Sveitarstjórnarmál


Sveitarstjórnarmál - 01.02.1982, Blaðsíða 27

Sveitarstjórnarmál - 01.02.1982, Blaðsíða 27
Grjótgarðurinn á Akranesi Snið það, sem unnið var eftir við framkvæmdirnar og byggði á líkantilraunum, var hönnun, sem tók mið af þekktum árangri í grjótvinnslu og af því að skila okkur að settu marki á 4 árum. Garðurinn hefur staðizt þær öldur, sem hann var hannaður fyrir. Það hefur hann sýnt í veðrunum 15. jan. 1978 og 27.— 28. des. 1980. Astand er allt annað og betra innan hafnar en áður var, þótt komið hafi á óvart í desemberveðrinu 1980 ókyrrðin alls staðar innan hafnarinnar og þær ráðstafanir, er þurfti að gera til að forðast tjón á skipum innan hafnar. Þessi ókyrrð tengist ekki hönnunarþversniði garðsins heldur lengd hans, stefnu og ástandi sjávar. Líkantilraunir eru oftast einu raunhæfu aðferð- irnar til að finna heppilega lausn á flóknum fyrir- bærum náttúrunnar, en líkantilraunir eru í eðli sínu nálgunaraðferð, sem aðeins gefur svör, og þau alls ekki óyggjandi, við tilbúnum aðstæðum, sem keyrðar eru í gegnum líkanið. Veðrið og skakkaföllin sl. vetur hafa sýnt, að við verðum að endurmeta efsta hluta grjótgarðsins, þ. e. a. s. grjótvörnina utan á einingaveggnum. Astæðan fyrir skakkaföllum þarna er, að frákasts- bylgja frá ströndinni leggst saman við innkomandi bylgju og myndar eina takmarkaða stóra samruna- bylgju. Sá hnútur, sem myndast við þetta, hleypur til, eftir því hver sjávarstaðan er. Er ofarlega, þegar hátt er í, en framarlega, ef lágt er í. Grjótgarðsfyllingin utan á einingaveggnum er ekki nógu breið og gegndræp. Því hindrar þéttur einingaveggurinn grjótið í að drepa niður ölduna. Fyllingin virkaði sem lokaður veggur og nokkurs konar stökkbretti fyrir ölduna. Hér þarf algjört endurmat að koma til, og í því sambandi þarf að athuga, hvort ekki sé heppilegra að breyta formi strandlengjunnar. Til bráðabirgða hefur verið sett flokkað grjót í skarðið, sem myndaðist þarna í vetur, þar á meðal stórir steinar, 8—12 tonn, úr ummynduðu bergi, svokallaðir rauðir steinar, sem veðrunin brýtur niður á fáum árum og er þess vegna ekki hægt að nota i grjótkápu. Snúum okkur aftur að megingarðinum framan einingaveggsins. í skýrslunni frá 1978 kemur fram, að gert er ráð fyrir takmörkuðum skemmdum á garðinum í aftökum. Einnig skal bent á, að niður- brotskraftar náttúrunnar vinna á garðinum í tímans rás, steinar springa, þeir brotna og eyðast. Síðan árið 1960 hafa ekki komið hér í Akraneshöfn veður í líkingu við þau þrjú, sem sérstakar skýrslur og úttektir hafa verið gerðar um, þ. e. a. s. veðrið 14.—15. jan 1978, veðrið 27.-28. des. 1980 og veðrið 16.—17. febrúar 1981. Fyrri veðrin tvö eru greinilega þeirrar ættar, sem mestöll athyglin beindist að við líkantilraunirnar. Garðurinn framan einingaveggs stóð þau veður vel af sér án teljandi tjóna. Hönnun garðsins var, eins og áður segir, hönnun, sem tók ríkt mið af afrakstri i námu. Hönnun, sem í versta falli gerði ráð fyrir, að hægt yrði að styrkja grjótgarðinn, enda aðkoma auðveld að honum öll- um. En það er veðrið í febrúar, sem skiptir sköpum. Vindur var óskaplegur, 13—14 vindstig, og benda má á olíugeymi Sementsverksmiðjunnar, sem enn ber ummerki þessa veðurs, stóra dæld. Skip létu illa í sjó, enda alda mjög kröpp. Astand innan hafnar var án vandræða, inn- og útsigling var hættulaus, öfugt við það, sem var í desember. Ummerki eftir þetta veður verða þó með ólíkind- um og langt umfram það, sem eðlilegt getur talizt með hliðsjón af framansögðu. Hvað er það, sem veldur? Hér er áreiðanlega um samspil margra stærða, stærða, sem sumpart var ekki gert ráð fyrir í líkantilraununum. SVEITARSTJÓRNARMÁL
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72

x

Sveitarstjórnarmál

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Sveitarstjórnarmál
https://timarit.is/publication/1063

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.