Sveitarstjórnarmál - 01.08.1975, Blaðsíða 7

Stefna listamanna
í menningarmálum
Atli Heimir Sveinsson, tónskáld, og Tlior Vil-
hjálmsson, rithöfundur, núv. formaður Banda-
lags íslenzkra listamanna, töluðu um stefnu lista-
manna í menningarmálum og hugsanlegt form
á samstarfi þeirra við sveitarstjórnir. Atli Heimir
varpaði fram hugmynd um stofnun listdreifing-
armiðstöðvar, sem hefði það hlutverk að koma á
framfæri því efni, sem listamenn liefðu á boð-
stólum hverju sinni og hentað gæti til flutnings
víða um land.
Almennar umræður
Á ráðstefnunni urðu miklar umræður um ein-
stök framsöguerindi, og var þar meðal annars
rætt um stefnumörkun sveitarstjórna á sviði
menningarmála. I>á voru nokkuð rúmfrekar um-
ræður um stöðu Kjarvalsstaða og skiptust þar
einkum á skoðunum þeir Ólafur B. Thors, for-
seti borgarstjórnar Reykjavíkur og Thor Vil-
hjálmsson, rithöfundur. Ræddu þeir m. a. um
stjórnarform stofnana eins og Kjarvalsstaða, sem
sveitarfélag á og rekur m. a. til kynningar listum.
Margvíslegar upplýsingar og margar athyglis-
verðar liugmyndir komu frarn um ýmsa þætti
menningarmála í umræðum á ráðstefnunni, en
ekki eru tök á að gera þeim skil hér.
Skoðunarferðir
Að loknu framsöguerindi dr. Selmu Jónsdóttur
í fundarlok mánudaginn 7. apríl gengu þátttak-
endur um sali 'Listasafns íslands við Suðurgötu
og kynntu sér starfsemi þess. Var þar m. a. rætt
um listsýningar safnsins úti um land.
í hádegisverðarhléi á öðrum degi ráðstefnunn-
ar var þátttakendum boðið að hlýða á sameigin-
lega æfingu Sinfóníuhljómsveitar Islands og
Söngsveitarinnar Fílharmóníu, sem þar æfði
Sálmasinfóníuna, eftir Slravinski, sem flutt var
tveimur dögurn síðar í Háskólabíói.
Þá var þátttakendum gefinn kostur á að horfa
á æfingu á ballett hjá íslenzka dansflokknum í
Þjóðleikhúsinu daginn eftir ráðstefnuna.
Boð ráðherra
og stjórnar Kjarvalsstaða
Vilhjálmur Hjálmarsson, menntamálaráðherra,
bauð þátttakendum á ráðstefnunni til hádegis-
verðar að Hótel Sögu mánudaginn 7. apríl, og í
lok ráðstefnunnar bauð stjórn Kjarvalsstaða þátt-
takendum að skoða húsakynni þar og sýningu á
verkum Jóhannesar Kjarvals, sem jafnan er þar.
í Vestursal hússins stóð þá yfir sýning Steinunn-
ar Marteinsdóttur á leirmunum, og bauð lista-
konan þátttakendum að skoða sýningu sína.
Ráðstefnunni lauk síðan með sameiginlegri
kaffidrykkju í boði stjórnar Kjarvalsstaða í kaffi-
stofu hússins. Davíð Oddsson, formaður stjórnar
Kjarvalsstaða, skýrði frá starfsemi hússins.
Soffía Guðmundsdóttir, bæjarfulltrúi á Akur-
eyri, kvaddi sér hljóðs yfir kaffibollum og mælt-
ist til þess, að sambandið tæki það upp sem
reglulegan þátt í starfsemi sinni að kveðja saman
öðru hverju til skrafs og ráðagerða það fólk,
sem fer með hina ýmsu þætti menningarmála af
hálfu sveitarfélaganna.
Heillaóskaskeyti
frá bæjarstjórn Siglufjarðar
Ráðstefnunni barst heillaóskaskeyti frá bæjar-
stjórn Siglufjarðarkaupstaðar, Jrar sem samband-
inu er Jrakkað frumkvæði að boðun ráðstefnunn-
ar og henni óskað heilla í störfum.
Ráðstefnan sendi svarskeyti, Jrar sem kveðjurn-
ar voru þakkaðar og kaupstaðnum óskað bjartrar
framtíðar.
SVEITAKSTJÓRNARMÁL