Sveitarstjórnarmál - 01.06.1975, Blaðsíða 37
íafjqrour
LAXA
KRAFLA
BLANDA
1FY0ARFJÖR0
AUSTURLAND I
CRUNDARTANJ
------HRAUNEYJAFOSS/
SULTARTÁ7J5T——r—✓
r-y'x-J^L-1
r-y>—l^sigalda
BÚRFELL
JARÐGUFUSTÖO HENGLI
ORKUOFLUNARKERFI (AÐEINS SÝNDAR STÖDVAR 20 MW OG STÆRRI )
------- KERFI I ARSLOK 1979
------- VIOBÆTUR 1980-1984
---•--- EFTIR 1984
IANDSVIRKJUN
hins vegar að gera sér grein fyrir því, að það
er nauðsynlegt að hefja mjög fljótlega verkfræði-
legan undirbúning þeirra virkjana, sem til greina
eiga að geta komið á því tímabili. Vegna hins
mikla kostnaðar, sem slíkum undirbúningi er
samfara, er því mikilvægt, að fljótlega verði
ákveðið, hvaða virkjunarstaðir þar eigi að verða
fyrir valinu. Eins og nú standa sakir, er þegar
verið að vinna að áætlunum um virkjun við
Sultartanga á vegum Landsvirkjunar, auk gufu-
virkjunar i Hengli. Á Austurlandi hefur verið
ákveðið að hefja rannsókn á Bessastaðaárvirkj-
un, en hugsanlegt er, að hagkvæmara reynist,
að hún bíði væntanlegrar stórvirkjunar á Austur-
landi.
Með hliðsjón af þeirri uppbyggingu hins sam-
tengda raforkukerfis, sem ég hef þegar lýst, og
sýnd er á 1. og 2. mynd, virðast sterk rík hníga
að því, að næsta stórvirkjun á eftir Hrauneyjar-
fossi verði virkjun Blöndu, en aðstæður virðast
þar ákjósanlegar, eftir því sem bezt verður séð
af fyrirliggjandi upplýsingum. Blönduvirkjun
mundi liggja á mjög heppilegum stað, svo til
miðja vegu milli Kröflu og Suðvesturlandsins.
Hún gæti því þjónað jöfnum höndum bæði
Suður- og Norðurlandi, auk þess að vera sú stór-
virkjun, sem næst lægi Vestfjörðum. Blöndu-
virkjun er einnig ákjósanleg til þess að ná því
markmiði, að hægt sé að skapa skilyrði fyrir
uppbyggingu orkufreks iðnaðar á Norðurlandi,
t.d. við Eyjafjörð, sem þá mundi fá orku bæði
frá Blöndu og Kröflu. Sé þetta rétt metið, er
mikilvægt að halda áfram virkjunarundirbún-
ingi við Blöndu af fullum krafti á næstunni, en
jafnvel með ítrasta hraða er ekki við því að
búast, að virkjun þar gæti tekið til starfa fyrr
en um það bil árið 1982.
Virkjunarvalið verður að sjálfsögðu rýmra
eftir því sem lengra líður, og mun ég ekki rekja
þau mál nánar að sinni. Á meðfylgjandi mynd-
um 1 og 2 eru sýndar hugmyndir um virkjunar-
og orkuflutningskerfi, sem á að geta náð þeim
markmiðum, sem lýst hefur verið. Er þar auk
virkjananna við Sigöldu og Kröflu gert ráð fyrir
SVEITARSTJÓRNARMÁL