Sveitarstjórnarmál - 01.04.1975, Blaðsíða 29

ccm. Þetta ákvæði er sett til þess að tryggja, að
nægilega hröð endurnýjun sé á vatninu og laugin
sé nægilega oft tæmd og hreinsuð.
Hvemig er ástandið hér á landi?
Þá er næst að athuga, hvernig ástandið er
hér á landi, hvað snertir gæði neyzluvatns og
hversu settum reglum er framfylgt. Verður byrj-
að )jar sem frá var horfið á áðurnefndri ráðstefnu
sveitarfélaga í febrúar 1971, og nú litið yfir árin
1971 til 1974 að báðum meðtöldum.
Gerlarannsóknir á vatni á íslandi hafa á þess-
um árum farið fram í Gerladeild Rannsóknar-
stofnunar fiskiðnaðarins. Þar er því unnt að fá
nokkuð yfirlit yfir það, sem vitað er frá gerla-
fræðilegu sjónarmiði um gæði vatns hér á landi
á þessu tímabili.
I töflu I er skráður fjöldi sýna af vatni og sjó,
sem móttekin voru til rannsókna árin 1971—
1974. Eru þar talin öll sýni af vatni til neyzlu
og matvælaframleiðslu, til baða og til fiskræktar,
ennfremur sýni af sjó bæði til notkunar við
fiskverkun og til baða. Langflest sýnin eru kom-
in frá heilbrigðisyfirvöldunum, þar af meira
en helmingur frá Borgarlækninum í Reykjavík.
Árið 1973 hefur þá sérstöðu, að Fiskmat ríkisins
sendi það ár 80 sýni af vatni frá hraðfrystihiisum
og 104 sýni af hafnarsjó. Það ár bárust og 136
sýni af vatni úr veiðiám á vatnasvæði Hvítár og
Ölfusár í Árnessýslu og Hvítár í Borgarfirði og
ennfremur sýni af vatni flestra sláturhúsa á land-
inu, en þau sýni tók Heilbrigðiseftirlit ríkisins.
TAFLA I.
Gerlarannsóknir á vatni og sjó.
Fjöldi sýna árin 1971—1974.
Aðili 1971 1972 1973 1974
Heilbrigðisyfirvöld 369 368 425 685
Aðrir 150 ' 121 494 176
Alls 519 489 919 861
Það vatn, sem hér skiptir mestu máli og sér-
staklega verður að vikið, er neyzluvatnið, bæði
það, sem fer til heimilisnota og það, sem notað
er við matvælaframleiðslu. Verður hér gefið stutt
yfirlit yfir gæði þessa vatns síðustu 2 árin, 1973
og 1974, og þá tekin með öll sýni, hvort sem
þau voru tekin af heilbrigðisyfirvöldunum, Fisk-
mati ríkisins eða einkaaðilum. Eru sýnin flokk-
uð í tvennt, annars vegar þau sýni, sem metin
voru nothæf, og hins vegar sýni, sem talin voru
aðfinnsluverð samkvæmt þeim reglum, er liér
gilda og áður var getið.
Niðurstöður rannsóknanna
í töflu II eru skráð þau sýni, sem tekin voru
í kaupstöðum og kauptúnum víðs vegar um land-
ið, oftast úr vatnsveitu hlutaðeigandi staðar. Er
hér um 66 sveitarfélög að ræða, flokkuð eftir
landshlutum. I töflunni er Kópavogur talinn
með Reykjavík, þar sem vatnsveitan er ein og
sú sama, þ.e. Vatnsveita Reykjavíkur, sem einnig
nær yfir Seltjarnarnes. Á þessu svæði telst ástand-
SVEITAItSTJÓRNARMÁL