Sveitarstjórnarmál - 01.10.1976, Blaðsíða 48

FRAMKVÆMDIR FYRIR
28 MILLJARÐA
Á FIMM ÁRUM
1 seinasta tölublaði sagði Eggert Jónsson, borgarhag-
fræðingur, frá framkvæmda- og fjáröflunaráætlun
Reykjavíkurborgar, til 5 ára í senn, sem árlega fylgir
endurskoðuð gerð fjárhagsáætlunar komandi árs. „Gögn
um framkvœmda- og fjáröflunaráœtlun Reykjavíkurborgar fyrir árin
1976—1980“, sem borgarhagfræðingur fjallaði um í grein
sinni, er fjölrituð bók, 104 bls. að stærð og hefur að geyma
fjölmargar töflur og yfirlit um hina ýmsu þætti 1 rekstri
borgarinnar allt frá árinu 1965 og áætlanir um helztu
þætti borgarrekstursins til ársins 1980. Meðal annars efnis
er þar að finna yfirlit um framkvæmdir borgarsjóðs og
borgarfyrirtækja 1976—1980 og áætlun um fjáröflun til
þeirra hvert árið um sig. Aætlað er, að framkvæmdir
þessar nemi árlega frá 4.1 milljarði árið 1976 til 6,1 millj-
arðs króna árið 1980 eða samanlagt tæpl. 28 milljörðum
króna.
Hér fer á eftir sem sýnishorn samandregið yfirlit, sem
sýnir, hvernig þessari áætlun er stillt upp. Teknar eru
saman allar framkvæmdir borgarsjóðs og borgarfyrir-
tækja hvert áranna um sig 1976—1980 og hvernig fjár-
öflun til þeirra er hugsuð.
Áætlað er, að framlag borgarsjóðs til framkvæmdanna
nemi 45,1% af heildarkostnaði, framlög ríkissjóðs nemi
15,3%, rekstrarafgangur og afskriftir séu 37%, en lán og
tekjuauki séu 2,6%.
Fjáröflunaráætlun 1976—1980, samandregið yfirlit, millj. kr.
Fram- Framlag Framlag Rekstrar Lán
kvæmda borgar- ríkis- afg. og og/eða
áætlun sjóðs sjóðs afskriftir tekjuauki
1976 4.825.1 2.173.3 595.9 1.858.6 197.3
1977 5.669.0 2.549.5 867.5 2.116.0 136.0
1978 5.606.0 2.595.0 890.0 2.031.0 90.0
1979 5.729.0 2.590.0 945.0 2.057.0 137.0
1980 6.108.0 2.680.0 985.0 2.273.0 170.0
I. og II. alls: 27.937.1 12.587.8 4.283.4 10.335.6 730.3
% 100.0 45.1 15.3 37.0 2.6
SKJALDAR-
MERKI
GRUNDAR-
FJARÐAR
Hreppsnefnd Eyrarsveitar hefur
tekið upp skjaldarmerki fyrir hrepp-
inn.
Merkið gerði listamaðurinn Balt-
asar og gaf það Grundfirðingum.
Skjaldarmerkið á að sýna Kirkju-
fellið, sem er helzta einkenni staðar-
ins, fiskibát, sem á að minna á sjáv-
arútveg sem undirstöðu atvinnulífs
byggðarinnar og fugl, en fuglalíf er
fjölskrúðugt í Grundarfirði, ekki sízt í
Melrakkaey, sem raunar er alfriðuð
fuglaparadís.
Merkið er í bláum lit.
SVEITARSTJÓRNARMÁL