Sveitarstjórnarmál - 01.12.1975, Blaðsíða 10
Heimilishjálp í viðlögum
Ríkissjóður liættir að endurgreiða sveitarsjóð-
um og sýslusjóðum 1/3 hluta af halla þeim, sem
þeir verða fyrir af starfsemi heimilishjálpar. Er
þetta gert með niðurfellingu 7. gr. laga um lieim-
ilishjálp í viðlögum nr. 10 1952.
Vinnumiðlun
Niður er felld kostnaðarhlutdeild ríkissjóðs í
vinnumiðlun, sem verið hefur 1/3 hluti móti sveit-
arfélögum, skv. 8. gr. laga um vinnumiðlun nr.
52 1956. Félagsmálaráðuneytið liefur áfram um-
sjón með, að vinnumiðlun sé starfrækt í landinu
og greiðir kostnað, sem við þá umsjón er bund-
inn.
Orlof húsmæðra
Þátttaka ríkissjóðs í orlofi húsmæðra fellur
niður, en sveitarfélögum er gert að greiða árlega
til orlofs upphæð, sem svarar minnst 150 krónurn
fyrir hverja húsmóður í viðkomandi sveitarfélagi.
Dvalarheimili aldraðra
Þriðjungshlutdeild ríkissjóðs í stofnkostnaði
dvalarheimila aldraðra, sem ákveðin var með
lögum nr. 28 1973 um dvalarheimili aldraðra, er
niður felld.
Viðhald skólahúsnæðis
Viðhaldskostnaður húsa og lóða, viðhald og
endurnýjun tækja og búnaðar grunnskóla færist á
herðar sveitarfélaga, en áður greiddi ríkissjóður
þessa rekstrarkostnaðarliði í sömu hlutföllum og
stofnkostnaður viðkomandi mannvirkja var
greiddur. Viðhald og endurnýjun bókasafna í
skólum greiða sveitarfélög hér eftir að fullu, en
ríkissjóður greiddi þetta áður að hálfu móti sveit-
arfélögum. Er þetta gert með breytingu á 79. gr.
laga um grunnskóla nr. 63 1974.
Rekstur dagvistunarheimila
Ríkissjóður liættir með öllu þátttöku í rekstri
dagvistunarlieimila. Þetta er gert með breytingu
á lögum nr. 29 1973 um hlutdeild ríkisins í bygg-
264 ingu og rekstri dagvistunarheimila.
SVEITARSTJÓRNARMÁL
Almenningsbókasöfn
Hlutdeild ríkissjóðs í rekstrarkostnaði almenn-
ingsbókasafna er alfarið felld niður, bæði sérfram-
lög og mótframlög, sem svara áttu til framlaga
sveitarsjóðs. Óbreytt standa þau ákvæði laga um
almenningsbókasöfn nr. 22 1963, að sveitarsjóði
er skylt, þar sem sveitarbókasafn er rekið af sveit-
arstjórn, að greiða árlega fjárhæð, sem nemur
eigi minna en 10 krónum á hvern íbúa sveitar-
innar samkvæmt síðasta manntali.
Aukning á tekjum
Jöfnunarsjóðs sveitarfélaga
Samhliða þessum tilfærslum á verkefnum frá
ríki til sveitarfélaga með brottfalli kostnaðarþátt-
töku ríkissjóðs í framangreindum rekstrarútgjöld-
um hefur verið gerð sú breyting á lögum nr. 10
1960 um söluskatt, að Jöfnunarsjóður sveitarfé-
laga fær eftirleiðis 8% af 18 söluskattsstigum, en
frá árinu 1974 hefur Jöfnunarsjóður hlotið 8%
aðeins af hluta söluskattsins, þ. e. af 13 söluskatts-
stigum, en ekki af svonefndum „söluskattsauka",
sem nam 4 stigum.
Eftir sem áður er við lýði 1% söluskattsstig, sem
enn heitir „söluskattsauki“ og Jöfnunarsjóður fær
ekki hlutdeild í, og 1 stig, hið tuttugasta í sölu-
skattinum, sem svo er almennt nefndur, er helgað
því lilutverki, eius og áður, að draga úr áhrifum
verðhækkunar á olíu og fer til niðurgreiðslu á
þeirri vörutegund í formi olíustyrkja.
Lauslegar áætlanir gera ráð fyrir, að þessi breyt-
ing auki tekjur Jöfnunarsjóðs sveitarfélaga á ár-
inu 1976 um 500 millj. króna, og að framlag til
sveitarfélaga árið 1976 verði sem svarar 10.000
krónurn á hvern íbúa, eins og fram kemur í yfir-
liti aftast í þessu tölublaði.