Sveitarstjórnarmál - 01.12.1975, Blaðsíða 15
„Ætli þeir séu ekki fáir fundirnir,
sem ég hofi setið þegjandi,“
segir Bjarni Þórðarson á einum
stað í samtali þessu. Hér er hann
að tala á fundi í bæjarstjórn Nes-
kaupstaðar fyrir nokkrum árum. Aðrir
á myndinni eru, talið frá vinstri: Birgir
Stefánsson, fundarritari, skrifstofumaður
hjá bænum, Eyþór Þórðarson, Sigfinnur
Karlsson og lengst til hægri Jóhann K.
Sigurðsson. (Ljósm. Hjörl. Guttormsson).
„Það var 24. apríl árið 1914. Það er merkis-
dagur í minni ætt. Þá fæddist faðir minn árið
1891. Þá giftust foreldrar rnínir árið 1913.
Og þá opinberuðum við hjónin árið 1940.
En það var nú ekki tilviljun eins og allt hitt.
Ég ólst upp á Krossi á Berufjarðarströnd frá
eins árs aldri, þar til ég fór til Norðfjarðar 15
ára gamall. Faðir minn drukknaði frá 4 ungum
börnum og hinu fimmta ófæddu, þegar ég var
11 ára gamall. Ég var elztur, svo að ég fékk
þegar í bernsku að kynnast fátæktarbaslinu, þeg-
ar allar eigur búsins, lifandi og dauðar, stórar
og smáar, voru seldar á opinberu uppboði og
móðir mín stóð uppi með fimm ung börn og
eignalaus. Kona mín var Anna Eiríksdóttir, tré-
srniðs Elíssonar og konu lians Hildar Jónsdóttur.
Hún lézt sl. sumar.“
— Þú varst formaður í undirbúningsnefnd að
stofnun samtakanna?
„Já, en ekki get ég talið mig sérstakan frum-
kvöðul að stofnun þeirra.“
— Ertu ánægður með þróun samtakanna?
„Nei, síður en svo. Ég tel, að þessi samtök
eigi að vera frjáls samtök sveitarfélaganna, eng-
um háð, nema þeim, en mér virðist allt stefna
í þá átt, að þau eigi að verða stofnun, viss liður
í ríkiskerfinu og nýtt skrifstofubákn til viðbótar
þeim, sem fyrir eru, og því er ég algerlega and-
vígur. Ég er andvígur því, að löggjöf verði sett
um landshlutasamtökin og vefengi rétt Aljringis
til að leggja þeim nokkrar skyklur á lierðar, eins
og til dæmis í sambandi við fræðsluskrifstof-
urnar."
— Áttir þú þátt í stofnun Fjórðungsþings Aust-
firðinga árið 1944?
„Ekki nema sem bæjarfulltrúi. Ef ég man rétt,
voru fulltrúar Neskaupstaðar á stofnfundinum,
sem haldinn var á Eiðum, Lúðvík Jósepsson, Jón-
as Thoroddsen og Jón Sigfússon. En síðar sat
ég auðvitað fjölmarga fundi Fjórðungsþingsins
og tók jjátt í störfum þess. Stgrfsemi þess lagðist
svo niður nokkru áður en Samtök sveitarfélaga
á Austfjörðum voru stofnuð, sem ég tel, að séu
arftaki Fjórðungsjringsins."
— Berðu í brjósti ugg um, að stjórnvöld veiti
Egilsstöðum einlivers konar miðstöðvarhlutverk
og taki Jrannig beinið úr nefi Neskaupstaðar?
„Nei, enda er mín skoðun sú, að fráleitt sé
að gera eitthvert eitt sveitarfélag að einhvers
konar höfuðstað fyrir landshlutann. Þegar talað
er t. d. um dreifingu valds, þá á ekki að ein-
blína á einn stað, hvort sem hann heitir Egils-
staðir, Neskaupstaður eða eitthvað annað. Þeg-
ar verið er að skipuleggja stjórnun Jressa lands-
hluta, þá á að liafa hann allan í huga. Eins og 269
SVEITARSTJÓRNARMÁL