Sveitarstjórnarmál - 01.12.1951, Blaðsíða 16

14
SVEITARSTJÓRNARMÁL
KARL IvRISTJÁNSSON, alþingismaður:
Framkvæmdarstjórn sveitarfélaga,
Nokkur orð útaf tillögu frd fonnanni Sambands islenzkra sveitarfélaga.
Á síðasta landsþingi Sambands íslenzkra
sveitarfélaga, sem haldið var að Þingvöllum
í ágústmánuði fyrra ár, flutti Jónas Guð-
mundsson, skrifstofustjóri, formaður sam-
bandsins, eftirtektarvert erindi, er hann
nefndi: „Framkvæmdarstjórn sveitarfélaga."
Lagði hann í lok erindis síns fram tillögu til
ályktunar í þrern liðum.
Landsþingið tók ekki afstöðu til tillögunn-
ar, en vísaði henni til stjómar og fulltrúa-
ráðs sambandsins „til ýtarlegrar athugunar
og meðferðar."
Erindi formannsins var birt í Sveitarstjórn-
armálum, i,—2. hefti 1951, bls. 34—39.
Ekki er mér kunnugt, hvort stjóm sam-
bandsins hefur rætt tillöguna, en fulltrúa-
ráðið hefur enn ekki tekið hana til meðferð-
ar. Það hefur ekki verið kvatt til fundar síð-
an landsþingið var haldið.
Ekki hef ég heldur orðið þess var, að sveit-
arstjórnarmenn — eða aðrir — hafi gert tillög-
una að opinberu umræðuefni.
Ég vil nú minna á þessa tillögu og með
fám orðurn lýsa afstöðu minni til hennar.
Tillagan er áskorun til ríkisstjómarinnar
um að hún láti fara fram ýtarlega rannsókn
á þrem þýðingarmiklum atriðum varðandi
framkvæmdastjóm íslenzkra sveitarfélaga.
Fyrsti liður tillögunnar er:
„Hvort ekki sé tímabært að stækka sveit-
arfélög landsins með því að samræma
þau þannig, að ekki sé undir 500 íbúum
Karl Kristjánsson.
í neinu sveitarfélagi, nema sérstakar land-
fræðilegar ástæður liggi til“.
Sú stefna hefur ríkt í landinu fram að
þessu að skifta sveitarfélögum, smækka þau
en ekki stækka. Mörg rök hníga að því, að
rétt sé að hverfa frá þeirri stefnu. Fullkomn-
ari póstgöngur, samgöngubætur, almenn not
bifreiða, útbreiðsla síma eru framfarir, sem
auðvelda mönnum að vera í stórum sveitar-
félögum, þar sem staðhættir heyra ekki til
undantekninga.
Kostir stórra sveitarfélaga eru margir og
mikilsverðir: Fyrst má nefna þau almennu