Sveitarstjórnarmál - 01.02.1975, Blaðsíða 38
2. Fjármögnun gatnagerðar í þéltbýli, tillaga að
samþykkt unt gatnagerðargjöld, lóðarleigur.
3. Vatnsskattur, holræsagjöld, aðrar gjaldskrár.
4. Fjármál hitaveitna og gjaldskrár.
5. Lánsfjármál sveitarfélaga.
fi. Fjármál strjálbýlishreppa.
Samskipti sveitarstjórna
við fjárveitinganefnd
Að morgni síðari ráðstefnudagsins kom fjárveitinga-
nefnd Alþingis á ráðstefnuna og formaður hennar,
Jón Árnason, flutti erindi um samskipti nefndarinnar
við sveitarstjórnir.
Jón taldi mjög mikilsvert að hafa fengið tækifæri
til að ræða við sveitarstjórnarmenn um þetta efni og
mæltist mjög eindregið til þess, að tekin yrðu upp ný
vinnubrögð í þeim samskiptum. Taldi hann lieppi-
legt, að haldnir yrðu árlega fundir með undirnefnd
fjárveitinganefndar og einstökum sveitarstjórnum,
þar sem fjallað væri um fjárþarfir sveitarfélaganna.
„Allt of margar sveitarstjórnir sækja um alltof margar
fjárveitingar á sama tíma,“ sagði Jón, og lagði áherzlu
á, að sveitarstjórnir hefðu færri framkvæmdir í gangi
í einu til þess að stuðla að örari byggingarhraða og
betri nýtingu framkvæmdafjárins. „Það er sannfæring
mín,“ sagði formaður fjárveitinganefndar, „að hér
þurfi að verða breyting á, og sú breyting myndi ekki
bitna á þeim sveitarfélögum, sem sýna slíka fyrir-
hyggju í verki, heldur þvert á móti myndu slík sveit-
arfélög fá forgang með meiri fjárveitingum en ella.
Verum samtaka um, að koma á nýjum vinnubrögðum
í Jtessum efnum," sagði Jón Árnason að lokum.
Fyrirmynd að fjárhagsáætlun
Þórir Einarsson, prófessor, flutti eftir hádegið er-
indi um stjórnun í opinberum rekstri, fyrirheit og
framkvæmd, og Guðmundur Magnússon, prófessor,
fjallaði um fasteignamat sem grundvöll sveitarsjóðs-
gjalda. Báðir eru þeir prófessorar í Viðskiptadeild
Háskóla íslands og fjölluðu um málin út frá nýjum
sjónarmiðum.
Loks kynnti Helgi V. Jónsson, borgarendurskoð-
andi, starf bókhaldsnefndar sambandsins. Lagði hann
fram fyrirmynd að eyðublaði undir fjárhagsáætlun
sveitarfélags. Einnig fjallaði hann um tillögu nefnd-
arinnar að samræmdum bókltaldslykli fyrir sveitarfé-
lög, sem nefndin lagði frani á landsþingi sambandsins
í september. Auk Helga V. Jónssonar voru þeir Hún-
bogi Þorsteinsson og Guðmundur Erlendsson, endur-
skoðandi, viðstaddir umræðurnar um þetta málefni.
Ábendingar til stjórnar sambandsins
Eftir kaffihlé síðari dag ráðstefnunnar fóru fram
almennar umræður um efni ráðstefnunnar. Þar tóku
margir til máls og bornar voru fram tillögur í álykt-
unarformi, sem vísað var til stjórnar sambandsins. Sú
er venjan, að ráðstefnur sem þessar geri ekki form-
legar ályktanir, heldur séu tillögur, sem fram eru
bornar, skoðaðar sem ábendingar til stjórnar sam-
bandsins.
Eftirfarandi tillögum, sem fram komu á ráðstefn-
unni, var þannig vísað til stjórnar sambandsins:
Á myndlnni eru m. a. tallS frá vlnstrl: Svanur Kristjánsson í Þorlákshöfn; Jón lllugason I Skútustaðahreppi; Þórður Skúlason, Hvammstanga;
Jóhann Einvarðsson, Tómas Tómasson, Ketlavik; Valdimar Óskarsson; Hilmar Pétursson, Keflavik; Valur G. Oddsteinsson; Haukur Ól-
afsson, Neskaupstað og Karl Karlsson, Þorlákhöfn fremst I hægra horninu. Þórlr Einarsson, prófessor I ræðustóli.
SVEITARSTJÓRNARMÁL