Sveitarstjórnarmál - 01.10.1976, Blaðsíða 43
Með tilkomu Mjólkár II verður framleiðslu-
geta vatnsaflsvirkjana á svæðinu um 46 milljón
kWst á ári.
Áætlað er, að aukning raforkunotkunar á
Vestfjörðum verði mjög ör á næstu árum. Er því
ljóst, að brýna nauðsyn ber til aukinnar orku-
öflunar á allra næstu árum.
Nú þegar er ákveðið að auka orkuvinnslugetu
Mjólkár I þegar í stað með svonefndri Hofs-
árveitu, og eykst þá vinnslugetan um 7 milljón
kwst. á ári og verður í heild um 53 millj. kwst.
Kostnaður Hofsárveitu er áætlaður um 150
millj. kr.
Áætlanir sýna j)ó, að þetta árlega vinnslumagn
verður fullnýtt á árinu 1978. A því ári verður
því önnur og aukin orkuöflun að koma til, ef
ekki á að verða nauðsynlegt að grípa til vara-
stöðvanna, dísilstöðvanna, til stöðugrar vinnslu.
Fjallfossvirkjun — eða tengilína
Rafmagnsveitur ríkisins liafa gert áætlanir um
aukið vatnsafl inn á svæðið, og koma þá tveir
valkostir til greina, eða báðir þeirra í hæfilegri
tímaröð.
Annars vegar er það virkjun Fjallfoss í Dynj-
andisá, en þar er um 8300 kw virkjun að ræða
og 53 millj. kwst vinnslugetu á ári. All ýtarleg
áætlun hefur verið gerð um þá virkjun, og þar
gætt í ríkum mæli náttúruverndarsjónarmiða.
Kostnaður jjeirrar virkjunar er áætlaður 1500
millj. kr. og vinnslukostnaður, miðað við fulla
nýtingu um kr. 3,70 á kwst.
Hinn valkosturinn er tenging Vestfjarðakerfis-
ins við Norðurlínu við Hrútafjörð, en Jaar með
væru Vestfirðir komnir í samband við hinar
stóru virkjanir sunnan- og norðanlands. Orku-
öflun væri hér ótakmörkuð, miðað við fyrirsjá-
anlega notkun á Vestfjörðum, en stofnkostnaður
slíkrar tengingar áætlast 1450 milljón kr. Verð
orkunnar, kominnar til Vestfjarða, er samsett af
vinnslukostnaði virkjana, sem tengjast Norður-
línu, svo og flutningskostnaði. Flutningskostn-
aður er háður magni jaeirrar orku, sem flutt
yrði til Vestfjarða, en sé miðað við vinnslugetu
Dynjandivirkjunar, þá má lauslega áætla, að
kostnaður verði til flutnings kr. 3.50 og til orku-
kaupa um kr. 2.80 eða samt. um kr. 6.30 hver kwst.
Af jaessu er ljóst, að það er fjárhagslega hag-
kvæmast að velja virkjun innan héraðs á stærð
við Dynjandiárvirkjun, í fyrsta áfanga, og fresta
tengingu við Norðurlínu, þar til raforkumark-
aður á Vestfjörðum hefur aukizt verulega.
Stefnumið Rafmagnsveitna ríkisins hefur ver-
ið að byggja vatnsorkuver heima í fjórðungi af
hæfilegri og hagkvæmri stærð til að fullnægja
raforkuþörf íbúa svæðanna til heimilisþarfa og
atvinnurekstrar.
Langar og kostnaðarsamar tengilínur eru
æskilegar, þegar fjárhagslegur grundvöllur er
fyrir þeim að því er varðar flutningskostnað á
orkueiningu, svo og til bættrar hagkvæmni í
rekstri liinna samtengdu orkuvera.
Aðrennslispípan er gildust efst eða 90 cm, en mjókkar síðan eftir
því sem neðar dregur í fallirtu og er 70 cm við stöðvarhús. í Mjólk-
árvirkjun II er meiri fallhæð heldur en í annarri virkjun hérlendis.
SVEITARSTJÓRNARMÁL