Sveitarstjórnarmál - 01.02.1982, Síða 25

grundvallar og fyrir voru, en þó með nokkuð
strangari flokkun en áður.
Framkvæmdir í gömlu grjótnámunni við Berja-
dalsá hófust um mánaðamótin maí—júní. I lok
mánaðarins sáu menn fram á, að ekki væri raunhæft
að halda þar áfram vegna sífellt lægri prósentu stórs
grjóts (niður í 3—5%). Eftir nokkurn aðdraganda,
sem ég mun ekki rekja nánar hér, var ákveðið að fara
í grjótnámu í landi Galtarvíkur í 20 km fjarlægð frá
höfninni. Reynsla hafði áður fengizt við námu-
vinnslu þar í sambandi við byggingu hafnarinnar á
Grundartanga. I þessari námu höfum við svo unnið
nánast samfellt til dagsins í dag með allgóðum
árangri. Við höfum ekið þaðan öllum steinum sem
eru stærri en 4 tonn.
Á verktímanum hafa endurbæturnar sífellt verið
til athugunar á garðinum. Miklar mælingar hafa
verið framkvæmdar bæði frá landi og sjó, vísinda-
menn heima og erlendis fengnir til ráðuneytis. Gisli
Viggósson gerir þessu efni nánari skil, og mun ég því
ekki fara nánar út í þetta og það þversnið, sem end-
anlega var svo unnið eftir.
Ég get þess þó i lokin, að horfur eru á, að kostn-
aður í ár muni fara upp í tæpar 4 millj. kr. Það, sem
veldur þar mestu um, er breytt og aukið þversnið
með svo til eingöngu stóru grjóti og fjarlægð námu
frá höfn.
Grjótnámsvinnsla og
grjótgarðsgerð
Á Akranesi á að vera fengin allgóð reynsla frá
verkum síðustu ára í grjótvinnslu og grjótgarðsgerð,
og er rétt að drepa hér á helztu atriðin því viðvíkj-
andi:
Grjótnám það, sem valið er, er ákvarðandi um
hagkvæmni verksins. Því þarf að vera nægur tími i
verkbyrjun eða áður til athugana og rannsóknar-
borana.
Oft hindra umhverfissjónarmið, að leyfi fáist til
grjótvinnslu; því þarf, áður en til rannsókna kemur,
að liggja fyrir vilyrði til námureksturs.
Önnur atriði í beinu sambandi við hagkvæmnina
eru: fjarlægð námu frá garði, aðstaða til flokkunar í
námu eða við hana.
Fjárveitingar til hafnamála eru oftast óbreytanleg
tala ár hvert. Augljós er ]dví í okkar verðbólgulandi
mismunur þess að vera með framkvæmdir í gangi
snemma árs eða síðla árs, auk þess sem mun auð-
veldara er að útvega tæki og ná samningum við
tækjaeigendur snemma árs en síðla.
Lág einingaverð í grjótvinnslu fást ekki nema
tækjakostur og tækjamenn séu góðir. Síðastliðin 6 ár
hefur höfnin skipt að mestu við sömu tækjaeigendur,
sem lagt hafa til verksins ný og góð tæki, sem reyndir
tækjamenn hafa stjórnað.
Mikilvægast af öllu er þó, að það hönnunarsnið,
sem unnið er eftir, taki mið af grjótnámi, þ. e. a. s. af
flokkun, stærð steina og dreifingu þeirra. Möguleiki
ætti að vera innan vissra marka að aðlaga sig námu
með breytilegum þykktum á kápu, stærðarflokkum
og fláa.
Raunhæfasti möguleiki til útlagningar grjóts á
Gengið frá garðsenda, kápu og krónu við verkáfangalok
1978.
SVEITARSTJÓRNARMÁL