Sveitarstjórnarmál - 01.02.1975, Blaðsíða 33
izt er í þessa endurskoðun sérstaklega með tilliti
til ákvæða málefnasamnings ríkisstjórnarinnar
um að endurskoða beri skiptingu verkefna og
valds á milli ríkis og sveitarfélaga í því skyni að
auka sjálfsforræði byggðarlaga, enda verði haft
samráð við Samband íslenzkra sveitarfélaga og
samtök sveitarfélaga í einstökum landshlutum
um þessa endurskoðun.
Þá skal það teljast til verkefna nefndarinnar
að gera tillögu um stöðu landshlutasamtakanna
gagnvart sveitarstjórnum, sýslunefndum og ráðu-
neyti svo og annað, sem nefndin telur ástæður
mæla með, að breytt verði frá gildandi lögum og
meðferð sveitarstjórnarmála varðar.
Lagt er fyrir nefndina að gefa landshlutasam-
tökunum eða fulltrúum þeirra kost á að koma
sjónarmiðum sínum á framfæri við endurskoð-
unina”.
Eins og nú var sagt, er verkefni nefndarinnar
að endurskoða skiptingu verkcfna og valds milli
ríkis og sveitarfélaga í þeim tilgangi að auka
sjálfsforræði byggðarlaga.
Nefndin hefur setið samtals 12 fundi. Fyrir 7.
fundi nefndarinnar, sem haldinn var 4. marz 1974,
lá skýrsla frá Sambandi íslenzkra sveitarfélaga,
sem fjallar ítarlega um verkefnaskiptingu ríkis,
sveitarfélaga og landshlutasamtaka. Er hér um
að ræða bráðabirgðagreinargerð og tillögur.
Skýrsla þessi er ágætur umræðugrundvöllur fyrir
nefndina. Á fyrri fundum nefndarinnar hafði
Páll Líndal, formaður sambandsins, sem sæti
á í nefndinni, gert nefndarmönnum grein fyrir
efni skýrslunnar, og fóru þá fram almennar um-
ræður um það. Þar eð tilgangurinn með nefnd-
arstörfum þessum er að auka sjálfsforræði byggð-
arlaga í landinu, beindust umræður í nefndinni
að landshlutasamtökunum og frumvarpi því, sem
legið liefur fyrir Alþingi urn þau. Fyrir 8. fundi
nefndarinnar lá hugmynd um lögfestingu fylkja-
skipunar, sem rædd var og gagnrýnd á fundinum,
sem leiddi síðar til breyttrar hugmyndar, sem var
til meðferðar á næstu fundum. Á 10. fundi var
svo þriðja útgáfa þessarar liugmyndar samþykkt
sem umræðugrundvöllur á sameiginlegum fundi
nefndarinnar og formanna og framkvæmdastjóra
allra landshlutasamtakanna, sex að tölu, sem
nefndin ákvað að boða til. Sá fundur var hald-
inn 11. maí 1974, og sóttu allir þessir aðilar þann
fund.
Hugmyndir um
fylkjaskipun
í hugmyndinni er gert ráð fyrir því, að land-
inu verði skipt í fylki og að hvert kjördæmi verði
fylki fyrir sig, sem komi í stað landshlutasam-
Jón G. Tómasson, skrifstofustjóri hjá Reykjavíkurborg og borgar-
fulltrúarnir Ragnar Júlíusson, Ólafur B. Thors og Adda Bára Sig-
fúsdóttir, nær sitja Jón F. Þórðarson, oddviti Nauteyrarhrepps;
Árni Helgason, varaoddviti Rauðasandshrepps og Kristján Þórðar-
son, oddviti Barðastrandarhrepps. Fjær lengst til hægri á myndinni
sér á Björn Guðmundsson, oddvita Kelduneshrepps.
taka þeirra, sem nú starfa. Þó ergertráðfyrirþví,
að Norðurlandskjördæmin bæði geti orðið eitt
fylki. Gert er ráð fyrir því, að hlutverk fylkja
verði eins og hlutverk landshlutasamtaka sam-
kvæmt frumvarpinu um þau. Auk þess er í
þessari fylkjahugmynd gert ráð fyrir heimikl
stjórnvalda, ríkisstjórnar, sýslunefnda og sveit-
arstjórna til þess að fela fylkisstjórnum sérstök
verkefni, sem nánar eru skilgreind í hugmynd-
inni. Þá er einnig lagt til, að fylkin verði ráðu-
neytinu og Sambandi íslenzkra sveitarfélaga til
ráðuneytis um framkvæmd laga nr. 70 frá 1970
um sameiningu sveitarfélaga. I.oks er gert ráð
fyrir, að fylkin geri tillögur um löggjafarmálefni,
sem þau varða. Gert er ráð fyrir árlegu fylkis- 27
SVEITARSTJÓRNARMÁL