Sveitarstjórnarmál - 01.09.1963, Blaðsíða 41
SVEITARSTJ ÓRNARMÁL
39
á það áherzlu, að sveitarstjórnirnar stæðu
fyrir framkvæmd hennar.
Á árinu 1962 og 1963 var Evrópudagur
haldinn miðvikudaginn 7. marz bæði árin,
og leitaðist stjórn sambandsins við að verða
við tilmælum Aljjjóðasambandsins um að
hans yrði minnzt hér, eftir því sem aðstaða
leyfði.
Samstarf við Alþingi og ríkisstjórn
Sívaxandi þáttur í starfsemi sambands-
ins er margháttað samstarf milli þess og
Alþingis og ríkisstjórnarinnar, en það er
einkum í því fólgið, að ríkisstjórn og nefnd-
ir Alþingis senda lagafrumvörp og þings-
ályktanir sem fram koma á Alþingi, og
sérstaklega snerta sveitarfélögin, sambands-
stjórn til umsagnar, áður en þeim er til
lykta ráðið á Alþingi. Á síðasta kjörtíma-
bili hefur sambandsstjórn fengið til um-
sagnar mörg slík mál og sum þeirra hina
mikilvægustu lagabálka s. s. sveitarstjórnar-
lögin, tekjustofnalögin, skipulagslög, lög
um lögreglumenn og almannavarnir svo fá
ein séu nefnd.
Stjórn sambandsins lætur ávallt í té um-
sögn um mál þau, sem henni eru send, og
leitast einnig við að láta fulltrúaráðsfundi
fjalla um þau, ef þess er nokkur kostur.
Með þessum hætti er það tryggt, að sjónar-
mið sveitarfélaganna fá að koma fram við
afgreiðslu málanna og oft er það svo, að
tillit hefur verið tekið til ábendinga og
tillagna, sem komið liafa frá stjórn eða
fulltrúaráði sambandsins. Verður að telja
þetta heppilega leið til að tryggja sem bezta
athugun jreirra mála, sem sveitarfélögin
varðar, og lögð eru fyrir Alþingi.
Þess ber ennfremur að geta hér, að í
nefndir, sem starfað hafa að samningu ein-
stakra lagabálka, s. s. sveitarstjórnarlaganna
og tekjustofnalaganna, hafa verið valdir
menn úr stjórn og fulltrúaráði sambands-
ins og því þannig verið veitt tækifæri til
að hafa bein áhrif á setningu mikilvægrar
sveitarstjórnarlöggjafar.
Rétt er að gera ráð fyrir því að þessi
Jjróun haldi áfram og þessi þáttur starfsins
vaxi fremur en minnki, en ])á er rétt að
gera sér grein fyrir því, að þessi starísemi
kemur til með að hafa aukin útgjöld í för
með sér, því ekki er hægt að vænta þess
að ýtarlegar greinargerðir um vandasöm
málefni og annar fróðleikur, sem safna þarf
í slíkar skýrslur, i'áist án þess að fyrir það
sé sanngjarnlega greitt.
SVEITARSTJÓRNARLÖGGJÖFIN
Þegar seinasta landsþing var haldið, árið
1959, hafði verið skipuð nelnd til að endur-
skoða sveitarstjórnarlöggjöfina. í þeirri
nel'nd áttu sæti: Hjálmar Vilhjálmsson ráðu-
neytisstjóri í félagsmálaráðuneytinu, Tóm-
as Jónsson borgarlögmaður, varaformaður
sambandsins, Bjarni Þórðarson bæjarstjóri
í Neskaupstað, Björn Björnsson sýslumað-
ur í Rangárvallasýslu og Jón Guðjónsson
bæjarstjóri á ísafirði. Frumvarp neíndar
þessarar um ný sveitarstjórnarlög var sam-
þykkt á Alþingi 27. marz 1961 og komu
lögin til framkvæmda 1. janúar 1962. Má
segja að með samþykkt hinna nýju sveitar-
stjórnarlaga hafi komizt í liöfn eitt af bar-
áttumálum sambandsins en það gerði þegar
á fyrsta þingi sínu ályktun um endurskoðun
þessarar löggjafar, og sú hefur alla tíð ver-
ið stefna sambandsins að ein heildarlöggjöf
yrði sett um sveitarstjórnina í landinu og
er að þeirri breytingu mikill fengur.
Þá var og tekið upp í hin nýju sveitar-
stjórnarlög í aðalatriðum lrumvarp það um
bókhald og endurskoðun sveitarsjóðsreikn-