Sveitarstjórnarmál - 01.10.1976, Blaðsíða 16
Holrœsagjald er á Isafirði reiknað sem 0.32% af
fasteignamati húss og lóðar og breytist í samræmi
við vísitölu byggingarkostnaðar, og lóðarleiga er 5% af
fasteignamati lóða án álags.
Framlag úr Jöfnunarsjóði er metið eins og aðrir
tekjuþættir, annars vegar hið beina framlag og hins
vegar hlutdeild í landsútsvari fyrirtækja í bænum.
Aðrir tekjustofnar eru einkum húsaleigur og vextir
og loks gatnagerðargjöld.
II. Rekstrargjöld
í áætlunargerðinni er reiknað með því, að
rekstrargjöld í heild nálgist það að vera til jafnaðar
75% af þeim tekjustofnum, sem innifaldir eru í þeim
tekjum, sem hlutfallstölurnar eru reiknaðar af á
hverju ári áætlunartímabilsins.
III. Fjármagn til ráðstöfunar
Mismunur áætlaðra rekstrarútgjalda og tekju-
stofna að viðbættu þjóðvegafé og gatnagerðar-
gjöldum er þá ráðstöfunarfé sveitarfélagsins til ný-
framkvæmda hvert árið um sig.
IV. Helztu verklegar framkvæmdir framundan
I kaflanum er gerð grein fyrir helztu fram-
kvæmdum, sem fyrir dyrum standa og fjárþörf til
þeirra metin í hverju tilviki.
Undirfyrirsagnir í kaflanum segja til um þessar
framkvæmdir:
1) Gatnagerð vegna lóðaúthlutunar
Áformað er að úthluta lóðum undir nær 50 íbúðir
til jafnaðar á ári eða 183 íbúðir á tímabilinu. Að
jafnaði er talið, að þurfi 25 metra götulengd vegna
hverrar lóðar undir einbýlishús, 15 metra í götu-
lengd vegna hverrar lóðar undir einbýlishús, 15
metra í götulengd vegna íbúðar í raðhúsi eða stalla-
húsi og 8,5 metra í götulengd vegna hverrar íbúðar í
fjölbýlishúsi.
Miðað við verðlag ársins 1975 var gert ráð fyrir, að
slitlag á 10 metra breiða götu ásamt gangstétt kost-
aði 17000 kr. á hvern lengdarmeter, en kostnaður við
undirbyggingu væri milli 15000 og 25000 krónur á
hvern lengdarmeter.
Kostnaður af gatnagerð vegna nýbygginga fyrir
214 mismunandi húsagerðir var áætlaður þessi:
Malargata
(þús. kr.)
Einbýlishús 400-625
Ibúð í raðhúsi 240-390
Ibúð í fjölbýlishúsi 135-220
Gata með slitl.
(þús. kr.)
800-1050
480- 630
270- 360
2) Sjúkrahús.
Ákveðið er að reisa nýtt sjúkrahús á ísafirði 6.100
m2 að stærð eða 22000 rúmmetrar. Kostnaðarhlut-
deild ríkissjóðs er 85% í sjúkrahúsum, en sveitarfé-
laga, sem þjónustu þess njóta, 15%. Þar af mun
hlutur kaupstaðarins verða um 75% og annarra
sveitarfélaga 25% og hlutdeild bæjarsjóðs í sjúkra-
húsinu því nálægt 11,25% af heildarbyggingar-
kostnaði. Gert var ráð fyrir, að heildarkostnaður yrði
um 650 millj. króna á verðlagi ársins 1975, en mun
nú talinn verða um einn milljarður.
3) Dagheimili eða leikskóli.
Áform er um að reisa dagheimili fyrir 30 börn og
leikskóla fyrir 50 börn. Gengið er út frá normum frá
byggingardeild menntamálaráðuneytisins og kostn-
aðartölum samkvæmt upplýsingum Reykjavíkur-
borgar.
4) Dvalarheimili fyrir aldraða.
Uppi eru hugmyndir um byggingu dvalarheimilis
fyrir aldraða fyrir 40 dvalargesti, sem skiptist í 20
einsmannsherbergi og 10 hjónaíbúðir. Áætluð stærð
er 1950 m2 og 6000 m3.1 áætluninni var gert ráð fyrir
ríkisframlagi, sem nú hefur verið fellt niður með
lagabreytingunni um verkefnatilfærsluna með
lögum nr. 95/1975.
5) Framlag til hafnarsjóðs
Gert er ráð fyrir, að hafnarsjóður standi undir
rekstri hafnarinnar að meðtöldum vöxtum og af-
borgunum af lánum. Bæjarsjóður leggi á hinn bóg-
inn móti 75% hlutdeild ríkissjóðs við nýfram-
kvæmdir.
6) Slitlagsgerð
Verkfræðistofa Sigurðar Thoroddsen hf. hefur
gert áætlun um gatnagerð úr varanlegu efni í þétt-
býli Vestfjarða. Er þar gert ráð fyrir, að gatnagerð á
SVEITARSTJÓRNARMÁL