Sveitarstjórnarmál - 01.06.1975, Blaðsíða 12

löggiltir endurskoðendur: Heilsárslaun
1.495.000 kr.
B. Kaupmenn og framkvæmdastjórar: Heilsárs-
laun 1.115.000 kr.
C. Iðnaðarmenn, hljómlistarmenn, matreiðslu-
menn og þjónar: Heilsárslaun 935.000 kr.
D. Ófaglærðir menn t. d. þeir, sem vinna við
fiskverkun, hreingerningar og fleira: Heils-
árslaun 830.000 kr.
E. Fólksbifreiðastjórar: Heilsárslaun 555.000 kr.
Miðað er við venjulegan vinnutíma (dagvinnu)
í hverri starfsgrein og fast kaup (viku-, mánaðar-
eða tímakaup).
Ef um yfirvinnu, ákvæðisvinnu eða umfram-
greiðslur almennt er að ræða í viðkomandi starfs-
grein á hverjum stað, ber skattstjóra að meta það
til hækkunar, sbr. 4. mgr. 9. gr.
Gengið er út frá, að þeir, sem taldir eru undir
stafliðum B, C og D, hafi í þjónustu sinni 3 menn
eða fleiri (þ. e. hafi greitt laun fyrir 150
vinnuvikur á árinu). Ef starfsmenn eru færri en
3, má meta það til lækkunar allt niður í 70% af
upphæðinni, ef enginn starfsmaður er, þó með
hliðsjón af því, hve starfið er umfangsmikið að
öðru leyti, sbr. 4. mgr. 9. gr.
Um önnur frávik vísast til annarra ákvæða 9.
gr-
Þar sem skattstjóri annast álagningu útsvara, skal
hann hafa sarnráð við hlutaðeigandi sveitarstjórn
við rannsókn og úrskurðun framtala til útsvars-
álagningar, þ.m.t. áætlun tekna þeirra gjaldenda,
sem ekki hafa skilað framtali innan lögboðins
frests. Með sama hætti skal sveitarstjórn eða nefnd
sú á hennar vegum, sem þessi störf annast, leysa
verk sitt af hendi í samráði við skattstjóra.
Munið tilkynningarskylduna
Þá skal loks að gefnu tilefni brýnt fyrir sveitar-
stjórnarmönnum að gæta vel fyrirmæla í 37. gr.
laga um tekjuskatt og eignarskatt nr. 68/1971, að
tilkynna skattþegni skriflega breytingar þær, sem
114 gerðar eru á útsvarsskyldum tekjum og gefa hon-
um kost á að kæra álagninguna. Einnig er þá rétt
að hafa í minni ákvæði 23. greinar reglugerð-
ar um útsvör nr. 118/1972, að sveitarstjórnir hafa
sama rétt og gjaldendur, að kæra til skatt-
stjóra út af útsvari einstakra gjaldþegna, og verð-
ur þá að gæta þess, að það sé gert innan 14 daga
frá því að útsvarsskrá var lögð fram.
Uppgjör ríkissjóðs
á persónuafslætti
og barnabótum
Innheimtumenn ríkissjóðs, þ. e. bæjarfógetar í
kaupstöðum og annars staðar sýslumenn, standa
sveitarsjóðum skil á þeim persónuafslætti og
barnabótum, sem ríkissjóði ber að greiða sveitar-
sjóðum samkvasmt því, sem að framan hefur verið
lýst.
Fjármálaráðuneytið hefur ákveðið, að ríkis-
sjóður inni þessar greiðslur af hendi á fimm gjald-
dögum, sem eru 20. ágúst, 20. september, 20.
október, 20. nóvember og 20. desember 1975, og
skal hver greiðsla vera sem næst fimmti hluti af
þeirri fjárhæð, sem í upphafi greiðslutímabilsins
er áætlað, að greiðslan til hlutaðeigandi sveitar-
félags verði á árinu. Breytingar og leiðréttingar,
sem gerðar verða á tímabilinu, skal jafna í
síðustu greiðslunni. Þar sem útsvarsálagning er
ekki unnin hjá Skýrsluvélum ríkisins og Reykja-
víkurborgar, má gera ráð fyrir, að fyrsta greiðsla
dragist, þangað til fulltrúi sveitarsjóðs og inn-
heimtumaður ríkissjóðs hafa í sameiningu komizt
að niðurstöðu um ónýttan persónuafslátt og
barnabætur.
í sveitarfélögum, sem ekki láta gjaldendur
sína greiða mánaðarlega til sveitarsjóðs, skal
greiðslu hagað sem mest í samræmi við það,
hvernig sveitarsjóði hefðu borizt gjöldin, ef hann
hefði innheimt þau sjálfur hjá gjaldanda, eins
og segir í leiðbeiningum, sem fjármálaráðuneyt-
ið hefur látið innheimtumönnum ríkisins í té
um tilhögun þessara greiðslná.
Unnar Stefánsson.
SVEITARSTJÓRNARMÁL