Sveitarstjórnarmál - 01.06.1975, Blaðsíða 19
Bolungarvík byggir allt sitt á sjónum og því, sem hann gefur. Ljósmyndin er af Slldar- og fiskimjölsverksmiSju Einars GuSfinnssonar hf.
mánuðina um og yfir 20 trillubátar, frá 4 til
10 lestir.
Landbúnaður
Landbúnaður hefur ávallt verið stundaður í
nokkrum mæli. Hafa Bolvíkingar lengst af verið
sjálfum sér nógir um landbúnaðarafurðir.
Á síðari árum hefur stöðugt fækkað þeim, sem
landbúnað stunda, og jarðir farið í eyði.
Nú eru byggðar 5 jarðir, sem mjög hafa verið
bættar af húsum eða byggðar upp. Framleiðsla
landbúnaðarafurða hefur ekki minnkað í hlut-
falli við fækkun byggðra jarða, þar sem ræktun-
arframkvæmdir hafa verið miklar og búskapur
rekinn með myndarbrag.
Skipulagsmál
Enda þótt'þéttbýli hafi risið um aldamót, var
ekki hafizt handa um skipulagningu fyrr en árið
1924.
Fyrsta skipulagsuppdráttinn gerði Guðjón
Samúelsson, og er hann dagsettur í maí árið 1924.
Byggist skipulagstillaga hans á því, að höfn
verði grafin inn í „Drimlu“. Þessi tillaga var ekki
samþykkt, þar sem hreppsnefnd taldi, „að hún
hafi ekki tekizt svo vel sem skyldi."
Skipulagsuppdráttur var svo staðfestur 13.
nóvember 1930. Var hann byggður á sömu hug-
mynd varðandi höfnina og hinn fyrri. Nokkurrar
vantrúar virðist hafa gætt varðandi hina fyrir-
liuguðu höfn. Það var þó ekki fyrr en 1943, að
hugmyndin um „Drimluhöfn" var endanlega úr
sögunni. Við það breyttust skipulagsaðstæður, og
var skipulag staðarins þá tekið til endurskoð-
unar. Skipulagsuppdráttur fyrir Bolungarvík,
sem byggði á hinum nýju forsendum, var síðan
gerður árið 1948.
Segja má, að Bolungarvík hafi að mestu verið
endurbyggð frá 1948, auk þess sem íbúum hefur
fjölgað yfir 50% síðan. Hefur því mikið þurft
að vinna að skipulagsmálum á jiessu tímabili,
jafnframt því sem fyrra skipulag hefur verið
endurskoðað með tilliti til nýrra skipulagshug-
mynda.
Á vegum skipulagsstjóra ríkisins er nú unnið
að gerð nýs aðalskipulags, og er þess að vænta,
að því verði lokið til staðfestingar á þessu eða
næsta ári. 121
SVEITARSTJÓRNARMÁL