Sveitarstjórnarmál - 01.06.1975, Blaðsíða 14

Búskaparhættir munu tíðast ha£a verið á
þann veg, að jöfnum höndum hafi verið stund-
aður Iandbúnaður og sjósókn. Auk heimamanna
stunduðu bændur við fsafjarðardjúp og víðs-
vegar annars staðar frá útræði frá Bolungar-
vík, og er talið, að hún hafi verið orðin verstöð
þegar á landnámsöld.
1 Landnámu segir, að Þuríður Sundafyllir og
Völu-Steinn, sonur hennar, hafi numið land í
Bolungarvík og búið í Vatnsnesi. Ennfremur
segir þar, að Þuríður hafi sett „Kvíarmið" og
fyrir það tekið „á kollótta" af hverjum bónda
Bátafloti Bolvíkinga skömmu eftir 1940 (Ljósm. Guðmundur Krist-
jánsson, bœjarstjóri).
Viðlegukantur við Lœkjarbryggju. Bryggjan er kennd við Drimlulœk,
116 sem rann úr tjörninnl Drimlu.
SVEITARSTJÓRNARMÁL
við Djúp. Ljóst er því, að hún hefur skattlagt
bændur, sem útræði stunduðu frá Bolungarvík,
og gert þeim að greiða eins konar aðstöðugjald
með þessum hætti.
Fyrsti vísir að þéttbýli varð á 8. tug 19. aldar,
með því að fólk settist að og fór að hafa fasta
búsetu allt árið í verbúðunum á „Mölunum“.
Fram undir aldamótin var þessi þróun hæg, en
þá tekur að fjölga örar, og árið 1900 voru íbúar
hreppsins orðnir 562, og þar af bjuggu um
270 manns á Bolungarvíkur-mölum. Á þessum
árum mun róðraskipum hafa fjölgað nokkuð.
Síðast á áraskipatímanum, eða frá 1890 til 1903,
gengu til róðra á vertíðum 60 til 80 skip og
bátar, og komst fjöldi þeirra upp í 88 skip.
Bátar þessir voru fjögurra manna för og sex-
æringar.
Með árinu 1904 lýkur áraskipatímabilinu,
sem þá hafði staðið um 10 alda skeið, og tíma-
bil vélbátanna hefst. Jafnframt hefur sú breyt-
ing orðið, að Bolungarvík, sem jafn lengi hafði
verið verstöð, er orðin verzlunar- og útgerðar-
staður. Löggiltur verzlunarstaður varð Bolungar-
vík 27. nóvember 1903.
Á vorvertíð árið 1903 var fyrsti vélbátur lands-
ins, „Stanley“ frá ísafirði, gerður út frá Bol-
ungarvík, en vél hafði verði sett í bátinn haust-
ið 1902. Markaði þessi atburður tímamót í báta-
útgerðinni. Um áramótin 1906—1907 var búið
að leggja niður öll áraskipin nema eitthvað af
minnstu bátunum. Þar með voru teknar upp
veiðiaðferðir mótorbátanna, og fylgdu því margs
konar breytingar frá því, sem áður hafði verið.
Uppgangstímabilið, sem hófst upp úr 1890, hélt
áfrarn næstu árin og náði hámarki árið 1910.
Voru íbúar hreppsins þá orðnir 1021, þar af
í Bolungarvík liðlega 700 manns.
Margt hefur að sjálfsögðu verið með frum-
býlingshætti á þessum fyrstu árum hinnar föstu
byggðar. Er það sízt að undra, þegar þéttbýli
myndast með svo skjótum hætti og allt þarf að
byggja frá grunni. íbúðarhúsnæði var í fyrstu
í gömlu verbúðunum, sem lagfærðar voru og
innréttaðar. Fyrsta íbúðarhúsið, sem byggt var
sem slíkt, en ekki sem verbúð, var byggt um
1880. Upp úr aldamótunum höfðu síðan verið