Sveitarstjórnarmál - 01.06.1975, Blaðsíða 15
Bolungarvík. Myndlna tók Mats Wibe Lund Jr.
byggð mörg timburhús af ýmsum stærðum, flest
þó fremur lítil. Almennt mun þó hafa verið
þröngt búið, miðað við það, sem nú er.
Fyrst mun hafa byrjað verzlun hér um árið
1890, og mun þá jafnframt hafa verið byrjað
að kaupa blautfisk. Árið 1900 hóf Pétur Odds-
son fiskkaup, verzlun og útgerðarrekstur. Auk
hans hófu fleiri verzlun og fiskkaup á þessum
árum.
Félags- og menningarmál
Fljótlega var farið að huga að félags- og menn-
ingarmálum. Barnafræðsla hófst um 1890 og
nýtt skólahús var byggt árið 1902. Stofnað var
bókasafn og lestrarfélag nokkru fyrir aldamót.
Málfundafélag var stofnað 1897 og Góðtempl-
arastúka árið 1899. Byggði stúkan samkomu-
hús þegar árið 1902. Glímufélag var stofnað
1903, og upp úr því var síðan stofnað Ung-
mennafélag Bolungarvíkur árið 1907. Starfaði
það af miklum krafti og lét til sín taka á ýmsum
sviðum. Árið 1908 var Sparisjóður Bolungar-
víkur stofnaður. Sama ár var núverandi Hóls-
kirkja byggð.
Með stækkun vélbátanna fór hafnleysið að
segja til sín, en hafnarskilyrði voru nánast eng-
in frá náttúrunnar hendi. Þar sem setja þurfti
alla báta að lokinni liverri sjóferð, gátu Bol-
víkingar ekki nema takmarkað fylgt þróuninni
í vélbátaútgerðinni.
Þótt landbúnaður væri ávallt stundaður öðr-
um þræði, byggðu Bolvíkingar afkomu sína
fyrst og fremst á sjósókn og sjávarafla. Þær
breyttu aðstæður, sem fylgdu vélbátaútgerðinni,
knúðu því á um bætta lendingar- eða hafnar-
aðstöðu.
Á almennum borgarafundi 26. janúar 1911
var samþykkt að hefja byggingu brimbrjóts.
Hófust framkvæmdir við verkið þá um sumar-
ið, og hafa hafnarframkvasmdir nánast staðið
yfir síðan, að vísu með nokkurra ára millibili.
Sem afleiðing af erfiðri hafnaraðstöðu fór að
gæta kyrrstöðu í þróun Bolungarvíkur upp úr
1910. Þróttmikil útgerð smærri báta hélt þó
áfram, og var sjósókn stunduð af miklum krafti,
svo sem jafnan hefur verið. Jafnhliða hélt áfram
uppbygging á ýmsum sviðum á næstu áratugum,
og náðu þá fram að ganga ýmis baráttumál,
svo sem á sviði heilbrigðismála, fræðslumála,
félagsmála og raforkumála.
Frá 1912 voru nær eingöngu gerðir út þilfars-
bátar, og gengu að jafnaði 25 til 30 bátar fram 117
SVEITARSTJÓRNARMÁÍ,