Sveitarstjórnarmál - 01.08.1975, Blaðsíða 48

206
SÉRA JÓN M. GUÐJÓNSSON
HEIÐURSBORGARI AKRANESS
Á fundi bæjarstjórnar Akraness
hinn 31. mai sl. var samþykkt ein-
róma að gera séra Jón M. Guðjóns-
son, sóknarprest, að lieiðursborgara
kaupstaðarins.
Við hátíðlega athöfn í Akranes-
kirkju sunnudaginn 29. júní sl. var
séra Jóni afhent skrautritað lieið-
ursborgaraskjal. Sigfús Halldórsson,
tónskáld og listamaður, skrautritaði
heiðursskjalið, sem er í geitarskinns-
möppu. Framan á möppunni ergyllt
mynd frá Görðum á Akranesi.
Við athöfnina söng kirkjukór
Akraness undir stjórn Hauks Guð-
laugssonar, söngmálastjóra þjóð-
kirkjunnar, Guðmundur Jóhanns-
son lék einleik á selló og Haukur
Guðlaugsson lék einleik á orgel.
Magnús Oddsson, bæjarstjóri, las
ritningarorð, forseti bæjarstjórnar,
Daníel Ágústínusson, ávarpaði heið-
ursborgarann og afhenti honum
heiðursborgaraskjalið. Séra Jón
þakkaði þann lieiður, er honum var
sýndur og las ritningarorð. Séra
Björn Jónsson flutti kveðju frá Sig-
urbirni Einarssyni biskup, og flutti
blessunarorð.
I skjalinu stendur:
„Bæjarstjórn Akraness hefur á
fundi sínum 31. maí 1975 einróma
kjörið þig heiðursborgara Akraness
sem vott virðingar og þakklætis
fyrir langt og farsælt starf á Akra-
nesi og sérstaklega fyrir forystu
þína i málefnum byggðasafnsins að
Görðum.“
Séra Jón er fimmti lieiðursborg-
ari Akraness. Hinir fyrri eru:
Einar Ingjaldsson, sjósóknari, á
Bakka,
Ólafur Finsen, héraðslæknir,
séra Friðrik Friðriksson, æskulýðs-
leiðtogi, og
Guðrún Gísladóttir, ljósmóðir,
frá Söndum.
Séra Jón M. Guðjónsson, til vinstri á myndinni veitir viðtöku heiðursborgarabréfi við háttðlega
athöfn í Akraneskirkju. Daniei Ágústinusson, forseti bæjarstjórnar, til hægri á myndinni,
ávarpar heiðursborgarann.
HEIÐURSBORG-
ARI EFTIR 50 ÁRA
SETU í
HREPPSNEFND
Hreppsnefnd Miðdalahrepps í
Dalasýslu kom saman til fundar í
byrjun júlímánaðar s. 1. og sam-
þykkti einróma að kjósa oddvita
sinn, Gísla Þorsteinsson í Þorgeirs-
staðahlíð, fyrsta heiðursborgara
hreppsins. Hinn 1. júlí voru rétt
50 ár frá því að Gísli var fyrst kos-
inn í hreppsnefndina, og í henni
liefur hann átt sæti samfleytt síðan.
Gísli var kosinn í hreppsnefndina
29 ára gamall, frá og með 1. júlí
árið 1925, og oddviti hefur hann
verið frá 1. júlí árið 1934 eða í 41
ár. Hann er fæddur árið 1896, og
vantar því ár í áttrætt.
Ekki er Sveitarstjórnarmálum
kunnugt um, að annar maður hér
á landi hafi setið lengur í lirepps-
nefnd samfellt.
I tilefni af heiðursborgarakjörinu
hélt hreppsnefndin Gísla hóf í fé-
lagsheimili hreppsins, og voru þar
saman komnir nær allir hreppsbú-
ar, er heimangengt áttu.
SVEITAR STJÓRNARMÁL