Sveitarstjórnarmál - 01.10.1976, Síða 30

Fulltrúaráðsfundur Sambands íslenzkra sveitar-
félaga haldinn í Reykjavík 12.—13. apríl 1976
itrekar fyrri yfirlýsingar sínar um, að verkaskipting
ríkis og sveitarfélaga verði endurskoðuð og gerð ein-
faldari en nú er og jafnframt verði lögð áherzla á, að
tekjustofnar sveitarfélaga samsvari verkefnum, sem
ríki og almenningur fela þeim og að fjárhagslegt
sjálfstæði sveitarfélaganna verði tryggt.
Fundurinn telur miður farið, að við setningu laga
nr. 94/1975 skuli ekki hafa verið teknar til greina
ábendingar Sambands íslenzkra sveitarfélaga, t. d.
að því er varðar viðhald skólamannvirkja, þar sem
slíkur verkefnaflutningur kemur misjafnt niður á
sveitarfélögum, ekki sízt í sambandi við rekstur
heimavistarskólanna.
Fulltrúaráðið telur, að með setningu laganna hafi
ríkissjóður ekki verið leystur undan greiðsluskyldu
vegna áfallins kostnaðar við téð verkefni 1975, enda
tóku lögin gildi 1. janúar 1976.
Fulltrúaráðið mótmælir jjví gagnstæðri túlkun á
ákvæði laganna, sem fram hefur komið hjá ríkis-
valdinu og augljóslega verði til þess að skerða fjár-
hagsstöðu sveitarfélaganna. Því beri að gera upp við
sveitarfélögin hluta ríkissjóðs miðað við eldri lög til
gildistíma þeirra 31. desember 1975.
Fulltrúaráðið bendir á, að sveitarfélög geti ekki
unað því, að ríkisvaldið standi þannig að breyting-
um á verkaskiptingu ríkis og sveitarfélaga, að létt sé
af ríkissjóði kostnaði án þess að tryggja sveitarfélög-
unum nægjanlegan tekjuauka á móti.
Fulltrúaráðið ítrekar þá skoðun, að við tilfærslu
verkefna milli rikis og sveitarfélaga verði ávallt haft
náið samband við Samband íslenzkra sveitarfélaga,
áður en endanlega verður gengið frá slíkum laga-
setningum og ábendingar þess teknar til greina.
Undanþága frá greiðslu fasteignaskatta
Fulltrúaráðið skorar á félagsmálaráðuneytið að
beita sér fyrir þeirri breytingu á lögum um tekju-
stofna sveitarfélaga nr. 8 frá 1972, að því er varðar
fasteignaskatta, að bætt verði við lögin nýrri grein
svohljóðandi:
„Með lögum þessum eru úr gildi felld ákvæði
annarra laga um undanþágu frá greiðslu fasteigna-
228 skatta“.
Verði ráðuneytið ekki við þessum tilmælum,
beinir fulltrúaráðið því til stjórnarinnar að fela full-
trúum þingflokkanna að flytja málið á Alþingi.
Breytingar á tekjustofnalögunum
Fulltrúaráðið lýsir ánægju sinni með framkomið
frumvarp til laga um breytingu á lögum um tekju-
stofna sveitarfélaga, varðandi aukaframlag úr
Jöfnunarsjóði. Mjög mikilvægt er, að tryggt sé, að
sveitarfélögin verði ekki fyrir tjóni vegna verkefna-
flutnings hverju sinni, og þarf að gæta þess vel að
það markmið náist fram. Það er ennfremur skoðun
fulltrúaráðsins, að Samband íslenzkra sveitarfélaga
eigi að vera ráðgefandi aðili í sambandi við fram-
kvæmd laganna.
Heilbrigóismál
Fulltrúaráðið vekur athygli á lögum nr. 56/1973,
um heilbrigðisjDjónustu.
Lögin hafa öðlazt gildi án þess að reglugerð um
framkvæmd þeirra hafi verið gefin út. Mörg
sveitarfélög þurfa að standa undir rekstri heilsu-
gæzlustöðva, án þess að eiga trygga endurgreiðslu
frá ríkissjóði í sambandi við áhalda- og tækjakaup,
viðhaldi tækja og fasteigna og í sumum tilfellum
launakostnaði. Ákvæðum laganna um 85% þátttöku
rikisins er því ekki fylgt fram.
Beinir fulltrúaráðið því til stjórnar sambandsins
að hefja viðræður við heilbrigðisyfirvöld um þessi
mál.
Innheimta gjalds til sjúkrasamlaga
Fulltrúaráðsfundur Sambands íslenzkra sveitar-
félaga mótmælir þeim breytingum, sem gerðar voru
á almannatryggingalögunum með lögum nr.
95/1975, sem gerir sveitarfélögum að innheimta 1%
álag á gjaldstofn útsvara á árinu 1976 í þágu
sjúkrasamlaga.
Lög þessi ganga þvert á meginstefnu sveitarfélaga
og hugmyndir um verkaskiptingu rikis og sveitarfé-
laga.
SVEITARSTJÓRNARMÁI.