Sveitarstjórnarmál - 01.03.1963, Blaðsíða 10

4
SVEITARST J ÓRNARMÁL
nokkrum dögum frá 3. til 26. október 137
m löng 7 metra breið gata eða samtals
959 m2.
Þannig liafa á sumrinu verið malbikað-
ir 9117 m2, lögð olíumöl á 1080 m2 eða
samtals malbikað og olíuborið á 10197 fer-
metra af götum.
Hér er ekki rúm til að gera grein fyrir
kostnaði við malbikunina á viðkomandi
stöðum, en í heild gekk rekstur tækjanna
heldur örðuglega. Fyrst og fremst reyndist
malbikunarvélin ekki skila þeim afköst-
um, sem gert var ráð fyrir í tilboði, svo
fá varð viðgerðarmann lrá Þýzkalandi til
að gera úrbætur á. Ymsar endurbætur
voru síðan gerðar á malbikunarstöðinni, en
meðalafköst munu hafa reynzt 2—3 tonn
á klst. í stað 5 t/klst, sem fyrirtækið, sem
seldi stöðina, hal'ði gefið upp. Aðalástæð-
an kann að vera kaldara loftslag, rakara
efni og ef til vill að nokkru leyti reynslu-
leysi við stjórn slíkra véla.1 í annan stað
urðu nokkuð tíðar vélarbilanir, og hlutust
af þeim óeðlilega langar tafir sökurn þess,
að ekki fylgdu vélunum nægar birgðir vara-
hluta. Úr þessu síðarnefnda atriði er unnt
að bæta með því að afla sér nauðsynlegra
varahluta og með því að hafa til taks ann-
an þjappara, sem þörf virðist á. Stjórnin
hefur nú í athugun að kaupa þjappara og
jafnframt að festa kaup á annarri afkasta-
rneiri malbikunarstöð, sem notuð yrði, þar
sem mikið yrði malbikað í einum áfanga.
Minni stöðin yrði þá notuð við veigaminni
verk og við endurbætur og viðhald, þegar
fram í sækir.
Áður en langt um líður verður gerð
starfsáætlun fyrir tækin á næsta sumri og
er því nauðsynlegt, að þær sveitarstjórmr,
sem hafa hug á að fá tækin til sín, geri
kunnugt um það hið allra íyrsta.
Auk reksturs malbikunartækjanna ann-
aðist félagið eins og áður milligöngu um
sementskaup frá Sementsverksmiðju ríkis-
ins, samkvæmt samningi. Þau voru á árinu
allmiklu minni en á árinu 1961. Sements-
kaup sveitarfélaga nerna sem hér segir:
Borgarnes 6580 sekkir, Neskaupstaður
2000 sekkir, Hveragerði 1120 sekkir, Akra-
nes 13000 sekkir og Ólafsfjörður 1000 sekk-
ir. Samtals nema sementskaup 23.700 sekkj-
um fyrir kr. 488.044,00.
í Borgarnesi voru steyptir 4600 m2, í
Neskaupstað 2000 m2, í Hveragerði 2100 m2,
á Akranesi 10000 m2 og í Ólafsfirði um
1000 m2. Steyptar akbrautir á árinu voru
því um 19700 fermetrar. Steyptar og mal-
bikaðar götur á vegum félagsins eru því á
árinu samtals tæplega 30 þús. fermetrar.
Stjórn félagsins var á árinu óbreytt, for-
maður Jónas Guðmundsson og aðrir í stjórn
Stefán Gunnlaugsson, Halfdán Sveinsson,
Sigurður í Sigurðsson og Magnús Guðjóns-
son. Verkstjóri var ráðinn til að stjórna
malbikunartækjunum, Kristinn Magnús-
son, Hafnarfirði, frá byrjun maímánaðar
til ársloka, en skrifstofa sambandsins ann-
aðist reikningshald og skrifstofustörf. Rögn-
valdur Þorkelsson var eins og áður tækni-
legur ráðunautur. Nú hefur Stefán Gunn-
laugsson, fyrrverandi bæjarstjóri í Hafnar-
firði, verið ráðinn framkvæmdastjóri félags-
ins, og er hann nú ásamt stjórninni að
vinna að undirbúningi framkvæmda á kom-
andi sumri og athuga um kaup á frekari
vélum til starfrækslunnar.