Sveitarstjórnarmál - 01.06.1975, Blaðsíða 16
til 1925. Fækkaði bátum heldur upp frá því,
jafnframt því að þeir stækkuðu. Flest árin fram
yfir árið 1940 munu hafa gengið að jafnaði
15 til 20 bátar af stærðinni 5 til 12 lestir. Alla
þessa báta varð að setja, þegar illa viðraði, og
má af því marka hinar erfiðu aðstæður.
Á þessu tímabili eignuðust Bolvíkingar nokk-
ur stærri skip, sem urðu þó aldrei lengi viðloð-
andi vegna hafnarskilyrðanna.
Á árabilinu 1930—1940 gengu yfir aflaleysis-
ár, sem leiddu til versnandi lífsafkomu. Fækk-
HraSfrystlhús fshústélags Bolungarvlkur hf. BsJarfélaglS er meSal
hluthafa I fyrlrtækinu. (Ljism. ÓPH)
Verzlunarhús Elnars GuSflnnssonar hf. á hornl ASalstrætis og Vlta-
stfgs. Ljósmyndastofa fsafjarSar tók þær IJósmyndlr, sem ekki eru
118 öSrum merktar.
aði íbúunum þá verulega, og fór íbúatalan niður
fyrir 600 manns.
Þegar afli tók að glæðast upp úr 1940, fór
byggðin að rétta við aftur.
Með árinu 1946 má telja, að lokið hafi tíma-
bili mótorbátanna, en þá hafði orðið alger endur-
nýjun á bátaflotanum og komin stærri og betur
búin skip. Hafnaraðstaða hafði þá batnað svo, að
bátar af þessari stærð, 40 til 100 lestir, gátu haft
hér viðlegu. Aðstaðan var þó langt frá því
að vera góð, og þurftu bátarnir alltaf að leita
hafnar á fsafirði, þegar illviðri gengu yfir.
Með tilkomu þessa bátaflota hófst nýtt upp-
gangstímabil með alhliða uppbyggingu og nokk-
uð stöðugri fólksfjölgun. Árið 1950 voru íbúar
688, en þeir eru nú orðnir 1027.
Hafnargerð
Hafnarframkvæmdir hafa verið aðalverkefni
sveitarfélagsins um áratuga skeið. Hefur fram-
kvæmdafé sveitarsjóðs á hverjum tíma verið varið
til hafnarbyggingar.
Eins og getið er hér að framan, var hafizt
handa um hafnarframkvæmdir árið 1911.
Hugmyndir og bollaleggingar um hafnarbætur
höfðu raunar verið uppi löngu fyrr. Elztu heim-
ildir, sem mér eru kunnar þar um, eru frá
árinu 1776, en þar er um að ræða hugmynd um
að grafa innsiglingu inn í tjörn, sem Drimla
hét og var ofanvert við malarkambinn. Það var
ekki fyrr en eftir 1940, að hugmynd þessi var
aflögð með öllu.
Elztu teikningar, sem vitað er um af hafnar-
mannvirkjum hér, eru teikningar af „Brim-
garði“, sem Sigurður Thoroddsen, þáverandi
landsverkfratðingur, gerði árið 1901. Teikningar
þessar, sem raunar var aldrei byggt eftir, þykja
í dag merkir gripir.
Upp úr miklum umræðum um hafnarbætur
á fyrsta áratug aldarinnar, bæði á sveitarfundum,
hreppsnefndarfundum og sýslufundum, varð til
„Lendingarsjóður Bolungarvíkur", sem ætlað
var það hlutverk að standa undir framkvæmda-
kostnaði við hafnarbætur. Tekjur fékk sjóðurinn
SVEITARSTJÓRNARMÁL