Sveitarstjórnarmál - 01.12.1951, Blaðsíða 34
32
SVEITARST J ÓRNARMÁL
Athugun á rekstri bæjarsjóða
og bæjarstofnana.
Með bréfi, dags. 2. nóv., hefur félagsmála-
ráðuneytið lagt fyrir bæjarstjómir allra kaup-
staða landsins að láta í nóvembermánuði
framkvæma athugun á rekstri bæjarsjóða og
bæjarstofnana með það fyrir augurn að draga
úr útgjöldum við reksturinn svo sem fært
þykir.
Ráðuneytið leggur til, að athugun þessi
verði framkvæmd með þeim hætti, að bæjar-
ráð eða fjárhagsnefnd hvers kaupstaðar velji
þrjá menn, er staðgóða þekkingu hafi á mál-
efnum kaupstaðarins, í nefnd til þess að hafa
athugunina á hendi. Nefnd þessi skal afla
sér upplýsinga um rekstur bæjarsjóðs, stofn-
ana hans og fvrirtækja, ræða við forstjóra og
stjórnir fyrirtækjanna og gera að því búnu
tillögur til stofnana sjálfra og bæjarráðs og
fastanefnda bæjarins um sparnað í rekstri, eða
breytingar og umbætur, sem nefndin telur
rétt að reyndar verði til spamaðar. Fyrirsvars-
•menn bæjarsjóðs og bæjarfyrirtækja skulu,
innan tiltekins frests, svara nefndinni og tjá
sig urn hvað þeir telja framkvæmanlegt af
tillögum hennar eða hverjar gagntillögur þeir
vilja gera.
Það, sem stefna veri að, sé alhliða sparn-
aður í starfsmannahaldi, skrifstofukostnaði
og bifreiðanotkun, húsnæði fyrir skrifstofur
eða aðra starfsemi, samfærsla á skyldum stofn-
unum og störfum og sérhvað annað, er hefur
í för með sér beinan eða óbeinan sparnað á fé
fyrirtækjanna eða bæjarsjóðanna. í bréfinu
■er og framtekið um frekari athugun, er nefnd-
in skuli gera, t. d. um lækkun á kostnaði við
framkvæmd stærri verkefna bæjarins, um
framfærslukerfið og tryggingarmál.
Þegar nefndin hefur lokið störfum ber
henni að skila bæjarstjórn álitsgerð og tillög-
um. Bæjarstjórn skal svo fyrir 15. des. n. k.
taka afstöðu til tillagnanna og senda félags-
málaráðuneytinu greinargerð sína ásamt upp-
lvsingum um þann sparnað, sem hún hefur
ákveðið að framkvæma, og á grundvelli þeirra
tillagna sinna skal bæjarstjórn, fyrir 31. des.
1951, hafa lokið samningu fjárhagsáætlun-
ar fyrir árið 1952.
Þá lýsir félagsmálam. yfir því, að það muni
hér eftir fylgjast betur með því en verið hef-
ur til þessa, hvernig fjárhagsáætluninni sé
fylgt og muni því árfjórðungslega krefja bæj-
arstjómir skýrslna urn það hvemig útgjöldum
er háttað með samanburði við f járhagsáætlun-
ina og muni, ef þurfa þykir, láta trúnaðar-
mann sinn gera við og við athugun á því
hvemig fjárhagsáætluninni sé fylgt.
Ráðuneytið leggur ríka áherzlu á, að athug-
un þessi á fjárhag bæjarfélaganna verði hraðað
sem mest og þannig unnið, að góður árangur
náist.
Bréfin til bæjarstjórnanna voru öll sam-
hljóða nema bréfið til Reykjavíkur var nokk-
uð ýtarlegra í einstökum atriðum, vegna
stærðar hennar og sérstöðu.
NÝIR MEÐLIMIR.
Á stjórnarfundi Sambands ísl. sveitarfélaga
1. okt s. 1. var tekin til meðferðar inngöngu-
beiðni í sambandið frá Grímsey/arhreppi í
Eyjarf jarðarsýslu.
Stjórnin samþykkti umsóknina í einu hljóði
og bauð hið nýja sveitarfélag velkomið í sam-
bandið.
FORSÍÐUMYND
• er frá Vestmannaeyjum og er tekin af
Guðna Þórðarsyni.
PRENTSMIÐJAN ODDI h.f.