Sveitarstjórnarmál - 01.02.1982, Síða 17

seinni áfanga. Gert var samkomulag við Sjúkrahús
Akraness um kaup á aðalmáltíð frá eldhúsi sjúkra-
hússins. Er sá matur fluttur til heimilisins í þar til
gerðum hitabökkum. Hefur sú tilhögun gefizt vel,
þótt vitanlega megi finna á henni galla. Einn meg-
inkostur slíkrar tilhögunar felst í því, að þannig er
hægt að tryggja, að þeir, sem þurfa einhvers konar
sérfæði vegna heilsu sinnar, fá það á sama hátt og
sjúklingar á sjúkrahúsinu.
Þótt vinnuaðstaða og rými til sjúkraþjálfunar
heyri endanlega til síðari byggingaráföngum, hefur
vinnuaðstaða þegar verið innréttuð í núverandi
húsnæði. Er sú þjónusta að öllu jöfnu vel sótt og ekki
fjarri að ætla, að um helmingur vistmanna sæki
hana reglulega, auk þess sem ýmsir vinna að
handavinnu í íbúðum sínum.
Nú er unnið að innréttingu aðstöðu til sjúkra-
þjálfunar, hárgreiðslu og fótsnyrtingar í bráða-
birgðahúsnæði í kjallara, og verður það væntanlega
tilbúið á árinu 1982.
Dagvistun hefur verið komið á i tengslum við
heimilið. Hófst hún á sl. hausti og hefur gengið
greiðlega. Dagvistun er mikilvægur þáttur í þjón-
ustunni, þáttur, sem gerir öldruðum jafnt sem ör-
yrkjum mögulegt að dveljast mun lengur á heimili
sínu en ella. Nú sækja 9 einstaklingar dagvistun í
viku hverri, misjafnlega langan tíma eftir löngun og
þörfum hvers og eins. Taka þeir þátt í því, sem fram
fer innan veggja heimilisins dag hvern eftir því sem
hugur stendur til. Innréttað hefur verið sérstakt
hvíldarherbergi fyrir dagvistunarfólk. Ekki er að efa,
að dagvistun og endurhæfing verða vaxandi þjón-
ustuþættir á komandi árum.
Á þessu ári, ári aldraðra, er, svo sem áður er getið
um, áformað að ljúka innréttingu endurhæfingar-
aðstöðu. Auk þess er áformað að hefja byggingu
leigu- og sjálfseignaríbúða fyrir aldraða og öryrkja,
og hafa kannanir sýnt, að fyrir því er verulegur
áhugi. Einnig er ljóst, að mjög er aðkallandi að
hefjast handa um byggingu aukins þjónusturýmis
fyrir marga þá þætti, sem að framan eru nefndir.
Á sl. ári var gert átak í frágangi lóðar, sem vakti að
sjálfsögðu mikla ánægju. Ljóst er því, að hugur
stendur til þess, að áfram verði haldið einnig á því
sviði á árinu, sem nú er nýhafið.
Hjón í íbúð sinni á Höfða. Húsbúnaður er þeirra eigin. Til
vinstri sést inn í svefnherbergi.
Úr einu af þremur vinnuherbergjum vistmanna.
Dvalarheimilið Höfði er ekki hannað sem hjúkr-
unarheimili. Á því sviði nýtur það góðrar þjónustu
Sjúkrahúss Akraness. Heimilið er við Sólmundar-
höfða. Þar er friðsælt, en um leið einhver fegursti
staður Akraness með útsýni yfir flóann í átt til
Reykjavíkur, Akrafjall, Esjan og höfnin blasa við.
Fjölmennt byggðarhverfi er í næsta nágrenni,
Langisandur og sjórinn við gafl og væntanlegt að-
al-útivistarsvæði bæjarbúa við hlið hússins.
Fyrsti forstöðumaður heimilisins var Gylfi Svav-
arsson, en nú veitir Ásmundur Ólafsson því forstöðu.
Öll hönnun heimilisins var unnin á Verkfræði- og
teiknistofunni sf. á Akranesi.
Þetta ár er helgað þjónustu og aðbúnaði aldraðra.
Þótt margt hafi áunnizt á síðustu árum, er vissulega
margt enn ógert. Guð gefi okkur gæfu til þess að
hnika málum verulega áfram á þessu sérstaka ári.
SVEITARSTJÓRNARMAL