Sveitarstjórnarmál - 01.12.1975, Blaðsíða 11
MEGINSTOÐIR ATVINNULIFSINS
Á FÉLAGSLEGUM GRUNDVELLI
Samtal við Bjarna Þórðarson, fv. bæjarstjóra í Neskaupstað,
sem nú hefur verið bæjarfulltrúi lengur en nokkur annar, eða í 38 ár.
BJARNI ÞÓRÐ'ARSON, bæjarfulltrúi í Nes-
kaupstað, er meðal þeirra einstaklinga, sem mest-
an svip hafa sett á mannfundi sveitarstjórnar-
manna á síðustu áratugunum. Hann lét af starfi
bæjarstjóra í Neskaupstað 1. júlí 1973 og hvarf
úr fulltrúaráði sambandsins á landsþinginu 1974,
eftir að hafa átt þar sæti í rúman áratug. Þegar
hann lét af bæjarstjórastarfinw, hafði liann gegnt
því samfellt frá árinu 1950 eða í 23 ár, og voru
þá liðin 27 ár, frá því að hann fyrst varð bæjar-
stjóri til bráðabirgða. Bjarni var fyrst kosinn í
bæjarstjórn Neskaupstaðar árið 1938, fyrir 37
árum, og í lok núverandi kjörtímabils nær hann
því að hafa setið í samfellt 40 ár í bæjarstjórn-
inni. í bæjarstjórnarkosningunum 1974 skipaði
Bjarni efsta sæti á framboðslista Alþýðubanda-
lagsins í Neskaupstað, er listinn lilaut 6 sæti af
9 í bæjarstjórninni.
Er leiðir okkar Bjarna lágu saman á aðal-
fundi Sambands sveitarfélaga í Austurlandskjör-
dæmi á Seyðisfirði í september, notaði ég tæki-
færið og tók hann tali.
— Hve lengi varst þú bæjarstjóri, Bjarni?
„Ég varð fyrst bæjarstjóri 2. febrúar 1946, en
það var aðeins til bráðabirgða, meðan verið
var að ráðstafa starfinu til frambúðar. Eftir það
var ég bókari hjá bænum, bæjargjaldkeri og
staðgengill bæjarstjóra, þangað til í apríl árið
1950, að ég var ráðinn bæjarstjóri. Gegndi ég
því starfi síðan samfellt til 1. júlí 1973, eða í
rúmlega 23 ár. Ég hygg, að enginn hafi verið
lengur bæjarstjóri hér á landi nema Ásgrímur
Hartmannsson á Ólafsfirði og ef til vill Steinn
Bjarni Þórðarson að starffi.
Steinsen á Akureyri, en starfstími okkar mun
hafa verið mjög áþekkur að lengd.“
— Varst þú ekki samtímis bæjarfulltrúi? 265
SVEITARSTJÓRNARMÁL