Sveitarstjórnarmál - 01.02.1976, Blaðsíða 47
Gönguspil til vinstri og bátakosturinn til hægri. Nú er aðeins einn bátur meo utanborðsmótor gangfær á Hrafnabjörgum. Á honum or
farið í kaupstað, aðallega til Þingeyrar.
sínum á land. Enn utar er Stapadalur, en ekki
þykir ráðlegt að reyna að komast lengra á fólks-
bíl.
Lokinhamradalur
Leiðin út í Lokinhamradal þykir lieldur ekki
árennileg, frekar en leiðin að norðanverðu, ekki
einu sinni fótgangandi mönnum, um forvaða er
að fara og sæta verður sjávarföílum. í dalnum
eru nú tvö býli, Lokinhamrar og Hrafnabjörg,
þar sem Guðmundur Ragnarsson oddviti býr. í
dalnum eru þó taldir vera þrír bændur. Á
Hrafnabjörgum býr Guðmundur ásamt móður
sinni, en Ragnai' Guðmundsson, faðir Guðmund-
ar, var oddviti á undan honum í 25 ár. Á gömlu
Lokinhamrajörðinni býr Sigríður, systir Guð-
mundar með dóttur sinni, en heimilishald er þó
sameiginlegt að Hrafnabjörgum. Á hinum helm-
ingi Lokinhamra býr Sigurjón Jónasson með
móður sinni. Þar hét áður Aðalból.
Beggja megin Lokinhamradals enda fjöllin í
háum hengiflugum, og upp af þeim rísa sérkenni-
legir tindar. Sá ytri heitir Skjöldur, en sá innri
Skeggi. Vestur úr ókleifu hengiflugi hans geng-
ur fjallsöxl, og undir henni stendur bærinn
Hrafnabjörg. Kápumynd þessa tölublaðs sýnir
bæinn og fjallið Skeggja og fjallsöxlina. Lokin-
hamraheiði gengur upp úr Lokinhamradal, og
er þaðan unnt að fara yfir í Lambadal og Hauka-
dal í Dýrafirði. Þetta þykir þó hin mesta trölla-
leið, bæði há og brött og illfær, bæði fótgang-
andi og ríðandi, þótt heimamenn fari þessa leið.
Guðmundur G. Hagalín rithöfundur
I Lokinhamradal voru í eina tíð yfir tuttugu
býli, ef þurrabúðir eru með taldar og blómlegt
mannlíf, svo sem kunnugt er af bókum Guð-
mundar G. Hagalín, rithöfundar. Guðmundur
er fæddur í Lokinhömrum 10. október 1898, og
hér um slóðir er baksvið margra skáldsagna hans.
Sögupersónur hans sumar hverjar munu eiga sér
fyrirmyndir í fólki, sem hérna lifði og starfaði
á uppvaxtarárum hans í byrjun aldarinnar. Og
kennileitum í Lokinhanrradal lýsir hann vel í
endurminningabókinni „Ég veit ekki betur",
1951.
Guðmundur sótti lærdóm sinn m. a. til séra
Böðvars á Hrafnseyri. Hann var bæjarfulltrúi á
ísafirði í 11 ár, í bæjarráði og forseti bæjarstjórn-
ar og er því sveitarstjórnarmaður, auk þess sem
flestir oddvitar kynntust honum sem bókafull-
trúa ríkisins árin 1955 til 1969.
Af mörgu væri að taka, ef rifjaðar væru upp
frásagnir Guðmundar Hagalín af þessum slóð-
um. Sýna þær stórbrotið mannlíf, hreysti og bar-
áttu við óblíð náttúruöfl í lirikalegu umhverfi,
en það er önnur saga.
Togarataka og fiskisæld
Allir bændur við Arnarfjörð nema innfjarðar- 41
SVEITAItSTJÓRNARMÁL