Sveitarstjórnarmál - 01.02.1977, Side 29

megi, að áhrif þeirra hafi þegar verið veruleg og mál
þessi hafi verið mótuð í samræmi við lögin, en mikið
starf er þó enn óunnið.
Þróunin í byggingu dagvistarheimila
Samkvæmt lögunum skal ríkið greiða 50% af
áætluðum kostnaði fullbúins heimilis í samræmi við
ákvæði reglugerðar um stofnkostnað skóla. í þessu
atriði, sem mörgum öðrum, er náið samband milli
dagvistarheimila og skóla. Áður en menntamála-
ráðuneytið mælir með því við Alþingi, að viðkom-
andi heimili verði tekið á fjárlög, er gengið úr skugga
um, að skilyrði laga og reglugerðar séu uppfyllt. Er
þá m. a. farið yfir teikningar af væntanlegu heimili
til að ganga úr skugga um, að margvíslegar sérkröfur
heimilanna sé uppfylltar á viðunandi hátt. Til að
gefa nokkra mynd af umfangi þeirra framkvæmda,
sem hér er um að ræða, og jafnframt að gefa stutt
yfirlit yfir þróunina í byggingu dagvistarheimila
síðustu áratugi, vil ég sýna þrjár myndir, sem lýsa
þessu.
Myndin númer 3 sýnir, hve mikið var byggt,
miðað við gólfrými, af dagvistarheimilum í fjóra
áratugi, áður en lögin um dagvistarheimili voru
samþykkt, eða árin 1931 — 1972. Þetta yfirlit er látið
ná einu ári fram yfir fulla fjóra áratugi, því Græna-
borg var byggð árið 1931, en þetta er sýnt með gildu
þrepalínunni. Slitna línan sýnir, hve mikið hefur
verið byggt eftir 1973 eða er verið að byggja, og
dagvistarheimili, sem hafa verið tekin á fjárlög í
samræmi við lögin um dagvistarheimili. Rétt er að
hafa í huga, að þessi heimili hafa ekki öll verið reist
ennþá, en á móti þarf að gæta þess, þegar þessar
tölur eru athugaðar, að þrepalínan er miðuð við tíu
ára tímabil, og enn eru ekki liðin nema 3 ár, frá þvi
lögin um dagvistarheimili voru samþykkt.
Mynd nr. 4 þer beint saman allt það húsrými
dagvistarheimila, sem byggt var fram til ársins 1973
við væntanlegt rými í dagvistarheimilum, sem hafa
verið byggð síðan eða verið tekin.á fjárlög og undir-
búningur hafinn að. Sést hér, að húsrými í dag-
vistarheimilum mun tvöfaldast, þegar þessum
framkvæmdum er lokið. Hér er þess þó að gæta, að
allmörg heimili starfa í húsnæði, sem upphaflega var
byggt með önnur not í huga.
Næst er að athuga dreifingu dagvistarheimilanna.
Mynd nr. 5 sýnir þá staði, þar sem dagvistarheimili
voru byggð fyrir 1973. Flest heimilin eru á höfuð-
borgarsvæðinu, en samt nokkur utan þess.
Mynd númer 6 sýnir staðsetningu þeirra dag-
vistarheimila, sem byggð hafa verið eftir 1973 eða
undirbúningur hafinn að og tekin hafa verið á fjár-
lög. Ég vil vekja sérstaka athygli á hlutdeild sveitar-
félaganna úti um land á byggingu dagvistarheimila
eftir árið 1973, sem sést ljóslega á þessari mynd, en
víða eru heimilin mikilvæg forsenda þess, að unnt sé
að tryggja atvinnufyrirtækjunum nægilegt vinnuafl.
Eru dagvistarheimilin æskileg?
Hér á landi eru að verki fjölmargir þættir, sem
leitt hafa til þess, að eftirsókn eftir dagvistarrými
fyrir börn hefur margfaldazt á síðustu árum, en
langt er frá því, að tekizt hafi að anna þessari auknu
eftirspurn.
Byggteftir f
Mynd 3: Bygging dagvistarheimila.
SVEITARSTJÓRNARMÁL