Sveitarstjórnarmál - 01.02.1982, Qupperneq 29

GÍSLI VIGGÓSSON, verkfræö-
ingur, Hafnamálastofnun:
HÖNNUN BRIMVARNARGARÐA
MEÐ TILLITI TIL SKEMMDA Á
BRIMVARNARGARÐINUM Á AKRANESI
Hönnun brimvarnargarða
úr stórgrýti
Almenna formið á brimvarnargörðum er, að
garðarnir hafa beina fláa bæði haf- og hafnarmegin.
Þetta form er hagkvæmast, þar sem það gefur minnst
magn á lengdareiningu, og eins er þetta eina formið,
sem til greina kemur með tilliti til þeirra tækja, sem
notuð eru við byggingu grjótgarða. Þá er miðað við,
að krani sé notaður við útlagningu stórgrýtis.
Skoðum við aftur á móti sand- og malarfjöru,
sjáum við, að náttúrlegt jafnvægi er yfirleitt S-
form. Neðan við sjávarborð er brimþrep með litlum
fláa. Hins vegar er fláinn mun meiri fyrir neðan
brimþrepið og eins fyrir ofan það. Með tilkomu
pramma við útlagningu í fót fláans hafmegin er
leitazt við að nálgast fyrrnefnt náttúrlegt form.
Gfsli Vlggósson, verkfræðlngur.
Brimvarnargarður er byggður úr kjarnaefni, sem
nær frá botni og upp fyrir flóðborð. Utan um
kjarnaefnið er sía úr milligrjóti, og yzt er hlífðar-
kápan úr stórgrýti. Þegar garður er byggður á sandi,
þarf einnig að leggja síu á botninn milli sandsins
og kjarnaefnisins.
Við hönnun garðs þarf að taka tillit til margra
þátta. Þeir eru:
— öldugerðin
— öldustefnan miðað við stefnu garðs
— dýpi á garðstæði og botnhalli
— botnlögin, klöpp eða setlög
— sjávarföll
— hæsta og lægsta sjávarstaða
— grjótnám
Með tilliti til þessara þátta er hlífðarkápunni skipt
í ákveðna hluta hvað snertir stöðugleika:
— Hlífðarkápan hafmegin. Hún nær frá einni til
einnar og hálfrar ölduhæðar niður fyrir lægsta
sjávarborð til sömu hæðar og upp fyrir hæsta
sjávarborð.
— Fóturinn þar fyrir neðan.
— Króna garðsins að ofanverðu.
— Hlífðarkápan hafnarmegin niður að fjöruborði.
— Hlífðarkápa neðan við fjöruborð hafnarmegin.
— Endi garðs þarf að hafa milli 50% til 100% stærra
grjót í hlifðarkápu til að hafa sama stöðugleika
og aðrir hlutar hans á 90° til 150° geira miðað
við öldustefnu.
Þótt ótrúlegt megi virðast, þá hefur ekki tekizt að
gera raunhæft reiknilíkan til að segja fyrir um
stöðugleika garðs úr stórgrýti miðað við mismun-
SVEITARSTJÓRNARMÁL