Sveitarstjórnarmál - 01.06.1975, Blaðsíða 4
MERKIR ÁFAIMGAR
í GATNAGERÐARMÁLUM
BYGGÐASJÓÐUR LÁNAR
TIL GATNAGERÐAR
Stjórn Framkvæmdastofnunar ríkisins hefur
ákveðið, að Byggðasjóður láni sveitarfélögum í
þéttbýli fé til gatnagerðar á þeim svæðum, sem
aðstoð lánsins nær til, en það eru öll kjördæmin
nema Reykjavík og Reykjaneskjördæmi.
Stjórnin hefur nýverið sett sér reglur um
þessar lánveitingar Byggðasjóðs og þykir rétt að
gera hér grein fyrir þeim skilmálum, sem slík
lán eru bundin.
1. Fyrsta skilyrði til láns úr Byggðasjóði er
það, að gatnagerðarframkvæmdir hvers svéitar-
félags séu bundnar í heildaráætlun, sem beri með
sér heildstætt átak til að koma a. m. k. megin-
gatnakerfi þess undir bundið slitlag. Með láns-
umsókn til Byggðasjóðs skal fylgja yfirlit um
gatnakerfi hlutaðeigandi sveitarfélags eins og það
var um seinustu áramót, þar sem fram komi
heildarlengd gatnakerfisins, þar af lengd gatna,
sem eru fullfrágengnar með bundnu slitlagi, með
bundnu slitlagi og fullfrágengnum gangstéttum.
Einnig áætlun um heildarkostnað við uppbygg-
ingu og endurnýjun gatnakerfisins, og sé þar
sundurliðaður kostnaður við jarðvinnu, lagnir,
slitlag og frágang, að meðtöldum gangstéttum.
2. 1 öðru lagi skal gera grein fyrir, hvernig
sveitarfélagið hyggst fjármagna áætlaðar gatna-
gerðarframkvæmdir næstu 5 ára, hvert árið um
sig. Lögð er áherzla á nákvæma áætlun um
fjáröflun til framkvæmdanna í ár og að ljóst
106 sé, hvernig fjármögnun áfangans sé háttað.
SVEITARSTJÓRNARMÁL
3. Þá er það í þriðja lagi skilyrði láns, að
gatnagerðargjöld verði lögð á fasteignir innan
sveitarfélagsins í þeim mæli, að fyrirgreiðslu
Byggðasjóðs verði við komið í því formi, sem
fyrirhugað er, og viðeigandi tryggingar með því
settar. Einnig skulu fylgja lánsumsókn staðfest-
ar reglur um álagningu gatnagerðargjalda í hlut-
aðeigandi sveitarfélagi ásamt sundurliðuðu yfir-
liti um útreikning og upphæð þeirra við áætlaða
ársáfanga, eftir mismunandi gjaldstofnum. Einn-
ig skal fylgja listi yfir greiðslur, er sýni nafn,
heimilisfang, álagða upphæð gatnagerðargjalds
og á livaða eign er lagt.
4. Loks er það í fjórða lagi skilyrði fyrir lán-
veitingu úr Byggðasjóði, að vel og skynsamlega
sé að framkvæmdum staðið, enda séu þær jafn-
framt taldar lánshæfar af hálfu Lánasjóðs sveit-
arfélaga.
Um fjárhæð lánanna, greiðslufyrirkomulag og
lánskjör liefur eftirfarandi verið ákveðið:
1. Fjárhæð lána þessara miðast við álagt gatna-
gerðargjald viðkomandi ársáfanga, og má ekki
verða hærra en sem svarar 25% af heildarkostnaði
framkvæmdanna.
2. 20% gatnagerðargjalda verða greidd í reiðu-
fé á álagningarárinu, væntanlega á sama ári og
gatnagerð fer fram, en 80% verða greidd með
veðskuldabréfum, sem kölluð eru A-bréf, er skulu
greiðast upp í fjórum jöfnum, árlegum afborg-
unum. Veðskuldabréfin séu tryggð í viðkomandi
fasteign og með gjalddaga 1. júlí ár hvert.