Sveitarstjórnarmál - 01.06.1975, Blaðsíða 57

Ráðstefna um tómstundir
í Svíþjóð 26.—29. ágúst
Sænska sveitarfélagasambandið
efnir til fjögurra daga ráðstefnu í
Stokkhólmi dagana 26.-29. ágúst
um sveitarstjórnir og tómstundir.
„KOM FRITID 75". Á sama tíma
stendur yfir í St. Eriksmassan vöru-
sýning, þar sem sýnd verða áhöld
og efni til íþróttamannvirkja, svo
sem íþróttavalla, íþróttahúsa, sund-
lauga, skautahalla, skíðabrauta og
útivistarsvæða.
Ráðstelnan er ætluð sveitarstjórn-
armönnum, fólki í tómstunda-,
æskulýðs- og íþróttaráðum, skóla-
nefndum og byggingarnefndum,
arkitektum og öðrum þeim, sem
annast byggingu og rekstur mann-
virkja, sem tengd eru tómstunda-
starfi, íþróttum og útivist, bæði í
skólum og meðal almennra borg-
ara. Á ráðstefnunni verður m. a.
rætt um skipulag bæja með hlið-
sjón af íþrótta- og útivistaraðstöðu.
Hans Gustavsson, sveitarstjórnar-
málaráðherra Svía, verður meðal
frummælenda á ráðstefnunni.
Jaðarsvæði Evrópu
og byggðavandi þeirra
ræddar í írlandi
14.—16. október
Sveitar- og héraðsstjórnarþing
Evrópuráðsins efnir til umfangs-
mikillar ráðstefnu í Galway í ír-
landi dagana 14,—16. október 1975.
Þar verða rædd byggðavandamál
hinna svokölluðu jaðarsvæða í Ev-
rópu og staða þeirra í sambandi við
þá uppbyggingu, sem nú fer fram 1
Evrópu undir forustu Efnahags-
bandaagsins og annarra Evrópu-
stofnana. Til ráðstefnunnar er boð-
ið fulltrúum stjórnvalda á umrædd-
um jaðarsvæðum, ríkis, liéraða,
sveitarstjórna og samtaka þeirra,
þar á meðal Sambandi íslenzkra
sveitarfélaga.
Á dagskrá ráðstefnunnar eru m.
a. greinargerðir frá fulltrúum
helztu jaðarsvæða álfunnar, en þau
eru þar talin vera þessi:
1) Norðurlönd,
2) Vesturhéruð Bretlands og ír-
lands,
3) Strandhéruð meginlandsins
við Atlantshafið,
4) Landamærahéruð Vestur-Ev-
rópu til austurs,
5) Eyjar og útnes Evrópu í Mið-
jarðarhafi.
Meðal umræðuefna er ennfrem-
ur skipulagning fiskveiða og nýting
hafsbotnsins, útlán Fjárfestingar-
banka Evrópu, samgöngumál,
menningarmál og gerð byggðaáætl-
ana fyrir umrædd svæði, og hugsan-
legt hlutverk Evrópuráðsins og
Evrópustofnana í sambandi við efl-
ingu byggðar á þessum svæðum,
sem ýmsir telja, að orðið hafi af-
skipt í hinni öru uppbyggingu í
álfunni.
Meðal fyrirlesara á þessu þingi
eru skráðir Norðmennirnir Kjell
T. Evers, varaforseti sveitar- og
héraðsstjórnarþings Evrópuráðsins
og Brofoss, seðlabankastjóri svo og
Holmer, fulltrúi í Norður-Jótlands-
ráðinu í Danmörku, auk fjölmargra
forustumanna Evrópustofnana.
Húsfriðunarráðstefna
í Amsterdam
21.—25. október
Sveitarstjórnir Evrópulandanna
18 og 7 til viðbótar minnast hús-
friðunarársins 1975 með margvís-
legum hætti. Hátíðahöld ársins
munu væntanlega ná hámarki í
Amsterdam dagana 21,—25. októ-
ber. Þá verður haldin þar 5 daga
ráðstefna með þátttöku allra þeirra
Evrópuríkja, sem aðild eiga að hús-
friðunarárinu. Það er Evrópuráðið,
sem stendur að ráðstefnunni ásamt
sveitarstjórnarsamtökum Hollands,
en þessir aðilar áttu sameiginlega
frumkvæði að húsfriðunarárinu á
ráðstefnu, sem þau gengust fyrir í
Zúrich árið 1973. Síðan hafa verið
lialdnar ráðstefnur um þetta efni í
Edinborg, Bologne og Krems, og
starfandi er sérstök framkvæmda-
nefnd húsfriðunarársins undir for-
ustu Bretans Duncan-Sandys lá-
varðar. Þá munu starfshópar í flest-
öllum Evrópuríkjum standa fyrir
ýmiss konar aðgerðum í tilefni hús-
friðunarársins.
Auk sveitarstjórnarmanna munu
á ráðstefnunni verða fulltrúar ým-
issa samtaka arkitekta og áhuga-
manna um þetta málefni. Búizt er
við 1000 manns á ráðstefnuna.
Samtímis verður í Amsterdam
haldið upp á 700 ára afmæli borg-
arinnar, sem er á þessu ári. Mun
ráðstefnugestum gefast kostur á
þátttöku í margvíslegum hátíða-
höldum, meðan á ráðstefnunni
stendur í tilefni afmælisins.
Auk umræðna um skyldur sveit-
arstjórna í sambandi við húsfriðun
og fleiri þætti þess máls, er búizt
við, að samþykktur verði í Amster-
dam sérstakur Evrópusáttmáli um
húsfriðunarmál.
SVEITARSTJÓRNARMÁL