Sveitarstjórnarmál - 01.02.1982, Page 20
Auk þess að fullgera sementsverksmiðjubryggjuna
var á árunum 1956—1957 unnið að því að fram-
lengja bæði hafnargarð og bátabryggju.
Hafnargarðurinn var lengdur um 62 m með einu
,,innrásarkeri“ af B-gerð. Var verk þetta framkvæmt
á sama hátt og síðasta lenging garðsins, sem að
framan getur. Við framlengingu þessa fékkst betra
skjól í höfninni fyrir sunnan og suðvestanátt. Hafn-
armynnið á milli hafnargarðs og enda sementsverk-
smiðjubryggjunnar er nú aðeins 95 m á breidd.
Skipstjórar og hafnarnefndarmenn frá Akranesi fylgjast
með líkantilraunum í Straumfræðistofnun Hafnamálastofn-
unar í ársbyrjun 1978.
Bátabryggjan var lengd um 67 m með kerjum,
sem sökkt var framan við bryggjuna. Kerin voru
grjótfyllt og yfir þau steypt. Breidd nýja hlutans er
um 12,5 m. Mesta dýpi við bátabryggju er um 5,5 m.
Fyrir framan bátabryggjuna var komið fyrir sem
skjólgarði „innrásarkeri“ af B-gerð, en þau eru, eins
og að framan getur, 62 X 13 m að stærð. Ekki var
steypt yfir kerið, en þannig var gengið frá því, að
auðveldlega mátti flytja það.
A þessum árum var einnig gerð nokkur uppfylling
ofan við sementsverksmiðjubryggjuna.
Framkvæmdir 1960—1981
Arið 1960 var steyptur veggur innan á og fyrir
endann á kerinu, sem er í framlengingu bátabryggj-
unnar. Veggur þessi er steyptur í sömu hæð og
veggurinn fyrir ofan. Ennfremur var gerður grjót-
garður milli sementsverksmiðjubryggjunnar og
bátabryggjunnar.
Á árunum 1960— 1966 var lítið um framkvæmdir
i höfninni, enda átti höfnin fullt í fangi með að
greiða niður erlend lán, er tekin höfðu verið til
framkvæmdanna árin 1956—1958.
Árið 1966 er grjótfylling sett utan á með efsta
hluta hafnargarðsins ca. 180 m löng til breikkunar
garðinum. Árið 1968 er svo 130 m langur veggur úr
steyptum einingum settur á fyllinguna og garður
breikkaður um 4—6 m. Ný upphækkuð þekja með
köntum og pollum steypt, með 3 nýjum ljósamöstr-
um og sjólagnir, vatnslagnir og raflagnir lagðar
ásamt tilheyrandi brunnum. Árið 1966 grefurgamli
Grettir 600 m langa siglingarrennu inn að slipp
Þorgeirs og Ellerts hf. í Lambhúsasundi.
Árið 1970 var brotið ofan af fremsta innrásarkeri í
bátabryggju, steypt þekja á það með köntum, poll-
um og ljósamöstrum. Til að ná fullri breidd á kerinu
var það klætt hafnargarðsmegin með gisnum
steyptum einingum.
Árið 1971 var 140 m langur grjótgarður settur á
Vesturflös í Lambhúsasundi til skjóls m. a. fyrir lyftu
Þorgeirs og Ellerts hf. Á sama ári er efsti hluti
bátabryggju (70 m) breikkaður og hækkaður með
forsteyptum kassaeiningum, ný þekja steypt með
köntum, pollum, lögnum og ljósamöstrum.
Árið 1972 var 70 m langur einingaveggur settur á
fyllingu undan Heimaskaga.
Árin 1972—1973 var hafin smíði tveggja 20 m
langra kerja til lengingar aðalhafnargarðs. Fram-
kvæmdum hætt og annað kerið selt til Breiðdalsvík-
ur. Kerbotn hins kersins er hér enn í kerslipp í höfn-
inni.
Á árunum 1974—1975 er lokið við 59X13,4 m
langa ferjubryggju úr steyptum kassaeiningum og
ferjulægi og ferjubrú smíðuð. Framkvæmdir við
ferjubryggjuna voru vel heppnaðar og einstakar
fyrir margra hluta sakir. Að rekja þá framkvæmda-
sögu verður að bíða annars tíma.
Árið 1976 var byggð og sett upp 50 tonna hafnar-
vog ásamt húsi.
Árið 1978 var steypt ný þekja á innrásarker ofan
beygju á aðalhafnargarði og ljósamöstur sett upp
fram garðinn.
Árin 1976—1981 voru svo unnar umfangsmiklar
grjótframkvæmdir, sem nánar verður fjallað um hér
á eftir.
SVEITARSTJÓRNARMÁL