starfsemi á þremur deildum,
göngudeild og tveimur legudeild-
um fyrir börn og unglinga. í starf-
inu felst meðal annars mat og
meðferð á kvíða og þunglyndi, at-
hyglisbresti með ofvirkni og
tengdum hegðunar- og þroska-
röskunum. Fjölskyldumeðferð,
hópmeðferð, þjálfunarnámskeið
og lyfjameðferð þegar hún á við.
Jafnframt mat og meðferð á al-
varlegum átröskunum.
Á legudeildunum eru enn veik-
ari börn og unglingar. Biðlistar
eru á öllum deildum, lengstir þó á
göngudeild, þar sem 90 börn biðu
í haust, að sögn Ólafs.
Nú eru uppi áætlanir um að
stækka húsnæði BUGL um helm-
ing, um 1400 fermetra ásamt
nauðsynlegri fjölgun starfsfólks.
Landssöfnun Kiwanishreyfingar-
innar í þágu málefnisins fer fram
nú um helgina. Ágóðinn rennur til
uppbyggingar BUGL svo og Geð-
hjálpar.
jss@frettabladid.is
STAÐIÐ I STRÖNGU
Þau bera hitann og þungann af starfinu, ásamt fleirum: f.v. Ólafur
Ó. Guðmundsson yfirlæknir, Vilborg E. Guðnadóttir deildarforstjóri
legudeilda og Gísli Baldursson geðlæknir.
UNGLINGADEILD
Herbergi á unglingadeild eru þröng en vistleg, miðað við önnur
húsakynni.