Fréttablaðið - 09.10.2004, Blaðsíða 53

LAUGARDAGUR 9. október 2004
sport
41
Ceir aðstoðar ekki Viggó
Geir Sveinsson mun ekki verða aðstoðar-
maður Viggós Sigurðssonar hjá íslenska
landsliðinu í handbolta en bæði Viggó og
forysta HSÍ sóttist fast eftir því að Geir tæki
starfið. Viggó Sigurðsson landsliðsþjálfari
staðfesti þetta í samtali við Fréttablaðið í
gær og sagði að hann myndi hefja leit að
aðstoðarmanni nú þegar. Geir sagði í sam-
tali við Fréttablaðið í gær að það hefði
læðst að honum sá grunur þegar hann
ræddi við forystu HSÍ fyrr í vikunni að
Viggó hefði alltaf verið fyrsti kostur því
honum var boðin aðstoðarþjálfarastaðan á
þeim fundi.
„Ég kom inn í þessar viðræður með það
fyrir augum að ég væri að fara ræða um
landsliðsþjálfarastarfið en þegar á reyndi
var sennilega eingöngu verið að bjóða mér
starf aðstoðarmanns. Ég ákvað að hugsa
það boð en eftir blaðamannafundinn á
fimmtudaginn þegar Viggó var kynntur
sem landsliðsþjálfari þá hvarf áhuginn smá
saman. Ég vil taka það fram að ég er ekki
svekktur yfir því að hljóta ekki starfið.
Viggó er mjög hæfur þjálfari og hann á
þetta fyllilega skilið," sagði Geir og bætti
því við að hann myndi aldrei aftur þjálfa
félagslið á (slandi. „Ég brann út á fjórum
árum í þessu síðast og ætla mér ekki að
gera það aftur. Ef menn hafa metnað þá er
þetta full vinna fyrir lágmarkslaun því að
það er ekki litið á þetta sem fulla vinnu.
Það nennir enginn að standa í þessu til
lengdar," sagði Geir sem viðurkenndi að
landsliðið væri eina liðið sem hann gæti
hugsað sér að þjálfa á fslandi.
Eggert fagnar framsýni borgar og ríkis
Eggert Magnússon, formaður KSf, var sæll
og sáttur þegar Fréttablaðið ræddi við
varðandi þær fréttir að loks væri komið á
hreint að Reykjavlkurborg og ríki myndu
koma að stækkun Laugardalsvallar með
myndarlegum fjárframlögum llkt og kom
fram í Fréttablaðinu í gær. Eggert sagði að
hann fagnaði því að stjórnmálamennirnir
hefðu sýnt þessa framsýni og sagðist vart
geta beðið eftir því að sjá nýju stúkuna
rísa. „Við munum hefja framkvæmdir bráð-
lega og stefnum að því að vera tilbúnir
með nýju stúkuna þegar við mætum Ung-
verjum í byrjun júní á næsta ári. Það verð-
ur gaman að sjá almennilega umgjörð á
vellinum sem uppfyllir alþjóðlega staðla,"
sagði Eggert en ráðgert er að stækka völl-
inn um þrjú þúsund sæti, úr sjö þúsund
upp í tíu þúsund. Reykjavíkurborg mun
leggja til 200 milljónir í verkefnið, Ríkið
aðrar 200 milljónir en KSl mun greiða um
300 milljónir sem sambandið fær í styrki
frá Knattspyrnusambandi Evrópu og Al-
þjóða knattspyrnusambandinu.
Uppnám vegna leiks Fjölnis og Hauka
„Það er alveg á hreinu að þarna spilum við
ekki aftur nema gulltryggt sé að lagfæring-
ar hafi verið gerðar," segir Sverrir Hjörleifs-
son, formaður stjórnar körfuknattleiks-
deildar Hauka. Leikklukka sú sem notuð er
í íþróttahúsi Fjölnis þar sem Haukar mættu
til leiks I fyrrakvöld bilaði á örlagastundu
með þeim afleiðingum að Fjölnir vann
leikinn með eins stigs mun. Haukar kærðu
leikinn til Körfuknattleikssambandsins,
sem hóf þegar í stað aðgerðir til að koma í
veg fyrir endurtekningu en liðin mætast
aftur á sama stað á morgun í Hópbíla-
keppninni.
Unnið var að því í gær að setja upp nýja
töflu og kemur í Ijós í dag hvort verði af
leiknum. Sverrir segir það lágmarkskröfu
að hlutir sem þessir séu I lagi. „Gangi ekki
að lagfæra hlutina heimtum við að leikið
verði annars staðar en það er afar blóðugt
að vita til þess að hlutir sem þessir eigi sér
stað í stórum leikjum." Hjá Körfuknattleiks-
sambandinu er málið litið alvarlegum aug-
um.
Hannes Birgir Hjálmarsson framkvæmda-
stjóri, sem var á leiknum þegar atvikið átti
sér stað, segir eðlilegt að Haukar séu
ósáttir og vissulega hafi atvikið sett blett á
þennan spennandi opnunarleik í Inter-
sport-deildinni. „Það er ( þessum töluðu
orðum verið að setja upp nýjan búnað í
Fjölnishúsinu og við vonumst til að leikur-
inn geti farið fram á settum stað. Hvað
varðar kæru Haukanna mun mótanefnd
KKf taka á þvi máli og niðurstöðu hennar
er að vænta fyrr en seinna."
Baráttan um Bretland á Old Trafford í dag
Wayne Rooney og Rio Ferdinand snúa aftur inn í enska landsliðið gegn Wales í undankeppni HM í dag.
fótbolti Enska landsliðið endur-
heimtir tvær af sínum stærstu
stjörnum þegar liðið tekur á Wales
í undankeppni HM 2006 í dag. Wa-
yne Rooney er búinn að ná sér af
meiðslum og Rio Ferdinand hefur
lokið sínu átta mánaða leikbanni
og er því einnig klár í slaginn.
Ferdinand hefur ekki spilað í
landsliðinu í rúmt ár en Rooney
lék síðast með liðinu í átta liða úr-
slitum Evrópumótsins í Portúgal í
sumar. Sven-Goran Eriksson hef-
ur látið það frá sér að hann ætli að
setja Ferdinand strax inn í liðið og
við hlið Sol Campbell sem er ein-
nig að koma aftur úr meiðslum og
því er ekkert pláss í liðinu fyrir þá
John Terry og Ledley King sem
spilað hafa síðustu leiki. Eriksson
hefur líka gefið þau skilaboð að
enska liðið verði með þriggja
manna sókn í leiknum og Rooney
spili þar fyrir aftan þá Michael
Owen og Jermain Defoe. Enska
liðið hefur verið ganrýnt að und-
anförnu en liðið gerði 2-2 jafntefli
í Austurríki og vann 2-1 sigur á
Pólverjum í Varsjá.
Leikstaðurinn, Old Trafford, er
merkilegur fyrir margar sakir
ekki síst þar sem fjórir leikmenn
munu spila þar á vanalega heima-
velli sínum því Manchester
United á þrjá leikmenn í enska lið-
inu, Ferdinand, Rooney og svo
Gary Neville og hjá Wales mun
Ryan Giggs spila sögulegan leik
því hann hefur aldrei leikið í úti-
liði á Old Trafford enda verið hjá
United allan sinn feril. Það eru
fleiri dramatískar tengingar í
Leikhús draumanna hjá liðunum,
David Beckham er mættur aftur á
Old Trafford sem og þjálfari Wa-
les, Mark Hughes sem spilaði í ár
hjá United. Hughes skoraði einnig
sigurmark Wales í síðasta lands-
leik þjóðanna sem var í Wrexham
fyrir tíu árum en það er aðeins
einn af 14 sigurleikjum Wales í 97
landsleikjum þjóðanna. England
hefur unnið 62 af leikjunum. Wa-
les hefur ekki komist í úrslita-
keppni stórmóts síðan á HM 1958
Hughes hefur tekið við Blackburn
og er því væntanlega að stjórna
sínum síð-
asta lands-
leik og gæti
því endað á
sigri í barátt-
unni svo
nefndri um
Bretland.
KlAr Wayne
Rooney spilar
sinn fyrsta
landsleik i
rúma þrjá
mánuði i dag.
át
<3
Rúðuþurrkur með slitmæli fyrir allar gerðir Toyota
Öryggi þitt í umferðinni veltur á útsýninu og rúðuþurrkurnar Þurrkublöðin smellpassa og ná yfir mesta hugsanlegan flöt á
eru því eitt mikilvægasta öryggistæki bílsins. Toyota Optifit framrúðunni. Sjáðu betur út úr bílnum þínum í vetur.
þurrkublöðin eru búin sérstökum slitmæli sem gerir þér viðvart Komdu og fáðu það öruggasta sem völ er hjá viðurkenndum
þegar skipta þarf um þurrkublað. þjónustuaðilum Toyota.
Optifit rúðuþurrkur, verð frá 490 kr.
Toyota, Nýbýlavegi 4-8, sími 570-5070
TODAY TOMORROW TOYOTA