Sveitarstjórnarmál - 01.06.1975, Blaðsíða 13

GUÐMUNDUR KRISTJÁNSSON,
bæjarstjóri:
BOLUNGARVÍK -
NÝR KAUPSTAÐUR
Með lögum frá 10. apríl 1974 um kaupstaðar-
réttindi fyrir Bolungarvík var lagt niður nafn
sveitarfélagsins, sem fram að þeim tíma hét
„Hólshreppur“.
Upprunalega mun nafnið þó hafa verið Bol-
ungarvíkurhreppur, en því síðar verið breytt og
hreppurinn kenndur við þingstaðinn og kirkju-
staðinn Hól, sem löngum hefur verið höfuðból
og sýslumenn og lögréttumenn sátu fyrr á öld-
um.
Má því segja, að nú hafi byggðin aftur fengið
sitt upprunalega nafn.
Staðarlýsing
Lögsagnarumdæmi kaupstaðarins er hið sama
og lögsaga Hólshrepps náði yfir, en það er Bol-
ungarvík og Skálavík.
Bolungarvík er yzta byggð við vestanvert
ísafjarðardjúp. Liggur hún milli Traðarhorns,
sem er innsti hluti Stigahlíðar, og Óshóla. Er
hún opin móti norðaustri, eða frá norðri til
austurs. Annars er hún umgirt fögrum fjalla-
hring.
Tveir fremur stuttir, en grösugir dalir ganga
upp frá víkinni. Syðridalur,. sem er allbreiður
liggur til suðurs, er um 6 km langur. í honum
framanverðum er Syðridalsvatn, sem er liðlega
2 ferkílómetrar að stærð. Tungudalur liggur til
vesturs, og er hann um 4 km langur. I dölunum
eru nú í byggð 5 bújarðir, en áður munu hafa
verið þar um eða yfir 20 jarðir og býli.
Milli Deildar, sem er yzti hluti Stigahlíðar,
og öskubaks, liggur Skálavík, sem er í bæjar-
landi Bolungarvíkur.
Skálavík er gróin vel og grasgefin og talin
vel fallin til sauðfjárbúskapar. Útræði mun
aldrei hafa verið mikið frá Skálavík, enda er
þar brimasamt mjög, þar sem hún liggur fyrir
opnu hafi. Skálavík fór í eyði upp úr 1960, en
áður fyrr voru þar a.m.k. 6 bújarðir, og þar
bjuggu 85 manns aldamótaárið 1900.
Tiltölulega greiðfær akvegur (sumarvegur) er
milli Bolungarvíkur og Skálavíkur um Skála-
víkurheiði.
Söguágrip
Frá landnámstíð og fram undir lok 19. aldar,
að föst byggð tók að myndast á „Bolungarvíkur-
mölum“, var um að ræða samfellt tímabil
sveitarhrepps með dreifðri byggð milli Óshóla
og Öskubaks.
SVEITARSTJÓRNARMÁL